JUAN 1:11 - Tepehuano Tepehuán del Sureste (Durango)

¹¹ Yaꞌ tɨi ai ja bui gu Israel kam jaꞌtkam nam paiꞌ saak tɨ jɨɨgiꞌñdhaꞌ buiñor guch Gɨꞌkoraꞌ. Pu cham kɨɨgalh jamɨt, tuꞌ pɨx ɨlh jamɨt ja jaaxmakar.

JUAN 1:11 Iomraidhean Croise

MATEO 15:24

Baꞌp ja tɨtda gu Jesuus: ―Dho guꞌ aañ gu Dios bhañ joot ji nañ bha ja gaaꞌmɨraꞌ dai guiꞌ nam jɨꞌk jir Israel kam jaꞌtkam nam jaꞌp ji buan na jax gu kakasnir noꞌm maiꞌ suulhgix.

LUUKAS 19:14

Baꞌ gu miꞌ kam jaꞌtkam cham jup kɨɨgalhiꞌñdhaꞌ am, bɨɨpɨꞌ mɨt baꞌ mɨjɨ xi ja joot jaiꞌ nam bhammɨ pu tɨꞌyaꞌ nam cham aaꞌ na dhiꞌr ja gɇꞌkam tuk kaꞌ.

JUAN 1:10

Guꞌ ji na mɨt guꞌ cham kɨɨgalh gu jaꞌtkam nat yaꞌ tɨi ba ai maaxik maaꞌnkam jup jum duuk, na mɨt guꞌ cham xim gaa ja jujur am bhaan nam iam ba machiaꞌ gɨt na dhiꞌ pɨx jir diꞌ guiꞌ nat jup duu dhi oiꞌñgaꞌn gio na jɨꞌk tuꞌx chu jaiꞌch bhaan.

JUAN 1:12

Jɨꞌmaꞌn siamri tɨ jɨɨꞌñ jamɨt buiñor nam jɨꞌk joidham kɇɇ na jax tu aꞌga. Daipuiꞌ baꞌx joiꞌndak xi ja aagiꞌñ nam cham tuꞌ maiꞌ ka suulhgix, nam guꞌ sap bar maamraꞌn gu Dios.

JUAN 19:27

Baꞌ guiꞌ na kaichuꞌ jup tɨtda ɨp: ―Xib dɨr jum naan tuꞌm kɨꞌn ji buusniaꞌ dhiñ ñaan na miꞌm sanoop kɨɨk jiñ jaduuñ, nap baꞌ moo xi kuaꞌñdhat, nañ guꞌ aañ bar boi chaꞌm kam. Baꞌ guiꞌ am jup xi baidhak gu dɨꞌɨɨꞌn gu Jesuus mu jaꞌk kiaꞌmiꞌñ, na guꞌ puiꞌ tɨtda gu Jesuus.

JUAN 3:32

Na guꞌ bɨɨx jix chu maat na jɨꞌk tuꞌ bhammɨx chu jaiꞌch jix dhaam nach aach tuꞌ cham maat. Guꞌ ji nam guꞌ muiꞌ jaꞌtkam cham tɨ jɨɨgiꞌñ, nam guꞌ jaꞌp jum aaꞌ na pɨx jap kaiꞌch,

GU NOONBIꞌÑ GUCH XOIꞌKAM 13:26

’Baꞌ dhix bhaiꞌm kaiꞌchdham ñiꞌook na bhaan tu aꞌga gu puiꞌ nach jax jaꞌk cham kach chulhiiñaꞌ gatuuk nach paiꞌ dhuuk koꞌyaꞌ, guꞌ dhiꞌ aapiꞌm ji na pu jam bui ba jim jiñ jaaduñ na pim jir bopxiꞌñ gu Abraam, gio aapiꞌm na pim cham jir Israel kam na pim tuꞌ kaꞌm nɨiꞌñ gu Dios.

GU NOONBIꞌÑ GUCH XOIꞌKAM 13:46

Guꞌ ji na guꞌ gu Paablo gio gu Bernabee cham ji chotdonɨt muiꞌp xi chu aꞌga am, jup ja tɨtda am: ―Guꞌ aach aapiꞌm ji baꞌ pɨk bha jam aaꞌñdham dhix bhaiꞌm kaiꞌchdham ñioꞌkiꞌñ gu Dios na pim jir Israel kam jaꞌtkam, guꞌ ji na pim bak guꞌ cham kaim, cham maachim japim na jax jaꞌk gammɨjɨ jam aꞌm ba tɨ ñɨiꞌñdhaꞌ gu Dios. Baꞌ gu xib tuꞌ na jax chuiꞌkaꞌ, yaꞌ dɨr jaꞌp jaꞌk gu jaiꞌ jaꞌtkam jach pɨx ba tu ja aꞌgiꞌñpuꞌ nam cham jir Israel kam jaꞌtkam,

GU NOONBIꞌÑ GUCH XOIꞌKAM 21:6

Miꞌ dhɨr baꞌ pu jii chich, dai na chich jax xi ja ñioꞌkdhak guch jaaduñ na chich jax bha tɨɨtɨs bhaan gu gɇꞌ kanuub na mi jaꞌp sɇꞌ suudaiꞌ jugiiꞌñ. Guiꞌ baꞌ miꞌ dhɨr jaꞌk jup ba suulh jamɨt mu jaꞌk ja kiikiaꞌam.

ROOMA KAM 15:8

Guch Xoiꞌkam bha jii yaꞌ dhi oiꞌñgaꞌn nat bha ja palhbuidham guiꞌ nam jir Israel kam jaꞌtkam, pu kaiꞌñkam bha jii nat bhaiꞌ pu duñiim nat jax ja tɨɨdak gu Dios bɨjɨk guch bopxi kat na puꞌñich palhbuidhaꞌ gatuuk aach nach jir Israel kam jaꞌtkam. Baꞌ dhiꞌ bhaan matgir na gu Dios puiꞌ duñiaꞌ jax noꞌt ba tɨi.

ROOMA KAM 9:1

Baꞌ aañ jaꞌpni xi jam tɨɨdam jiñ jaaduñ, sɨlhkam puiꞌ tu tatdaꞌ nañ jax jam tɨɨdaꞌ, cham tuꞌ nañ jam iatgidhaꞌ, nañ guꞌ aañ sɨlhkam tu aꞌga nañ tɨ jɨɨgiꞌñ buiñor guch Xoiꞌkam, na guꞌ gux Dhuuduꞌ kam jix Uañ Iiꞌmdaꞌñ mattuꞌn nañ jax jaꞌk sɨlhkam tu aꞌgadaꞌ.

ROOMA KAM 9:5

Dhi Israel kam jaꞌtkam jir bopxiꞌñ am gu bɨjɨk dɨr kam jich bopxi nam puiꞌp jir Israel kam jaꞌtkam kat. Baꞌ dhi Israel kam jaꞌtkam ja bui dhɨr jaiꞌchdhɨr guch Xoiꞌkam, puiꞌp jir Israel kam baꞌ tuukuꞌ bhaan. Dhiꞌr diꞌ pɨx gu Dios guiꞌ nat jup tu duu bɨɨx na jɨꞌk tuꞌx chu jaiꞌch, puiꞌ ku baꞌ dai guiꞌx bhaiꞌ nach gammɨjɨ buiñor tu daandaꞌ, iam gɨt jach moo puiꞌ pu duiñchuꞌndaꞌ gammɨjɨ.

GALAASIA KAM 4:4

Guꞌ ji na guꞌ yammɨ nat paiꞌ dhuuk jum ai nat paiꞌ pɨx juugɨt tu dai dɨɨlh gu Dios, bhaiꞌ ba joot gu Maraaꞌn nat baꞌ yaꞌ maaxir bhaan dɨr maaꞌn gu ubii, dhiꞌ na miꞌ puiꞌ tu daaꞌñchuꞌndaꞌ na jɨꞌk jax tu aagix ja bui bɨɨx gu Israel kam jaꞌtkam. Baꞌ dɨɨlh miꞌ puiꞌp tu duu na jɨꞌk jax tu aagix dhi Maraaꞌn gu Dios,