JUAN 1:16 - Tepehuano Tepehuán del Sureste (Durango)

¹⁶ Jir sɨlhkam dho na giilhim jir gɇꞌkam, puiꞌ ku baꞌ giilhim jir jix bhaiꞌkam gio nax chu joiꞌgɨꞌn. Jaiñ na guꞌ aach nach jɨꞌk ba tɨ jɨɨgiꞌñ buiñor, gammɨjɨ pɨx jix bhaiꞌ ba tu tatdaꞌ na guꞌch aꞌm tɨ nɨidhim.

JUAN 1:16 Iomraidhean Croise

MATEO 13:12

Na guꞌ gu jaroiꞌ noꞌ puꞌñi tɨ jɨɨgiꞌñ, jix ioꞌm ba mattudaꞌ guñ Gɨꞌkoraꞌ, baꞌx ioꞌm bax mat kaꞌ, cham tuꞌ puiꞌ na jax bɨɨpɨꞌ dɨr. Baꞌ gu jaroiꞌ noꞌ cham maachim, sia ku tɨi palhɨɨp am jix maat, saalh puiꞌ dho cham ka tɨꞌñchokaꞌ, mɨkkat pu cham ka mat kaꞌ.

MATEO 3:11

Baꞌ aañ nañ xib yaꞌ tu bopkon, jir suudaiꞌ kɨꞌn pɨx, jaꞌppɨx na bhaan jix maatɨꞌ kaꞌ nam jɨꞌk miꞌ puiꞌ jimiim na jax jix aaꞌ gu Dios. Baꞌ guiꞌ na gatuuk bha jim, guiꞌ dho gi guꞌ gux Dhuuduꞌ kam jix Uañ Iiꞌmdaꞌ ji na kɨꞌn jam bopkonaꞌ, gio baꞌ na bɨɨx mɨidhaꞌ gu jam uaꞌtulhdharaꞌ jaꞌp tuꞌm na gu tai kɨꞌn. Baꞌ guiꞌx ioꞌm bɨxchuꞌx aichuꞌn na pu tu duñiaꞌ, cham tuꞌ puiꞌ na jax aañ. Pu cham jɨꞌx jir jupaabkamuꞌn iñ dho moo nam iam tuꞌ suuskaꞌn muiꞌ ba uiꞌdhikaꞌ gɨt.

MATEO 3:14

Baꞌ nat paiꞌ dhuuk mummɨ ba ai, jaꞌkbuiꞌ kat bhaiꞌ bax aaꞌ gu Juan na bakuanaꞌ gu Jesuus, jup tɨtda: ―Guꞌ aañ puiꞌ ɨlhiiꞌñ ji nap aap jaꞌkbuiꞌ kat jiñ bakuanaꞌ, guꞌ aap jaꞌkbuiꞌ kat bhaiꞌ bañ chiañim nañ jum bakuanaꞌ.

LUUKAS 21:15

nañ guꞌ aañ jam makiaꞌ gu matdaꞌ na pim jax jaꞌk ja tɨɨdaꞌ noꞌ pim bhaan bap tuiꞌdhiꞌ. Dɨɨlh pɨx yaꞌ dɨr jaꞌp ji bubuakiaꞌ gu ñiꞌook na pim jax jaꞌk ja tɨɨdaꞌ, guiꞌ pu cham ka bhaaiꞌn kaꞌ nam jax jam tɨɨdaꞌ.

JUAN 3:34

Nat guꞌ pu kaiꞌñkam bha joot gu Dios maakak gux Dhuuduꞌ kam jix Uañ Iiꞌmdaꞌ gɇꞌ cham daaxix kam, na baꞌ yaꞌ bhaankamuꞌn tu aꞌgaꞌ.

ROOMA KAM 5:17

Na guꞌ gu Adaan nat jum uaꞌtulh, bɨɨx ja daam jii gu jaꞌtkam gu muukiꞌ, sia kut guꞌ tɨi dɨɨlh gu Adaan jum uaꞌtulh. Baꞌ puꞌñi dai guch Xoiꞌkam ɨp nam bhaan bɨɨx jix bhaiꞌ ji biꞌyaꞌ buiñor gu Dios puiꞌ pɨx, cham jum aaꞌ nam tuꞌ jax dhuñiaꞌ. Miꞌ dhɨr baꞌp bax bhaaiꞌn kaꞌ nam bɨxchuꞌx bhaiꞌm duukam bap tu buadaꞌ.

ROOMA KAM 5:2

Baꞌ guch Xoiꞌkam nat jix bhaiꞌ dhuu kuch baꞌx bhaiꞌch chaatɨt jix bhaiꞌ ba tu jim buiñor gu Dios, na guꞌ gu Dios xich joiꞌmdat jich aꞌm ba tɨ nɨidhim xib, na chich guꞌ tuꞌ sɨlhkam buiñor tɨ jɨɨꞌñ soiꞌch ɨlhdhak. Sia xib maaꞌn nach jax buiñor tɨ jɨɨꞌñdhatuꞌ, dai ji baꞌ nach jix bhaiꞌch chaatɨt tɨ nɨɨra nach buiñor aayaꞌ gu Dios na paiꞌ joidham jix chu abhaar, na paiꞌ dhɨr bɨɨx kap jir gɇꞌkam.

ROOMA KAM 5:20

Guꞌ baꞌ nat paiꞌ dhuuk tu uaꞌna gu Moisees na jax jaꞌk tu aagix kaꞌ, jix ioꞌm gɇꞌ bhaiꞌ jim gɨꞌɨɨlh gu uaꞌtulhdharaꞌ. Guꞌ ji na guꞌ nat jix ioꞌm gɇꞌ bam gɨꞌɨɨlh gu uaꞌtulhdharaꞌ, ba matgir nat gu Dios jix ioꞌm jup jum gɨꞌɨɨlh nat jix ja joiꞌgɨlh gu jaꞌtkam.

ROOMA KAM 8:9

Baꞌ aapiꞌm jiñ jaaduñ, cham tuꞌ miꞌ puiꞌ ka tu daaꞌñchuꞌ pim na jax jam jurtuꞌn gu jam tutkuꞌ nar yaꞌ kam dhi oiꞌñgaꞌn, guꞌ jaꞌpji dai na jax pɨx jam jurtudim gux Dhuuduꞌ kam jix Uañ Iiꞌmdagaꞌn gu Dios, guiꞌ dho ji noꞌ sɨlhkam jam aꞌm jup tuiꞌdhiꞌ. Na guꞌ gu jaroiꞌ noꞌ cham miꞌ puiꞌ tu daaꞌñchuꞌ nat jax jaꞌk tu jii guch Xoiꞌkam, cham tuꞌ bhaan jup tuiꞌñgɨdaꞌ gux Dhuuduꞌ kam jix Uañ Iiꞌmdagaꞌn gu Dios.

EEPESO KAM 1:23

Aach baꞌ yaꞌ dɨr mu jaꞌk jaꞌp jup ji buusan nach jir tukgaꞌn, nach guꞌ buiñor tɨ jɨɨgiꞌñ. Bɨɨx nach jɨꞌk buiñor tɨ jɨɨgiꞌñ, guiꞌ bhaan jix oꞌjoꞌ ich. Sia bɨɨx na jɨꞌk tuꞌx chu jaiꞌch, bhaan jup tu tuꞌiiꞌ guch Xoiꞌkam sia pɨk nar jax kaꞌ gɨt.

EEPESO KAM 3:19

Puiꞌ jaꞌk soiꞌp tɨtdatuꞌ iñ baꞌ gu Dios na guiꞌ pɨx jam mattudaꞌ na jax kaiꞌñkam jup jum kaiꞌch noꞌñ maaꞌn jix kɨɨgalhiꞌñ gio noꞌñ maaꞌn jix joiꞌgɨꞌn. Jix ioꞌm jir gɇꞌp jum duukam guꞌ dhiꞌ na puiꞌm kaiꞌch, cham tuꞌ nach jɨꞌx ɨlhiiꞌñ aach dhɨɨlh. Baꞌ noꞌ guꞌ dhiꞌ jam aꞌm bap tuiꞌdhiꞌ, miꞌ dhɨr dai na pim jix bhaiꞌ ba machiaꞌ na jax jir tuꞌm kam gu Dios.

KOLOOSAS KAM 1:19

Na guꞌ guch Xoiꞌkam pu bɨjɨk dɨr dhiꞌ pɨx jir diꞌ gux Uañ Iiꞌmdagaꞌn gu Dios,

KOLOOSAS KAM 2:3

Baꞌ guch Xoiꞌkam pɨx bhaan jix jaiꞌch gu matdaꞌ, dhiꞌ buiñor bhaan jup tu tuꞌiiꞌ sia pɨk nar jax kaꞌ gɨt.

1 PEEGRO 1:11

Dɨɨlh guch Xoiꞌkam puiꞌ jaꞌk ja jurtuꞌnkaꞌ guiꞌ jɨꞌ nam bhaankamuꞌn tu aꞌgadaꞌ gu ñioꞌkiꞌñ janoꞌ, na jɨꞌk jax tu duñiaꞌ noꞌt puꞌñi yaꞌ ba ai dhi oiꞌñgaꞌn bhaan, gam na jax jaꞌk jum tulhiiñaꞌ ja aꞌmkam na baꞌ miꞌ dhɨr jix ioꞌm gɇꞌkam kɨꞌn ba daasaꞌ guch Gɨꞌkoraꞌ. Tɨi baꞌ xim gaꞌngadaꞌ am ja jujur am bhaan nam jix maachik kaꞌ na jaroiꞌ baꞌ puiꞌr jich Xoiꞌkam kaꞌ, na paiꞌ dhɨr buusnɨi baꞌ puiꞌ ba ja palhbuidhaꞌ gu jaꞌtkam, gam na paiꞌ dhuuk baꞌ puiꞌ tum duñiaꞌ gu puiꞌ na jax ja jurtuꞌnkaꞌ gux Dhuuduꞌ kam jix Uañ Iiꞌmdaꞌ.

1 PEEGRO 1:2

Nat guꞌ bɨjɨk dɨr pu chuꞌm kɨꞌn jam aꞌm tɨ tɨɨ gu Dios na pim puꞌñi tɨ jɨɨꞌñdhaꞌ buiñor gu Maraaꞌn jich Xoiꞌkam, gio baꞌ nat bɨɨx jɨꞌmaꞌn jam tajaañ gux Dhuuduꞌ kam jix Uañ Iiꞌmdagaꞌn na pim baꞌ kaichgɨt miꞌ puiꞌ xi bhɨichgɨdaꞌ na jax jaꞌk jam jurtudidhaꞌ, gam na jam mattuꞌnkaꞌ nat guch Xoiꞌkam tu jam uañ gu jam uaꞌtulhdharaꞌ janoꞌ nat paiꞌ dhuuk jaax gu ɨꞌraꞌn bhaiꞌ bhaan gu kuruus na mɨt sissapa, na pim baꞌ miꞌ dhɨr cham tuꞌ ka uaꞌtulhdhix kaꞌ. Jaꞌpni, moo gɨt baꞌ gu Dios pɨx jam aꞌm tɨ nɨidhidhaꞌ na pim baꞌ gammɨjɨ cham tuꞌ bhaan jax jim aagɨt jix jɨjɨkgɨm jup tuiꞌkaꞌñ jaaduñ.