1 JUAN 5:18 - Tepehuano Tepehuán del Sureste (Durango)

¹⁸ Guꞌ baꞌ gu jaroiꞌ noꞌ Gɨꞌkorgaꞌn ba iim gu Dios, cham ka joojoiꞌñdhaꞌ nam uaꞌtulhiꞌñdhaꞌ, na guꞌ palhbuiꞌñchuꞌndaꞌ guch Xoiꞌkam na baꞌ cham maiꞌchiaꞌ gux buam jum duukam.

1 JUAN 5:18 Iomraidhean Croise

MATEO 5:37

Baꞌ noꞌ pim jax kaiꞌch na jɨɨꞌ, pur maaꞌn ɨp na pim jax tɨꞌyaꞌ, cham tuꞌ na pim gatuuk maakam jup ba kaiꞌchdhaꞌ. Piam noꞌ pim jax kaiꞌch na cham, pur maaꞌn ɨp na pim jax tɨꞌyaꞌ. Na guꞌ noꞌ pim bɨɨx aixim kaiꞌch, dhiꞌ gux buam jum duukam pɨx puiꞌ jaꞌk jix aaꞌndaꞌ.

MATEO 6:13

Gio baꞌ nap gammɨjɨ jich aꞌm tɨ nɨidhidhaꞌ na baꞌ cham jich maiꞌchiaꞌ gux buam jum duukam. Jaꞌpni daipuꞌ.

JUAN 1:13

Ku guꞌ na puiꞌ jɨꞌ ja tɨtda nam bar maamraꞌn, cham tuꞌ jax kaiꞌñkam jup ja tɨtda ji na jax gu jaroiꞌ noꞌ mɨt ba xim ja joojoi gook dɨt maaꞌn gu tɨyaa nam maap oiꞌñchai mɨkkat ba ja tɨgiaꞌ gu aꞌaalh nam ja maamar jum tɨɨtɨꞌndaꞌ, guꞌ jaꞌpji noꞌt jaroiꞌ ba tɨ jɨɨꞌñ buiñor guiꞌ na joidham gɇꞌ tanoor na baꞌr maraaꞌn kaꞌ gu Dios.

JUAN 14:30

’Xib jañ cham tuꞌ mɨk ka tu aꞌgaꞌ aapiꞌm jam bui, na guꞌ amuub ba jimchuꞌ guiꞌ na yaꞌ tu daam kɨɨk na jɨꞌx oiꞌñgaꞌn, sia ku guꞌ tɨi cham tuꞌr jiñ jupaabkam.

JUAN 15:4

Baꞌ xib yaꞌ dɨr jaꞌp jaꞌk dai na pim pɨx bhaan ji baapmigiaꞌ na pim gammɨjɨñ buix biiñak kaꞌ, jaꞌp na jax aañ nañ gammɨjɨ jam buip tuiꞌdhiꞌ, nach baꞌ puꞌñi duuji gook dɨt maaꞌn iiꞌmdaꞌp duukaꞌ. Na guꞌ dhiꞌ jaꞌpni jia na jax maaꞌn gu mamragaꞌn gu ɨꞌɨɨx noꞌ ɨɨkix kam mummu jaꞌp paiꞌ pɨx kaat mɨk, dai na bhaiꞌ pɨx ji gakiaꞌ. Noꞌ bha chu daaꞌ ji toonaram gu ɨꞌɨɨx na baꞌ iꞌbhaiꞌñchardaꞌ. Aapiꞌm baꞌ puꞌñip ji buan jiñ jaaduñ, cham jɨꞌxdhaꞌ tuꞌ jax dhuñiaꞌ pim jix bhaiꞌm duukam gu aapiꞌm dɨɨlh pɨx noꞌ pim cham aañ jiñ buix biiñak kat. Jum aaꞌndaꞌ ji guꞌ na pim bɨɨpɨꞌx biiñak kaꞌ aañ jiñ bui na baꞌ puiꞌ ji chu buusnidhaꞌ jax ña pim jix chu duñiik kaꞌ.

JUAN 15:7

’Guꞌ noꞌ pim moo miꞌ puiꞌ jiimɨt nañ jax tu jam aꞌgiꞌñ gammɨjɨx biiñak kat aañ jiñ bui, jam kɇɇkɇt jam maakidhaꞌ ji guñ Gɨꞌkoraꞌ sia tuꞌ na pim yaꞌ dɨr mu taandaꞌ.

JUAN 15:9

Aañ xi jam joiꞌndat xi jam daꞌ jia jiñ jaaduñ na pim jɨꞌk bañ kaichuꞌ. Jaꞌp na jax xiñ dhaꞌ aañ guñ Gɨꞌkoraꞌ, puꞌñiñ jup xi jam daꞌdaꞌ aapiꞌm noꞌ pim gammɨjɨñ buix biiñak.

GU NOONBIꞌÑ GUCH XOIꞌKAM 11:23

Baꞌ nat paiꞌ dhuuk mummɨ ba ai gu Bernabee, joidham jix bhaiꞌm ɨlh nat ba ja tɨɨ guiꞌ nam ba tɨ jɨɨgiꞌñ buiñor guch Xoiꞌkam, na guꞌ sap ja aꞌm ba tɨ ñɨiꞌñ gu Dios. Baꞌx ioꞌm xi ja guguux nam sap bɨɨx ja jujur kɨꞌn jix biiñak kat gammɨjɨ pu tɨ jɨɨgiꞌñdhaꞌ buiñor gu Gɇꞌkam jich Gɨꞌkoraꞌ.

SANTIAGO 1:18

Baꞌ xich joiꞌndat tɨi xich baidhikam jix dhaam na paiꞌp tuꞌiiꞌ nach paiꞌ gammɨjɨ jix jɨjɨkgɨm bap tuiꞌkaꞌ, dai sap nach miꞌ puiꞌ xi jiimdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ. Joidham jix bhaiꞌch chɨɨdai jich aichdhaꞌx dhaam dai aach nach jɨꞌk miꞌ puiꞌ jimiaꞌ.

SANTIAGO 1:27

Guꞌ dhiꞌ matgam noꞌñ tuꞌ sɨlhkam miꞌ puiꞌ ba bhɨichuꞌ na jax tu aagix gu ñioꞌkiꞌñ gu Dios nañ ba tɨ jɨɨgiꞌñ buiñor guch Xoiꞌkam, cham tuꞌ ji nañ kañ uaꞌtulhiꞌñdhaꞌ kɨꞌn gu tuꞌ yaꞌ kam dhi oiꞌñgaꞌn, puiꞌ na jax nañ jix buam tu ñiokdaꞌ gam nañ giilhim ja tɨtdadaꞌ gu jaꞌtkam, guꞌ jaꞌpji nañ jix ja joiꞌgɨꞌndaꞌ ji gio nañ ja palhbuiꞌñdhaꞌ gu aꞌaalh nam alh jir dɨꞌdɨr koiꞌ, gio gu dɨꞌdɨlhdhɨm uꞌuub nañ xi ja maakidhat gu tuꞌ na ja aꞌm jum aagaidhaꞌ.

1 PEEGRO 1:23

Na guꞌ aapiꞌm na pim miꞌ puiꞌ ba jiim na jax jum kaiꞌch gux bhaiꞌm kaiꞌchdham ñioꞌkiꞌñ gu Dios, jaꞌp ji buus na pimɨt giop ba maaxir gu jam iꞌiiꞌmdaꞌ bhaan, cham tuꞌ gu yaꞌ maaxik na jax na pimɨt paiꞌ dhuuk maaxir dhi tuukuꞌ bhaan. Gu jaꞌpji na pim miꞌ puiꞌ ba jiim ji na jax jix aaꞌ guch Gɨꞌkoraꞌ na jax bam kaiꞌch gux bhaiꞌm kaiꞌchdham ñioꞌkiꞌñ, nat guꞌ ba pataasa gu jam iꞌiiꞌmdaꞌ, cham tuꞌ puiꞌ jaꞌk ka tu jim japim na pim jax chu jimdat. Baꞌ dhix bhaiꞌm kaiꞌchdham ñioꞌkiꞌñ gu Dios na pim kaichgɨt miꞌ puiꞌ ba jiim, cham paiꞌ dhuuk jum pataasaꞌ ni ku cham paiꞌ dhuuk jugiaꞌ, gammɨjɨ yaꞌ puiꞌ pu tu daaxix kaꞌ na jax ba tu uaꞌñix.

1 JUAN 2:29

nach guꞌ tuꞌ sɨlhkam bar maamraꞌn kaꞌ. Na guꞌ na pim jax bax maat jiñ jaaduñ nap kaiꞌch bo gu Dios na gu jaroiꞌ noꞌt tuꞌ kaꞌm tɨɨgɨk miꞌ puiꞌ jii na jax jix aaꞌ, dhiꞌ baꞌ puiꞌ bam kaiꞌchdhaꞌ na sɨlhkam jir maraaꞌn kaꞌ, jaꞌp na jax guch Xoiꞌkam janoꞌ na yaꞌ xi oilhimɨk nat guꞌ tuꞌ kaꞌm tɨɨgɨk gu Dios.

1 JUAN 3:12

Cham tuꞌch miꞌ puiꞌp ka tu daaꞌñchuꞌn nat jax tu jii bɨjɨk gu Kayiin nat cham tuꞌ kɨɨꞌ maaꞌnkam buus. Tɨɨꞌ nat bhaamkidhak mua gu sɨpdhiꞌñ Abeel nat jax jaꞌk jurtuda gu jaꞌook na bhaan jup tuiꞌñgɨt. ¿Jax japim ɨlhiiꞌñ nat kaiꞌñkam jup doodaꞌ? Dho nax jɨɨgam dho, na guꞌx maat na gu sɨpdhiꞌñ tuꞌ kaꞌm nɨidhat miꞌ puiꞌ jimdaꞌ na jax jix aaꞌ gu Dios, baꞌ joidham jix kɨɨgalhiꞌñdhaꞌ. Dɨɨlh guꞌ gu Kayiin pu cham tuꞌ miꞌ puiꞌ jimdaꞌ na jax jaꞌk jix kɨɨꞌ kaꞌm nɨiꞌñ gu Dios, baꞌ pu cham kɨɨgalhiꞌñdhaꞌ, na guꞌ buam pɨx tu buadaꞌ.

1 JUAN 3:3

Guꞌ baꞌ gu jaroiꞌ noꞌx aaꞌ na bhammɨ aayaꞌ na paiꞌp tuiꞌkaꞌ guch Xoiꞌkam, jum aaꞌ nax bhaiꞌ xi chu jimdaꞌ, na cham tuꞌx buam ka tu buadaꞌ na tuꞌr uaꞌtulhdharaꞌ. Na guꞌ cham jɨꞌxdhaꞌ jaroiꞌ bhammɨ aayaꞌ noꞌx uaꞌtulhdhix, na guꞌ guiꞌx uañ kɨꞌn kɨɨk na paiꞌp tuꞌiiꞌ.

1 JUAN 3:9

Na guꞌ gu jaroiꞌ noꞌ sɨlhkam bar maraaꞌn gu Dios, cham tuꞌ kam uaꞌtulhiꞌñdhaꞌ. Jix bhaiꞌ pɨx ba tu jimdaꞌ, na guꞌ bhaan jup tuiꞌñgɨdaꞌ gu Dios.

1 JUAN 4:6

Ku guꞌ aach nach jɨꞌk ba tɨ jɨɨgiꞌñ buiñor guch Xoiꞌkam, cham tuꞌ kach bɨpnat ji siam jax tɨich iatgiꞌñ gu dhiꞌ pu chuꞌm gu jaꞌtkam, nach guꞌ aach jix bhaiꞌ bax maat na jax pɨk jaꞌk jir sɨlhkam, dai ji guiꞌ nam cham tuꞌ kaꞌm nɨiꞌñ gu Dios nam baꞌ joidham ja kɇɇkɇꞌ. Aach baꞌ noꞌch tɨip xi chu ja aꞌgiꞌñ guiꞌ nar sɨlhkam ñioꞌkiꞌñ gu Dios, pu cham kaim kaꞌ am, na guꞌ cham ja koꞌraardaꞌ, dai baꞌ guiꞌ nam tuꞌ kaꞌm nɨiꞌñ gu Dios nam baꞌ joidham jup jix kaik kaꞌ. Puꞌñi jaꞌk japim baꞌ duujix mat kaꞌ jiñ jaaduñ nam jax chuꞌm sɨlhkam Dios bhaankamuꞌn tu aꞌgidhaꞌ gio baꞌ na jax chuꞌm cham.

1 JUAN 5:1

Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.

1 JUAN 5:15

Baꞌ dai nach pɨx tɨ nɨɨrdaꞌ na guiꞌch makiaꞌ maaꞌn jimdam gu tuꞌ nach mu tañiaꞌ nach aꞌm jum aaꞌ, noꞌch dho ji baabuiꞌ tɨ jɨɨgiꞌñ na guiꞌch kɇɇkɇꞌ nach jɨꞌk tuꞌ mu taandaꞌ soiꞌch ɨlhdhat.

1 JUAN 5:19

Aach nach jɨꞌk moo ba tɨ jɨɨgiꞌñ buiñor guch Xoiꞌkam, Dios buiñor jup tuiꞌdhiꞌ ich, na guꞌch aꞌm tɨ nɨidhim. Guꞌ baꞌ guiꞌ nam jɨꞌk tuꞌ pɨx ɨlhiiꞌñ guch Xoiꞌkam nam cham tɨ jɨɨgiꞌñ buiñor, dhiꞌ dai bɨɨx ja daam kɨɨk gu jaꞌook.

1 JUAN 5:20

Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.

1 JUAN 5:21

Dai gu Dios japim baꞌ tuꞌ kaꞌm nɨidhat miꞌ puiꞌ jiimdaꞌ na jax jix aaꞌ jiñ jaaduñ. Chaꞌpim mu jaꞌk ja daandaꞌ gup duñiixim didios. Jaꞌpniñ baꞌ pɨx jam guguuxiꞌñ.

1 JUAN 5:4

Gio na guꞌ noꞌñ sɨlhkam bar maraaꞌn gu Dios, cham tuꞌ bhaan ka tɨtɨɨꞌñchokaꞌ iñ jia gu tuꞌ nar yaꞌ kam dhi oiꞌñgaꞌn, ni kuñ tuꞌ bhaan ka xiñ uaꞌtulhdham kaꞌ, nañ guꞌ bɨɨx jiñ jur kɨꞌn ba tɨ jɨɨgiꞌñdhaꞌ buiñor guch Xoiꞌkam, baꞌ cham jɨꞌxdhaꞌ jax jiñ dhoodaꞌ gux buam jum duukam.

JUUDAS 1:21

Joidham japim tuꞌ kaꞌm nɨidhat miꞌ puiꞌ xi jiimdaꞌ pɨx na jax pɨk jaꞌk jix aaꞌ, dai ji na pim pɨx tɨ nɨɨrdaꞌ janoꞌ na paiꞌ dhuuk bha jim gu Gɇꞌkam jich Xoiꞌkam, guiꞌ na jaroiꞌx ioꞌm xich joiꞌgɨꞌn, na yaꞌ dɨr jich baidhikaꞌ bhammɨ jaꞌk jix dhaam nach paiꞌ gammɨjɨx jɨjɨkgɨm bap tuiꞌkaꞌ.

JUUDAS 1:24

Ku baꞌ guꞌ gu Dios jich Xoiꞌkam dɨɨlh jam palhbuidhaꞌ ji na pim jax dhui cham gai suulhgiaꞌ tuꞌ na pɨx bhaan, guiꞌ nat jaroiꞌ bha jimɨɨk tuch ñamkix guch uaꞌtulhdharaꞌ. Guiꞌ tu jam uañiꞌñkaꞌ gammɨjɨ noꞌ pim soiꞌm ɨlhiiꞌñ buiñor, na pim baꞌ cham uꞌuaꞌtulhdhix kaꞌ janoꞌ na paiꞌ dhuuk yaꞌ aayaꞌ, baꞌ dai na pim joidham jix bhaiꞌm taattugɨt ba oidhaꞌ bhammɨ jaꞌk jix dhaam.

NAT JAX TƗ TƗƗ GU JUAN 2:13

Jix maat iñ na puiꞌ na pim jax bax biiñak bɨɨx jam jujur kɨꞌn jiñ bui sia ku miꞌ tu daam kɨɨk gu jaꞌook na pim paiꞌ oiꞌdhaꞌ, ni ku pim cham tuꞌ bhaan jax jum aaꞌ sia kut mua gu jaꞌook guñ chujuandam tuk Antiipas na miꞌ puiꞌ jimdat nañ jax jix aaꞌ, na cham aaꞌ na mi jaꞌp tu aꞌgadaꞌ gux bhaiꞌm kaiꞌchdham jiñ ñiꞌook, na guꞌ miꞌ kiaꞌmiꞌñ tɨ ɨlhiiꞌñ na jɨꞌx Peergamo tɨ tɨɨꞌ.