JUAN 1:19 - Tepehuano Tepehuán del Sureste (Durango)

¹⁹ Baꞌ gu Judea kam jaꞌtkam nam bhammɨ oiꞌñkaꞌ Jerusaleen, mu ja joot jamɨt jɨꞌkchi guiꞌ nam mu jaꞌp jir gɇꞌgɇrkam kaꞌ chichiop nam paiꞌ tu daandaꞌ, gio jaiꞌ guiꞌ nam jir bopxiꞌñ gu Lebii nam jir tutpilh kaꞌ, nam sap tɨkkapuꞌ gu Juan jaꞌtkam bopkondam nar tuꞌp tuꞌm daꞌ. Baꞌ guiꞌ mu ɇɇk jup ba tɨkka am, jup tɨtda am: ―Aach jaꞌpnich chɨɨdak bhach joot jamɨt gu gɇꞌgɇrkam nap sap jich aagiꞌñdhaꞌ nap jir tuꞌp tuꞌm daꞌ na pich baꞌ yaꞌ pɨx ba ji kaiꞌñcha nap ja bopkon gu jaꞌtkam cham jum ɨlhdham.

JUAN 1:19 Iomraidhean Croise

JUAN 1:7

na sap baꞌ ya jaꞌp ba ja mattudaꞌ gu jaꞌtkam na jax jir tuꞌm kam guiꞌ na joidham gɇꞌ tanoor, nam sap baꞌ cham xijaichdhaꞌ noꞌt yaꞌ ba ai, dai nam ba tɨ jɨɨꞌñdhaꞌ buiñor bɨɨx ja jujur kɨꞌn.

JUAN 10:24

Baꞌ gu gɇꞌgɇrkam Israel kam miꞌ ji sooꞌmdhak bhaiꞌ ba tɨkka am gu Jesuus, jup tɨtda am: ―Gi noꞌp jup bach aagiꞌñ noꞌp aap jir diꞌ guch Xoiꞌkam na saak bha jimdaꞌ. ¿Jɨꞌx jach baꞌ mɨk jup ka tɨ nɨɨraꞌ nach baꞌ pɨk ba machiaꞌ? Kuch cham tuꞌ bhaan ka tɨtɨɨꞌñchokaꞌ.

JUAN 10:31

Baꞌ gu gɇꞌgɇrkam Israel kam na mɨt jax daꞌngɨ gu joodai bax maꞌyasak kat am na mɨt kai na puiꞌ jɨꞌ kaiꞌch.

JUAN 11:19

baꞌ muiꞌ pɨx ji ɇɇdaꞌ am gu Israel kam jaꞌtkam bhammɨ dɨr kiaꞌmiꞌñ gu Mariiya gio gu Maarta nam guguuxiꞌñdhaꞌ nam cham pɨk moo jax xim aaꞌndaꞌ nat muu gu ja jaduuñ Laasar.

JUAN 2:18

Baꞌ gu gɇꞌgɇrkam Israel kam bɨɨx maap jim daagɨt jup tɨtda am gu Jesuus: ―Eap jix bhaiꞌm duukam xip tu duuñ jich ñɨiꞌñchudat nach baꞌ moom jɨɨgiꞌñdhaꞌ nap sɨlhkam gɇꞌkam kat yaꞌ pu tu bua.

JUAN 2:20

Baꞌ guiꞌp kaiꞌch am: ―¡Jɨɨ chi guꞌ moo baik tanoolh kɨꞌn jup ba kɨi pich dho gi ji! Muiꞌ jaꞌtkam jam saak yaꞌ tu juanaimɨk na mɨt paiꞌ dhuuk kɨi dhi chiop ku mɨt gook ooꞌm daman xijum maaꞌn oidhaꞌ kɨꞌn ka tɨɨmo. Guꞌ aap dɨɨlh gi baꞌ, ¿paa duuk japich jup ba tɨɨmo?

JUAN 5:10

Baꞌ pu ñiok jamɨt gu gɇꞌgɇrkam Israel kam guiꞌ nat duaꞌñ gu Jesuus na mɨt ba tɨɨ na mi jaꞌp ba jimchuꞌ tu uaꞌdat gu bapakxidharuꞌn, jup tɨtda am: ―¿Jax kup baꞌ yaꞌ pu tu duiñchuꞌ dhim bapakxidharaꞌ? ¿Kup jix cham maat aa na xib cham tum juan? Jix maat ap na puiꞌ tu daaxix na saak cham jaroiꞌ tu baapmigiꞌñdhaꞌ sia gu tuꞌ palhɨɨp jup jum duukam.

JUAN 5:15

Miꞌ ji nat baꞌ ampɨx maat gu maaꞌnkam nar diꞌ gu Jesuus guiꞌ nat duaꞌñ, miꞌ dhɨr dho guꞌ dai nat ba ja aaꞌñdham gu gɇꞌgɇrkam Israel kam.

JUAN 5:16

Baꞌ guiꞌx bhaiꞌ pɨx jup jum ɨlh jamɨt na ba ja aagiꞌñ, dai dho guꞌ nam bax chu chianik nam muꞌaaꞌ. Jotmodaꞌ naiꞌ xi jii mɨt mɨjɨ jaꞌp na mɨt gaagam na pa jaꞌk oirɨ. Baꞌ nammɨ gama jaꞌk ji chɨɨgɨk ba tɨkka am na sap jax kut baꞌ duaꞌñ gu maaꞌnkam, na guꞌx maat na janoꞌ cham tum juan.

JUAN 5:18

Baꞌ giilhim jix ioꞌm bhaak jamɨt nat puiꞌ xi ja tɨɨꞌn, aaꞌndaꞌ gɨt nam ba tu chiñiaꞌ nam muꞌaaꞌ. Nam guꞌ jaꞌp jum aaꞌ na dɨɨlh pɨx gɇꞌkam jum taatɨt cham tuꞌ kaꞌm nɨiꞌñ na paiꞌ dhuuk cham tum juandaꞌ, nam guꞌ cham tɨ jɨɨgiꞌñ na jaꞌxbuiꞌp jir gɇꞌkam na gu Dios ku baꞌ puiꞌ iim nar Gɨꞌkorgaꞌn.

JUAN 6:41

Baꞌ pɨx am bhaak jamɨt gu gɇꞌgɇrkam Israel kam nap ja tɨtda gu Jesuus: “Aañ jir diꞌ gux kɨɨꞌ koiꞌ, nañ guꞌ bhammɨ dɨr jim jix dhaam.”

JUAN 6:52

Baꞌ gio bhaiꞌp ji ñio mɨt gu gɇꞌgɇrkam Israel kam, jup kaiꞌch am: ―¿Jax baꞌm aagɨt jup kaiꞌch dhi jaduuñ? ¿Jax gi dhuip jich makiaꞌ gu tukgaꞌn nach tu jugiaꞌ?

JUAN 7:1

Bhaiꞌ baꞌ pu oirɨdaꞌ gu Jesuus Galilea, cham jimmɨdaꞌ bhammɨ jaꞌk Judea, na guꞌx maat nam bhaiꞌ gaꞌngadaꞌ gu gɇꞌgɇrkam Israel kam nam jix chu chiañik nam muꞌaaꞌ.

JUAN 7:11

Baꞌ gu gɇꞌgɇrkam Israel kam bhammɨ jaꞌk tɨi gaꞌnga am, jup kaiꞌch am bha jaꞌp oipot: ―¿Paa jaꞌk jax chuꞌiiꞌ guiꞌ na jaꞌp moo gɇꞌkam jum taat kaꞌ? ¿Cham aa yaꞌ paiꞌ oirɨ?

JUAN 7:15

Baꞌ miꞌ puiꞌ pup tuꞌiiꞌ am gu gɇꞌgɇrkam na mɨt kai na giilhim jix bhaiꞌ xi bua na xi chu aꞌga, baꞌp kaiꞌch am: ―¿Jax baꞌ duukat bɨxchuꞌx chu maat dhi jaduuñ nach moo cham jɨꞌxkat yaꞌ paiꞌ nɨiꞌñ na tum mamtuxiꞌñ?

JUAN 8:22

Baꞌp kaiꞌch am dɨɨlh gu gɇꞌgɇrkam Israel kam: ―¿Paa baꞌ jaꞌk tɨi xi ɨlhiiꞌñ na bhɨɨyaꞌ gɨt? ¿Kaꞌ baꞌ moo xim muꞌaam aa chi dɨɨlh ku baꞌ puiꞌx xijai nach jax dhuuji aayaꞌ na paiꞌ bap tuiꞌkaꞌ?

JUAN 8:48

Baꞌ bhaiꞌ ji ñio mɨt gu gɇꞌgɇrkam Israel kam, jup tɨtda am gu Jesuus: ―Xib jachich dho gi baꞌ ampɨx jix bhaiꞌ maat ji nap jir Samaaria kam gio nam aꞌm tɨ nɨidhim gu jaꞌook. Tɨɨꞌ nap jax kaiꞌch.

JUAN 8:52

Baꞌ gio bhaiꞌp ji ñio mɨt gu gɇꞌgɇrkam Israel kam, jup kaiꞌch am: ―¡Jaiñ dho pɨk tuꞌ aaꞌch ji na jaꞌook jum aꞌm jup tuiꞌdhiꞌ! Tɨɨꞌ nat baꞌ gu Abraam muu noꞌ baabuiꞌ, gio gu jaiꞌ nam bhaankamuꞌn jup tu aꞌgimɨk guch Gɨꞌkoraꞌ. Puiꞌ pɨx jup koi mɨt, guꞌ aap jax ɨlhdhat puiꞌch chɨtda nap baꞌp kaiꞌch: “Gu jaroiꞌ noꞌ miꞌ puiꞌ ba jimchuꞌ nañ jɨꞌk jax tu aꞌga, cham ka tu mumkɨdaꞌ.”

JUAN 8:57

Baꞌp tɨtda am gu gɇꞌgɇrkam Israel kam: ―¡Jɨɨ, saak jap baꞌ pɨn cham iatdaꞌ tu aꞌga! ¿Jax jap baꞌ duukat jup nɨiꞌñ gu Abraam? Nap guꞌ chakui jɨꞌk gook ooꞌm daman mambhɨɨx oidhaꞌ biaꞌ.

GU NOONBIꞌÑ GUCH XOIꞌKAM 13:25

Baꞌ mɨkkat na paiꞌ dhuuk bar miaꞌn nam muꞌaaꞌ gu Juan, ba ja aagiꞌñ gu jaꞌtkam na sap cham tuꞌr diꞌ guch Xoiꞌkam, jup ja tɨtda: “Aañ cham tuꞌr diꞌ guch Xoiꞌkam na pim aapiꞌm jax ɨlhiiꞌñ, guꞌ matgɨm guiꞌ gatuuk bha jim ji na ni jɨꞌx kuñ cham iam jir jupaabkamuꞌn nañ iam tuꞌ suuskaꞌn jup ba kookoxdhaꞌ gɨt, na guꞌ giilhim jix ioꞌm jir gɇꞌkam.”

GU NOONBIꞌÑ GUCH XOIꞌKAM 19:4

Baꞌp ja tɨtda gu Paablo: ―Dho guꞌ gu Juan ja bopkonaimɨk dho guiꞌ nam jɨꞌk jix aaꞌndaꞌ nam miꞌ puiꞌ ba jiimdaꞌ na jax jix aaꞌ gu Dios, ku guꞌ puiꞌ xi ja tɨtdat ji nam sap tɨ jɨɨꞌñdhaꞌ buiñor guiꞌ na jaroiꞌ gatuuk bha jimdaꞌ, na dhiꞌ aagɨt jup kaiꞌchdhaꞌ gu Jesuus.

1 JUAN 1:5

Janoꞌ nach maap oipimɨk guch Xoiꞌkam, puiꞌ tuch aꞌgidhimɨk na gu Dios joidham gɇꞌ tanoor bhammɨ na paiꞌp tuꞌiiꞌ, cham paiꞌ dhuuk jix chukgam kɨr jup tuꞌiiꞌ. Baꞌ aach yaꞌ dɨr pu chuꞌm jup ba tu jam aꞌgiꞌñ jiñ jaaduñ na jax jir tuꞌm kam gu Dios nat jich aaꞌñdhak guch Xoiꞌkam.