JUAN 1:34 - Tepehuano Tepehuán del Sureste (Durango)

³⁴ Xib jañ dho gi baꞌ moo bax maat ji na dhiꞌr diꞌ, baꞌ aañ yaꞌ pu jam tɨtda, na dhiꞌ Dios jir Maraaꞌn.

JUAN 1:34 Iomraidhean Croise

MATEO 11:27

Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.

MATEO 16:16

Baꞌ muiꞌ ji ñio gu Simoon guiꞌ nam Peegro kɨꞌn jup jix mat kaꞌ, jup kaiꞌch: ―Dho aapiꞌ dhor diꞌ guch Xoiꞌkam guiꞌ na saak bha jootsaꞌ gɨt gu Dios.

MATEO 17:5

Baꞌ na miꞌ puiꞌ ka kaiꞌch gu Peegro, jotmodaꞌ bhaiꞌ ji chɨbgɨr, jix chutuap tum duu miꞌ nam paiꞌp tuꞌiiꞌ. Baꞌ bhɨjɨ dɨr jaꞌp tɨbaaꞌñ chaꞌm bhaiꞌ ji chum ñio, jup tum kaiꞌch: ―Dhi Jesuus aañ jir jiñ mar, baꞌx ioꞌm jix dhaꞌ iñ. Aañiꞌ yaꞌ dɨr mu joot na pim baꞌ miꞌ puiꞌ xi jimɨi na jax jam tɨɨdaꞌ.

MATEO 26:63

Guꞌ ji na guꞌ cham ñiok gu Jesuus, miꞌ pɨx pu tuꞌiiꞌ. Baꞌp tɨtda ɨp gio gu Kaipaas: ―Tuꞌ sɨlhkam kɨꞌn jañ yaꞌ pum tɨtda buiñor gu Dios nap jich aagiꞌñdhaꞌ noꞌp moo sɨlhkam aap jir diꞌ guch Xoiꞌkam gu Dios gu Maraaꞌn guiꞌ na saak bha jootsaꞌ gɨt jix dhaam dɨr.

MATEO 27:40

jup kaiꞌchdhaꞌ am: ―¡Jaña nap jax chuꞌiiꞌ! Nap saak iaraꞌ gu gɇꞌ chiop, gio nap saak baik tanoolh kɨꞌn gio jumai bhaiꞌp kɨɨsaꞌ. Eap xi chɨmiiñ bhaiꞌ dhɨr bhaan dhi kuruus nach xim nɨiꞌñdhaꞌ noꞌp baabuiꞌ moo sɨlhkam Dios jir Maraaꞌn, kaꞌ baꞌ guꞌ nap puiꞌ pɨx kaiꞌchdhaꞌ.

MATEO 27:43

Na guꞌp kaiꞌchdhaꞌ na saak Dios jir Maraaꞌn, nat guꞌ sap pɨk baꞌ bhaan tɨ tɨɨ nar jix kɨɨꞌ maaꞌnkam. ¿Cham bhaaiꞌ aa na bha jimɨi bhaiꞌ dhɨr ji chɨbaañdhaꞌ gu Dios noꞌ baabuiꞌ moo sɨlhkam jix ioꞌm jix dhaꞌ na jax ba kaiꞌchdhaꞌ?

MATEO 27:54

Baꞌ gu ja gɇꞌkam tuk gu sandaaruiꞌx ja bɨɨm guiꞌ nam maap miꞌ tu nuukaꞌn, giilhim bhaiꞌ ji chootoꞌn jamɨt nat paiꞌ dhuuk bhaiꞌ ji giꞌndukɨ gu oiꞌñgaꞌn gio na bɨɨx aixim tum bua nam naiꞌ xi chɨ nɨiꞌñ, baꞌp kaiꞌch am: ―Bak ji guꞌ moo sɨlhkam Dios jir Maraaꞌn ji dhich jaduuñ na chich yaꞌ ba mua.

MATEO 3:17

Miꞌ dhɨr baꞌ bhaiꞌ ji chum ñio bhammɨ dɨr jix dhaam, jup tum kaiꞌch: ―Dhiꞌñir diꞌ guñ mar nañ jix ioꞌm jix dhaꞌ, na ñich guꞌ pu bɨjɨk dɨr bhaan tɨ tɨɨ.

MATEO 4:3

Baꞌ miꞌ ba ai gu jaꞌook na tɨi bax maiꞌchim, jup tɨtda: ―Eap puiꞌ xi ja tɨɨꞌn dhi joodai na paan jup jum duñiaꞌ noꞌp baabuiꞌ sɨlhkam Dios jir Maraaꞌn.

MATEO 4:6

jup tɨtda baꞌ bhaiꞌ xi kɨɨsak kookbaꞌn: ―Eap yaꞌ dɨr muiꞌ xi chuudaiñ noꞌ pich moo baabuiꞌ cham muu, na baꞌx maatɨꞌ kaꞌ noꞌp baabuiꞌ moo sɨlhkam Dios jir Maraaꞌn. Na guꞌp jum kaiꞌch miꞌ uꞌuan taꞌm na tu uaꞌñix na jaꞌpni muiꞌ jim kɨksa: Gu Dios bham joochxidhaꞌ gu noonbiꞌñ nam baꞌm nuukdaidhaꞌ, gio nam jum noonob am tu daagɨi tɇꞌkob jum uaꞌkaꞌ nap baꞌ cham jodai chaꞌm jutbui ɨlhiaꞌ.

MATEO 8:29

Baꞌ gɇꞌ kɨꞌn jiiñkɨt jup tɨtda am gu Jesuus: ―¡Aapiꞌ Jesuus nap jir Maraaꞌn gu Dios, chakuip jich chulhiiñchuꞌndaꞌ, nat guꞌ chakuim ai janoꞌ nap paiꞌ dhuuk jich chulhiiñchudaꞌ!

MAARKOS 1:1

Jaꞌpni jaꞌk bhaiꞌ jim tɨbgai dhix bhaiꞌm kaiꞌchdham ñiꞌook na bhaan tu aꞌga guch Xoiꞌkam, Maraaꞌn gu Dios,

MAARKOS 1:11

Gio baꞌ nat ba kai nat bhaiꞌ ba tum aꞌga bhammɨ dɨr jix dhaam, jup tum kaiꞌch: ―Aap jir diꞌ nap jir jiñ mar nañ xim kɨɨgalhiꞌñ, gio nañ gɇꞌkam kɨꞌn jix bhaiꞌñ chaat aap jum bui.

LUUKAS 1:35

Baꞌ gu nobiiꞌñ gu Dios jup tɨtda: ―Dho na guꞌ gux Dhuuduꞌ kam jix Uañ Iiꞌmdaꞌ jum aꞌm jum tajaanaꞌ nar ɨkgigaꞌn gu Gɇꞌkam Dios, na guꞌ dhiꞌ jaꞌp ji buusan na jax gu tɨbaaꞌ na tɨ ɨkgiꞌ. Gu Dios pɨx dɨɨlh jup tu duñiaꞌ, na guꞌx ioꞌm jir gɇꞌkam, bɨxchuꞌx bhaaiꞌ na pu tu duñiaꞌ. Puiꞌ kum baꞌ Gɇꞌkam Dios maraaꞌn kɨꞌn machiaꞌ gu jaꞌtkam dhiꞌ dhi alhii chioꞌñ janoꞌ na paiꞌ dhuuk maaxirɨi yaꞌ ba oirɨdaꞌ, na guꞌ gam nax uañ kɨꞌn ya oirɨdaꞌ.

LUUKAS 3:22

Baꞌ gux Dhuuduꞌ kam jix Uañ Iiꞌmdaꞌ maaxik bhammɨ dɨr bhaiꞌ ji chɨm jaꞌp tuꞌm na gu giodaꞌ. Gio baꞌ nat bhammɨ dɨr bhaiꞌ ba tum aꞌga, jup tum kaiꞌch: ―Aap jir diꞌ guñ mar nañ joidham jix ioꞌm xim daꞌ, na ñich guꞌ gɇꞌkam kɨꞌn jum aꞌm tɨ tɨɨ dai aap.

JUAN 1:18

Noꞌ chakui jich aagiꞌñdhaꞌ gɨt, pu chakui machiaꞌ ich gɨt. Guꞌ ji nat guꞌ siamri xich joiꞌndak bhaiꞌ xich guguuxdharak, sia ku jaꞌxbuiꞌp jir gɇꞌkam na guch Gɨꞌkoraꞌ, na guꞌ dɨɨlh gu Dios cham jɨꞌxkat yaꞌ paiꞌm maaxdhaꞌ maaxik nach gɨt iam jup ba machiaꞌ na jax jir tuꞌm kam.

JUAN 1:49

Baꞌp kaiꞌch ɨp gio gu Natanail: ―Xib jañ dho gi bax maat ji nap aap jir diꞌ gu Maraaꞌn gu Dios jiñ jaduuñ. Tɨɨꞌ nap guꞌ jax bɨxchuꞌx chu matdaꞌ. Aap bak baꞌ yaꞌ bar gɇꞌkam kaꞌ ja bui gu Israel kam jaꞌtkam.

JUAN 10:30

Na guꞌ aañ gio guñ Gɨꞌkoraꞌ maaꞌn iiꞌmdaꞌ pɨx jup duuk ich gook dɨt.

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

JUAN 11:27

Baꞌp kaiꞌch gu Maarta: ―Tɨ jɨɨgiꞌñ iñ ji bɨɨx nap jɨꞌk jax kaiꞌch jiñ jaduuñ, nañ guꞌ aañ jix maat jia nap aap jir diꞌ guch Xoiꞌkam, Maraaꞌn gu Dios, guiꞌ na saak bha jimdaꞌ yaꞌ dhi oiꞌñgaꞌn.

JUAN 19:7

Baꞌp kaiꞌch am ɨp gio gu Israel kam jaꞌtkam: ―Jaꞌpji nach guꞌ aach miꞌ puiꞌ tu daaꞌñchuꞌ na jax jum kaiꞌch mich uꞌuan am na paiꞌ tu daaxix na jax tu aagix aach jich bui nach jɨꞌk jir Israel kam. Na miꞌ paiꞌ puiꞌm kaiꞌch maaꞌn kap na saak jir uaꞌtulhdharaꞌ noꞌ jaroiꞌ jax kaiꞌch nar maraaꞌn gu Dios. Jaiñ guꞌ dhiꞌ jaꞌp pɨx na puiꞌ kaiꞌch nar gɇꞌkam, gio na sap jir maraaꞌn gu Dios na jax dhui pɨx bhaan jum uaꞌtulhiꞌñ. Puiꞌ dho baꞌ pɨx bax bhaiꞌ nach muꞌaaꞌ.

JUAN 20:28

Baꞌ giilhim jix bhaiꞌm ɨlh gu Tomaas, jup kaiꞌch: ―¡Aaja guñ Gɇꞌkam tuk! Giop dua ji bak guꞌ sɨlhkam gu Dios jiñ Gɨꞌkoraꞌ.

JUAN 20:31

Daipuꞌ dhiꞌ na jɨꞌk pɨx yaꞌ tu daa na pim ba nɨiꞌñ, na pim baꞌ tu jiñkuidhai tɨ jɨɨꞌñdhaꞌ na gu Jesuus jir diꞌ guch Xoiꞌkam na maaxik yaꞌ xi oilhimɨk dhi oiꞌñgaꞌn bhaan, nar Maraaꞌn gu Dios nat bha joot. Na baꞌ gu jaroiꞌ na tɨ jɨɨꞌñdhaꞌ buiñor baidhikaꞌx dhaam jaꞌk na paiꞌ gammɨjɨ pu ba duakaꞌ.

JUAN 6:69

Guꞌ aach dai aap pɨx bhaiꞌ bam nɨidhim ji, na chich guꞌ bɨɨx jich jujur kɨꞌn ba tɨ jɨɨꞌñ aap jum bui, nach guꞌ bax maat nap aap jir diꞌ guch Xoiꞌkam nap jir Maraaꞌn gu Dios nat bham joot.

ROOMA KAM 1:4

Baꞌ nat paiꞌ dhuuk muukɨk giop dua guch Xoiꞌkam, dhiꞌ bhaan matgir na sɨlhkam jir Maraaꞌn gu Dios na bɨxchuꞌx bhaaiꞌ na pu tu duñiaꞌ, na ni jaroiꞌ gu jaꞌppɨx maaꞌnkam cham jɨꞌxdhat pu tu duñiaꞌ, gam nat cham tuꞌ bhaan jum uaꞌtulh sia pɨk nar jax kaꞌ gɨt.

2 KORIINTO KAM 1:19

Janoꞌ na chich bhaan tu jam aꞌgi guch Xoiꞌkam guiꞌ nar Maraaꞌn gu Dios, janoꞌ nach maap jiim gu Silbaano gio gu Timoteo, cham tuꞌ chich gio puiꞌp jam tɨɨꞌn mɨkkat na cham jir sɨlhkam puiꞌ na chich jax chu jam aꞌgi, pu puiꞌ jaꞌk bii na chich jax jaꞌk tu jam aꞌgi, na guꞌ maaxik puiꞌ jaꞌk jir sɨlhkam. Na guꞌ gu Dios pɨx dɨɨlh na puiꞌ jaꞌk tu ñiok, tɨ jɨɨꞌñdhidhat puiꞌ kaiꞌchdhaꞌ na puiꞌ tu tuiꞌkaꞌ, nat guꞌ guch Xoiꞌkam pɨx puiꞌ ba tu duu na miꞌ puiꞌ tu tuiꞌñgɨdaꞌ na jax jir sɨlhkam.

ISRAEL KAM 7:3

Ku guꞌ guiꞌ gu jaduuñ pu cham jaroiꞌ maatɨt ji nat paiꞌ dhɨr jaꞌk buus, ni nat paiꞌ ba maaxir, gio na jaroiꞌr taataꞌn kat, gio baꞌ na jaroiꞌr dɨꞌɨɨꞌn kat, ni ku cham maatɨꞌ nam jaroiꞌr kukuulsiꞌñ gio nam jaroiꞌr bopxiꞌñ. Ni ku cham paiꞌ kaidhaꞌ noꞌt muu piam ku dua. Panaas baꞌ ku pui mu paiꞌ dua sia gu xib na ja palhbuiꞌñ gu jaꞌtkam nam tu daandaꞌ buiñor gu Dios gam na tu ja daañxiꞌñ, iam pɨx puiꞌ jaꞌk jup ba ji buus na jax guch Xoiꞌkam na bhaankamuꞌn yaꞌ oilhimɨk gu Dios na gammɨjɨ pu dua.

1 JUAN 2:23

Na guꞌ kaiꞌñkam nañ jax ba kaiꞌch, na gu jaroiꞌ noꞌ tuꞌ pɨx ɨlhdhat jaꞌp xi dhuukat gu Jesuus jich Xoiꞌkam, cham tuꞌ bhaan tɨ nɨidhidhaꞌ gu Dios, sia ku guꞌ kaiꞌñkam tɨi tɨ jɨɨgiꞌñ dai gu Dios buiñor. Jɨɨꞌ ji gu jaroiꞌ noꞌ tɨ jɨɨgiꞌñ bɨɨx juraaꞌn kɨꞌn buiñor gu Maraaꞌn jich Xoiꞌkam na baꞌ bhaan tɨ nɨidhidhaꞌ gu Dios jich Gɨꞌkoraꞌ, nam guꞌ kaiꞌñkam maap jum kɇkɇɇ gu Dios gio guch Xoiꞌkam.

1 JUAN 3:8

Guꞌ noꞌ pim guꞌ dai bɨɨx aixim tu bua na tuꞌr uaꞌtulhdharaꞌ, dhiꞌ bhaan jup bax maatɨꞌ kaꞌ na pim dai mu jaꞌk kaichgɨt gu jaꞌook miꞌ puiꞌ tu kuugalhdhim na jɨꞌk jax jam tɨɨdaim. Na guꞌ gu jaꞌook gammɨjɨ dhiꞌ bhaan tu juan, bɨjɨk dɨr pum uaꞌtulhiꞌñ nat dɨr jup duu gu Dios. Pu kaiꞌñkam baꞌ pɨx bha joot gu Dios gu Maraaꞌn jich Xoiꞌkam na baꞌ yaꞌch palhbuidhaꞌ na puꞌñi tuch uañdhaꞌ guch uaꞌtulhdharaꞌ, na baꞌ miꞌ dhɨr cham jɨꞌxdhaꞌ jax kach dhoodaꞌ gu jaꞌook na jax tɨi ka ɨlhdhat.

1 JUAN 4:9

Na guꞌx bhaiꞌx maatɨꞌ jia na joidham jix chu joiꞌgɨꞌn gu Dios. Tɨɨꞌ nat moo bha joot gu dai maaꞌn Maraaꞌn yaꞌ aach jich bui, nat xich joiꞌgɨlh na sap baꞌ noꞌ chich tɨ jɨɨꞌñ buiñor, jich baidhikaꞌx dhaam nach paiꞌ joidham jix jɨjɨkgɨm bap tuiꞌkaꞌ.

1 JUAN 5:20

Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.

2 JUAN 1:9

Baꞌ gu jaroiꞌ noꞌ jaiꞌ pup miꞌ xi baapsaim na dɨɨlh jax ɨlhiiꞌñdhaꞌ na paiꞌ dhuuk tɨi sap pɨk baꞌ tu aꞌgadaꞌ gu Dios ñioꞌkiꞌñ, cham tuꞌ bhaan tɨ nɨidhidhaꞌ gu Dios. Jɨɨꞌ ji noꞌ daaxix kam pɨx tu aꞌga, daipuꞌ nat jax pɨx xi chu daasak guch Xoiꞌkam janoꞌ na yaꞌ xi oilhimɨk na baꞌ bhaan tɨ nɨidhidhaꞌ gu Dios gio gu Maraaꞌn Jesuus.

NAT JAX TƗ TƗƗ GU JUAN 2:18

’Xib jap baꞌ moo mu jaꞌk jup tu ja uaꞌñxidhaꞌ gu Tiatira oiꞌñkam nam jiñ bui tɨ jɨɨgiꞌñ, buiñor guñ chujuandam tuk na miꞌ tu juan ja bui, na baꞌ miꞌ dhɨr ja aagiꞌñdhaꞌ. Jaꞌpnip jaꞌk mu tu uaꞌñxidhaꞌ: “Jaꞌpni kaiꞌch guiꞌ na gɇꞌgɇr mɨmɨim gu buupuiꞌñ, gio baꞌ gu tootnaꞌn nax mɨmɨim jaꞌp na jax gu baiñum toiñdhichdhix kam: