2 JUAN 1:12 - Tepehuano Tepehuán del Sureste (Durango)

¹² Bɨɨx aixim ji guꞌ nañ tɨi xi chu jam aꞌgidham jiñ jaaduñ dhi uꞌuan taꞌm, guꞌ ji nañ guꞌ chi moo jaꞌxbuiꞌ pɨx mu tu jam uaꞌñxidhaꞌ gu xib. Dɨɨlh jañ mu jim bhammɨ dɨr jam bui nañ baꞌ maaxik mi jaꞌp daibui jam aagiꞌñdhaꞌ nañ jɨꞌk jax ka xi chu jam aꞌgidham, nach baꞌ miꞌ dhɨr jaꞌp jaꞌk bɨɨx dhɨt joidham jix bhaiꞌ bach chaat kaꞌ.

2 JUAN 1:12 Iomraidhean Croise

JUAN 15:11

’Dhiꞌñ pɨx bhaan jam guguuxiꞌñ jiñ jaaduñ nañ jax ba jam tɨtda, na pim baꞌ moo gammɨjɨx jɨjɨkgɨm pɨx jup tuiꞌkaꞌ aañ jiñ bui, ni palhɨɨp ku pim am tuꞌ bhaan jix buam jum aaꞌndaꞌ.

JUAN 16:12

’Bɨɨx aixim jañ tɨi xi chu jam aꞌgidham jiñ jaaduñ, guꞌ ji na pim chi guꞌ moo cham jɨꞌxdhaꞌ bɨɨx jix maatɨt kaayaꞌ, sia ku ñich tɨi pɨx jup ji bhɨich.

JUAN 16:24

Puiꞌ na jax noꞌ pimɨt chakui tuꞌ mu taa, bar am dho na pim muiꞌ xi chañiaꞌ gu tuꞌ na jam aꞌm jum aaꞌ. Tuꞌ gi na pim guꞌ aañ jiñ bui bax biiñak, na pim baꞌx ioꞌm gɇꞌkam kɨꞌn jix bhaiꞌ bam ɨlhdhaꞌ noꞌt ba jam maa guñ Gɨꞌkoraꞌ.

JUAN 17:13

’Puꞌñiñ jaꞌk tɨi kaiꞌchɨt jiñ Gɨꞌkoraꞌ ja aꞌmkam dhiꞌ nam jɨꞌk bañ kaichuꞌ, nam baꞌx jɨjɨkgɨm jup tuiꞌkaꞌ jaꞌp na jax aañ, xib nañ kapbhaiꞌ yaꞌ kap tuꞌiiꞌ ja bui alhio pɨx baꞌ nañ baꞌ pɨk moo muiꞌ ba jimiaꞌ bhammɨ nap paiꞌ daa.

JUAN 3:29

Baꞌ aañ xib giilhim jix bhaiꞌñ chaat nat yaꞌ ba ai. Jaꞌpniñ jix bhaiꞌñ chaat na jax gu jaroiꞌ na umuaꞌñdhix kaꞌ na bhaankamuꞌn tu ja maakdaꞌ gu jaꞌtkam na paiꞌ dhuuk bar bhaan kaꞌ na bam tɨɨmoꞌ gu biapmaꞌ bɨɨmaꞌn gu tɨyaa.

2 TIMOTEO 1:4

Jaꞌp jañ chi moo joidham jix bhaiꞌñ ɨlhdhaꞌ noꞌ ñich jax dhuuk giop jum tɨɨ maaxik, tɨi xim tɨɨgim iñ guꞌ. Pui tɨꞌñcho iñ na pich susua, cham mɨk buppa iñ.

PILIMOON 1:22

Gio jaꞌp jañ jup xim tɨɨdam nap miꞌ dhɨr jix kɨɨꞌ xi chuñ dhuiñdhaꞌ mi jaꞌp paiꞌm baꞌgɨr nañ mi aayaꞌ, na baꞌ guꞌ noꞌt jotmodaꞌ ma aa gu Dios nañ mu jam tɨɨꞌmɨraꞌ, bax maatɨꞌ kaꞌ nañ paiꞌ aayaꞌ, na pim guꞌ puiꞌ jaꞌk soiꞌ tɨtda gu Dios.

ISRAEL KAM 13:19

Gio jam taan iñ ɨp na pim puiꞌ jaꞌk tu daandaꞌ buiñor gu Dios nañ palhbuidhaꞌ nañ jax dhui jootom gio muiꞌp jam paxiarmɨraꞌ mu jaꞌp na pim jax tu oiꞌdhaꞌ nañ mu jam tɨɨꞌmɨraꞌ.

ISRAEL KAM 13:23

Gio baꞌ xi jam aaꞌñdham iñ ɨp nat kiaꞌpɨx ba buus na kuupich gu Timoteo nar jich jaduuñ jich Xoiꞌkam bhaan. Baꞌ puiꞌ tɨi ɨlhiiꞌñ iñ noꞌt jootom yaꞌ ai nach maap mu jiim nach mu jam paxiarpuꞌ mu jaꞌp na pim paiꞌ tu oiꞌdhaꞌ.

1 JUAN 1:4

Bɨɨx dhiꞌ puꞌñi jaꞌk jañ mu tu jam uaꞌñxiꞌñ jiñ jaaduñ, nañ guꞌ gɇꞌkam kɨꞌn jix bhaiꞌ bañ chaat buiñor guch Xoiꞌkam, na pim baꞌ aapiꞌm puꞌñi dhuuji puiꞌx bhaiꞌp jum taat kaꞌ buiñor.

3 JUAN 1:10

Kuñ ji guꞌ aañ siamri xi aagiꞌñdhaꞌ ji nañ paiꞌ dhuuk mu jimdaꞌ na cham bhaiꞌ na puiꞌ jaꞌk tu jimdaꞌ, na guꞌ dhiꞌ cham tuꞌr am buiñor gu Dios. Gio guꞌ bɨɨx aixim jich aꞌga bɨɨx nach jɨꞌk tɨ jɨɨgiꞌñ ya jaꞌp buiñor guch Xoiꞌkam, sia ku cham jir puiꞌ, na puiꞌ pɨx jich buixiꞌñ na xich bhaamkidhat. Gio jaꞌp jup tɇ kɇɇ iñ na sap cham jɨꞌxdhaꞌ ja tɨbiaptudaꞌ guch Xoiꞌkam jɨɨgiꞌñdham nam mɨk dɨr miꞌ tɨi aajidhaꞌ kiaꞌmiꞌñ nam bhaankamuꞌn tu aꞌgidhaꞌ guch Xoiꞌkam. Piam noꞌm jaiꞌ dhɨt gu miꞌ kam jich Xoiꞌkam jɨɨgiꞌñdham tɨix ja tɨbiaptudak, ja sooꞌmchulhiꞌñkaꞌ. Baꞌ noꞌt jaroiꞌ maadɨt xi ja tɨbiaptuda, pu maiꞌ ardimiaꞌ sap miꞌ dhɨr nam paiꞌ tu daandaꞌ. Jaꞌpni jaꞌk dho pɨx kaidhaꞌ.