3 JUAN 1:3 - Tepehuano Tepehuán del Sureste (Durango)

³ Joidham gɇꞌkam kɨꞌn jix bhaiꞌñ ɨlh jañich nam puiꞌ ba tuñ aꞌgiꞌñ jɨꞌkchi guñ jaaduñ jich Xoiꞌkam bhaan nam bhɨjɨ dɨr jiim, nap sap joidham jir maaꞌn nap jax miꞌ puiꞌ jim na jax pɨk jaꞌk moox aaꞌ guch Gɨꞌkoraꞌ

3 JUAN 1:3 Iomraidhean Croise

GU NOONBIꞌÑ GUCH XOIꞌKAM 1:15

Baꞌ maaꞌnnim na mɨt muiꞌ maap mam jumaap guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, jɨꞌk xijum maaꞌn ooꞌm aixkam, bhaiꞌ ji chu ja aꞌgi gu Peegro nat jax kɨkbo miꞌ ja saagiꞌñ, jup ja tɨtda:

1 KORIINTO KAM 13:6

Gio nañ cham tuꞌ bhaiꞌñ chaat kaꞌ noꞌñ jix maat na cham jir am gu tuꞌ noꞌt miꞌ paiꞌ jax tum duu, noꞌ am gɨɨxim gu tuꞌ na baꞌx bhaiꞌñ chaat kaꞌ.

GALAASIA KAM 6:10

Jum aaꞌ nach bɨɨx jix bhaiꞌ ja buadaꞌ gu jaꞌtkam guiꞌ nam jum tulhiiñdhaꞌ, guiꞌ pɨk jach jix ioꞌm jix bhaiꞌ ja buadaꞌ nam puiꞌp tɨ jɨɨgiꞌñ buiñor guch Xoiꞌkam jaꞌp na jax aach, nam guꞌ dhiꞌ jaꞌp ji buan nam jix ioꞌm miaꞌn jir jich jaaduñ.

PILIIPOS KAM 1:4

gio nañ paiꞌ dhuuk tu daandaꞌ, jix bhaiꞌñ chaatɨt jañ jaiꞌ jam aꞌmkam jup xi chu dañiaꞌ bɨɨx aapiꞌm.

2 JUAN 1:2

Baꞌ aach yaꞌ dɨr jaꞌp jaꞌk cham jɨꞌxdhaꞌ mɨk ka buaꞌ dhiꞌ nach tuꞌ bax maat xib, nach guꞌ bɨɨx jich jujur kɨꞌn ba tɨ jɨɨgiꞌñ na dhiꞌr sɨlhkam, cham tuꞌ nar iatdaꞌ. Puiꞌ kuch baꞌ xib joidham jix bhaiꞌ bach chaat aapiꞌm jam bui na pim puiꞌ bɨɨx jam jujur kɨꞌn jup ba tɨ jɨɨgiꞌñ buiñor guch Xoiꞌkam. Jam guguuxiꞌñ iñ baꞌ na pim cham tuꞌ mɨk ka buppadaꞌ dhiꞌ na pimɨt tuꞌ ba maat.

2 JUAN 1:4

Joidham gɇꞌkam kɨꞌn jañich jix bhaiꞌñ ɨlh aapiꞌm jam bui na ñich puiꞌ ba tɨ kai na pim joidham bɨɨx jam jujur kɨꞌn tɨ jɨɨꞌñdhat buiñor guch Xoiꞌkam miꞌ puiꞌ ba jiim na jax jix aaꞌ gu Dios jich Gɨꞌkoraꞌ.

3 JUAN 1:10

Kuñ ji guꞌ aañ siamri xi aagiꞌñdhaꞌ ji nañ paiꞌ dhuuk mu jimdaꞌ na cham bhaiꞌ na puiꞌ jaꞌk tu jimdaꞌ, na guꞌ dhiꞌ cham tuꞌr am buiñor gu Dios. Gio guꞌ bɨɨx aixim jich aꞌga bɨɨx nach jɨꞌk tɨ jɨɨgiꞌñ ya jaꞌp buiñor guch Xoiꞌkam, sia ku cham jir puiꞌ, na puiꞌ pɨx jich buixiꞌñ na xich bhaamkidhat. Gio jaꞌp jup tɇ kɇɇ iñ na sap cham jɨꞌxdhaꞌ ja tɨbiaptudaꞌ guch Xoiꞌkam jɨɨgiꞌñdham nam mɨk dɨr miꞌ tɨi aajidhaꞌ kiaꞌmiꞌñ nam bhaankamuꞌn tu aꞌgidhaꞌ guch Xoiꞌkam. Piam noꞌm jaiꞌ dhɨt gu miꞌ kam jich Xoiꞌkam jɨɨgiꞌñdham tɨix ja tɨbiaptudak, ja sooꞌmchulhiꞌñkaꞌ. Baꞌ noꞌt jaroiꞌ maadɨt xi ja tɨbiaptuda, pu maiꞌ ardimiaꞌ sap miꞌ dhɨr nam paiꞌ tu daandaꞌ. Jaꞌpni jaꞌk dho pɨx kaidhaꞌ.

3 JUAN 1:2

Aañ gammɨjɨm aꞌmkam tu daañchuꞌndaꞌñ jaduuñ buiñor guch Gɨꞌkoraꞌ nañ puiꞌ tɨɨꞌntuꞌndaꞌ nam aꞌm tɨ nɨidhidhat jum palhbuiꞌñchuꞌndaꞌ na baꞌx bhaiꞌ tum jimdaꞌ gu maaxik bhaan, nax bhaiꞌ ji buusnidhaꞌ gu tuꞌ nap jax buadaꞌ, jaꞌp na jax jix bhaiꞌ tum jim gum iiꞌmdaꞌ bhaan.

3 JUAN 1:4

ja bɨɨm gu jaiꞌñ jaaduñ nam jɨꞌk tɨ jɨɨgiꞌñ buiñor guch Xoiꞌkam. Baꞌ gammɨjɨ pɨx joidham jix jɨkgɨm jup tuꞌiiꞌ iñ nañ puiꞌ xiñ aagɨt na pim jir maaꞌn na pim jax miꞌ puiꞌ xi jiim na pim paiꞌ jax ba bhɨichuꞌ.

3 JUAN 1:5

Aap dho gi tuꞌ sɨlhkam jix biiñak kat buiñor guch Gɨꞌkoraꞌ jir jix bhaiꞌkam ji jiñ jaduuñ. Tɨɨꞌ nap guꞌ joidham jix ja joiꞌndat jix bhaiꞌ ja bua gu jaiꞌch jaaduñ nam mɨk dɨr jaꞌk tu jimdaꞌ nam miꞌ aajidhaꞌ jum kiꞌaam, nam mi jaꞌp tu aꞌgidhaꞌ gux bhaiꞌm kaiꞌchdham ñioꞌkiꞌñ gu Dios.