JUAN 1:10 - Tepehuano Tepehuán del Sureste (Durango)

¹⁰ Guꞌ ji na mɨt guꞌ cham kɨɨgalh gu jaꞌtkam nat yaꞌ tɨi ba ai maaxik maaꞌnkam jup jum duuk, na mɨt guꞌ cham xim gaa ja jujur am bhaan nam iam ba machiaꞌ gɨt na dhiꞌ pɨx jir diꞌ guiꞌ nat jup duu dhi oiꞌñgaꞌn gio na jɨꞌk tuꞌx chu jaiꞌch bhaan.

JUAN 1:10 Iomraidhean Croise

MATEO 11:27

Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.

JUAN 1:11

Yaꞌ tɨi ai ja bui gu Israel kam jaꞌtkam nam paiꞌ saak tɨ jɨɨgiꞌñdhaꞌ buiñor guch Gɨꞌkoraꞌ. Pu cham kɨɨgalh jamɨt, tuꞌ pɨx ɨlh jamɨt ja jaaxmakar.

JUAN 1:18

Noꞌ chakui jich aagiꞌñdhaꞌ gɨt, pu chakui machiaꞌ ich gɨt. Guꞌ ji nat guꞌ siamri xich joiꞌndak bhaiꞌ xich guguuxdharak, sia ku jaꞌxbuiꞌp jir gɇꞌkam na guch Gɨꞌkoraꞌ, na guꞌ dɨɨlh gu Dios cham jɨꞌxkat yaꞌ paiꞌm maaxdhaꞌ maaxik nach gɨt iam jup ba machiaꞌ na jax jir tuꞌm kam.

JUAN 1:3

gam bɨɨx na jɨꞌk tuꞌ yaꞌx chu jaiꞌch. Nix chuꞌ kux jaiꞌch yaꞌ dhi oiꞌñgaꞌn bhaan nat cham guiꞌp duu, na mɨt guꞌ pu gook dɨt maaꞌn ñiꞌook xip duuk jup tu duu bɨɨx.

JUAN 1:5

Sia tu tonniꞌñ mu jaꞌp ja bui gu jaꞌtkam nam jix chu tukgam kɨr jup tuꞌiiꞌ, baꞌ cham jɨꞌxdhaꞌ tu saaꞌ gux chukgam dhiꞌ na joidham gɇꞌ tanoor.

JUAN 17:25

Baꞌ guiꞌ nam jɨꞌk cham tɨ jɨɨgiꞌñ na pich aap bhañ joot, pu cham dhom maat am jiñ Gɨꞌkoraꞌ, nam guꞌ cham jɨꞌxdhaꞌm tɨgiaꞌ gu maaxik, nap guꞌ giilhim jix uañ kɨꞌn kɨɨk. Dai guiꞌ nam jɨꞌk ba tɨ jɨɨgiꞌñ na pich aap bhañ joot nam baꞌ xim maat, jaꞌp na jax aañ nañ jix bhaiꞌ xim maat jiñ Gɨꞌkoraꞌ.

JUAN 5:17

Baꞌ gu Jesuus jup tɨtda: ―Dho na guꞌ guñ Gɨꞌkoraꞌ cham paiꞌ dhuuk daaxix na cham tuꞌ jax bua noꞌ moo jaꞌp xi chum aagaim jaꞌp na jax xib. Baꞌ aañ puꞌñi ɨp, cham jiñ jɨɨpiꞌñ iñ.

GU NOONBIꞌÑ GUCH XOIꞌKAM 14:17

Pu gammɨjɨ jix bhaiꞌ tu buadaꞌ na jax jir am, puiꞌ na jax aapiꞌm na bha jam joochxiꞌñ gu duuk na baꞌ kɨꞌn jix bhaiꞌ tu kaipbhar na pim baꞌ gammɨjɨ biaꞌkaꞌ na pim tuꞌ xi kuaꞌdat jix bhaiꞌm taat kaꞌ.

1 KORIINTO KAM 1:21

Nat guꞌ gu Dios tɨi puiꞌ tu duu nam jax jaꞌk machiaꞌ gɨt gu jaꞌtkam na gu Dios bɨxchuꞌx bhaaiꞌ na pu tu duñiaꞌ, guꞌ ji nam guꞌ pu cham maatɨt tɨ nɨiꞌñ. Puiꞌ kut baꞌ gu Dios jix ja joiꞌmdak puiꞌ tu duu na dai pɨx noꞌm tuꞌ sɨlhkam bɨɨx ja jujur kɨꞌn ba tɨ jɨɨgiꞌñ na jax jum kaiꞌch gux bhaiꞌm kaiꞌchdham ñioꞌkiꞌñ, cham tuꞌ mu jaꞌk ka bhɨɨyaꞌ am nam paiꞌ gammɨ miꞌ pup jum tulhiiñdhaꞌ, sia kum guꞌ jaiꞌ tuꞌ pɨx ɨlhiiꞌñ.

1 KORIINTO KAM 2:8

Pu cham maatɨt kai mɨt dhiꞌ gu gɇꞌgɇrkam jix aꞌaixkam na jax pɨk jir jum duukam sia kum tɨi ja aagiꞌñdhaꞌ. Na guꞌ noꞌm jix maatɨt kaayaꞌ gɨt, cham tu chiandaꞌm gɨt nam sissapdaꞌ guch Xoiꞌkam bhaan gu uꞌuux na gai bɨɨt, jix dhaam dɨr tɨi bha jii guꞌ guch Xoiꞌkam.

1 KORIINTO KAM 8:6

Guꞌ ji na guꞌ aach nach jɨꞌk tɨ jɨɨgiꞌñ buiñor guch Xoiꞌkam, bax maat ich na maaꞌn pɨx jix jaiꞌch gu Dios duakam nat jup tu duu bɨɨx na jɨꞌk tuꞌx chu jaiꞌch, dhiꞌr jich Gɨꞌkoraꞌ aach. Pu kaiꞌñkam pɨx yaꞌ dudua ich dhi oiꞌñgaꞌn bhaan nach dai guiꞌ pɨx buiñor jup tuiꞌñgɨdaꞌ. Gio maaꞌn pɨx jup jix jaiꞌch guch Xoiꞌkam nar jich Gɇꞌkam tuk, dhiꞌ nat bhaankam jup tu duu bɨɨx gu Dios na jɨꞌk tuꞌx chu jaiꞌch, puiꞌ na jax aach nach yaꞌ dudua.

KOLOOSAS KAM 1:16

Gu Maraaꞌn pɨx bhaankam jup tu duu gu Dios bɨɨx na jɨꞌk tuꞌx chu jaiꞌch jix dhaam jaꞌk gio dhi oiꞌñgaꞌn bhaan, puiꞌ na jax guiꞌ na tuꞌ cham maax. Jup ja duu guiꞌ nam iꞌiiꞌmdaꞌ bhaan tu dudua na bɨɨx aixim jix bhaaiꞌ nam pu tu duñiaꞌ nam jax ɨlhiiꞌñdhaꞌ. Dhiꞌ bɨɨx jup tu duu gu Dios bhaankam guch Xoiꞌkam, pu kaiꞌñkam pɨx jup tu duu na baꞌ guch Xoiꞌkam pɨx bhaan tu biꞌyaꞌ.

ISRAEL KAM 11:3

Bɨɨx jup tɨ jɨɨgiꞌñ ich nat gu ñioꞌkiꞌñ kɨꞌn jup duu gu Dios dhi oiꞌñgaꞌn bɨnkam guiꞌ na jɨꞌk tuꞌ yax chu jaiꞌch gam gu jaiꞌ oiꞌñgaꞌn na mɨk jaꞌk daraa, na chakui tuꞌx chu jaiꞌch kat, dai na puiꞌ pɨx xi kaiꞌch.

1 JUAN 3:1

Dho jaiñ na jax pɨk jir jix bhaiꞌkam gu Dios, bɨɨx puiꞌch biaꞌ nach sap bar maamraꞌn, na guꞌ joidham xich joiꞌgɨꞌn. Maaxik dho sɨlhkam bar maamraꞌn ich, nach guꞌ ba tɨ jɨɨgiꞌñ buiñor gu Maraaꞌn jich Xoiꞌkam. Guꞌ baꞌ guiꞌ nam jɨꞌk cham tɨ jɨɨgiꞌñ buiñor, pu cham maat am nach jir tuꞌp tuꞌm daꞌ, nach jax kaiꞌñkam baꞌ puiꞌ bach chɨɨtɨꞌ nach bar maamraꞌn gu Dios, nam guꞌ cham tɨ jɨɨꞌñdhat buiñor xim gaꞌnga bɨɨx ja jujur kɨꞌn nam iam ba machiaꞌ gɨt na jax jir tuꞌm kam gu Dios nach jaroiꞌ buiñor bap tuꞌiiꞌ.