1 JUAN 5:11 - Tepehuano Tepehuán del Sureste (Durango)

¹¹ Guꞌ gu Dios puiꞌ tɨi ba tɨi ji na sap jich baidhikaꞌx dhaam nach paiꞌ gammɨjɨx jɨjɨkgɨm bap tuiꞌkaꞌ, ku guꞌ sap noꞌch tɨ jɨɨꞌñdhaꞌ ji buiñor gu Maraaꞌn jich Xoiꞌkam. Noꞌch guꞌ sap cham tɨ jɨɨꞌñdhaꞌ, cham tuꞌ dhoch baidhikaꞌ.

1 JUAN 5:11 Iomraidhean Croise

MATEO 25:46

Baꞌ bɨɨx dhiꞌ nam jɨꞌk puꞌñi buam pɨx tomaat kaꞌ, mu jaꞌk bhɨɨyaꞌ am na paiꞌ gammɨjɨ cham tutkɨ gu tai, miꞌ nam paiꞌ pup jum tulhiiñdhaꞌ gammɨjɨ. Guꞌ baꞌ guiꞌ nam jɨꞌk jup jir jix bhabhaiꞌkam, mu jaꞌk jup bɨɨyaꞌ am nam paiꞌ joidham gammɨjɨ jix bhaiꞌ bam taat kaꞌ.

JUAN 1:19

Baꞌ gu Judea kam jaꞌtkam nam bhammɨ oiꞌñkaꞌ Jerusaleen, mu ja joot jamɨt jɨꞌkchi guiꞌ nam mu jaꞌp jir gɇꞌgɇrkam kaꞌ chichiop nam paiꞌ tu daandaꞌ, gio jaiꞌ guiꞌ nam jir bopxiꞌñ gu Lebii nam jir tutpilh kaꞌ, nam sap tɨkkapuꞌ gu Juan jaꞌtkam bopkondam nar tuꞌp tuꞌm daꞌ. Baꞌ guiꞌ mu ɇɇk jup ba tɨkka am, jup tɨtda am: ―Aach jaꞌpnich chɨɨdak bhach joot jamɨt gu gɇꞌgɇrkam nap sap jich aagiꞌñdhaꞌ nap jir tuꞌp tuꞌm daꞌ na pich baꞌ yaꞌ pɨx ba ji kaiꞌñcha nap ja bopkon gu jaꞌtkam cham jum ɨlhdham.

JUAN 1:4

Gu jumai jir diꞌ pɨx guiꞌ na ja maak gu iiꞌmdaꞌ nam kɨꞌn dudua bɨɨx gu jaꞌtkam. Jir diꞌ pɨx ɨp nam kɨꞌn jix chu maax kɨr ji biꞌyaꞌ, na guꞌ guiꞌ na iiꞌmdaꞌ tu maak joidham gɇꞌ tanoor.

JUAN 10:28

Aañ baꞌ miꞌ dhɨr xi ja aaꞌñdhai xi ja guguuxdhaꞌ nam miꞌ puiꞌ ba jimiaꞌ na jax jaꞌk jix aaꞌ guñ Gɨꞌkoraꞌ na baꞌ ja aꞌm ba tɨ nɨidhidhaꞌ, na baꞌ cham ka ja tulhiiñchudaꞌ gatuuk. Baꞌ cham jɨꞌxdhaꞌ jaroiꞌ kañ ɨɨxdhaꞌ sia tɨi ɨlhiiꞌñdhaꞌ gɨt.

JUAN 12:50

Na baꞌ gu jaroiꞌ noꞌt jiñ kɇɇk miꞌ puiꞌ ba jii nañ jɨꞌk jax tu aꞌga, pu baidhikaꞌ guñ Gɨꞌkoraꞌ jix dhaam jaꞌk na paiꞌp tuꞌiiꞌ, na guꞌ guiꞌ pɨx jir ñioꞌkiꞌñ dhiꞌ nañ jɨꞌk jax tu jam aꞌgiꞌñ, nat guꞌ puꞌñi jaꞌk xiñ aaꞌñdhak bhañ joot.

JUAN 14:6

Baꞌ gu Jesuus jup tɨtda: ―Aañiꞌ dhor diꞌ gux kɨɨꞌ boi na bhaan jum bhɨbhɨɨ jix dhaam jaꞌk na paiꞌ cham ka tu muukiꞌ. Jum aaꞌ na aañ jiñ bui tɨ jɨɨꞌñdhaꞌ gu jaroiꞌ na baꞌ jimiaꞌ jix dhaam jaꞌk buiñor guñ Gɨꞌkoraꞌ.

JUAN 19:35

Tɨɨgɨk moop kaiꞌch guiꞌ na puiꞌ tu aꞌga bɨɨx dhiꞌ puiꞌ, cham tuꞌ na pɨx jap kaiꞌch, na guꞌ miꞌp tuꞌiiꞌ na tɨ nɨiꞌñ nat paiꞌ dhuuk puiꞌ tum duu, na pim baꞌ aapiꞌm puiꞌp tɨ jɨɨꞌñdhaꞌ nat sɨlhkam puiꞌ tum duu.

JUAN 3:36

Baꞌ gu jaroiꞌ na tɨ jɨɨꞌñdhaꞌ buiñor gu Maraaꞌn gu Dios, pu baidhikaꞌ jix dhaam jaꞌk na paiꞌp tuꞌiiꞌ. Dai gu jaroiꞌ noꞌ cham tɨ jɨɨgiꞌñ buiñor dho gi guꞌ cham tuꞌ baidhikaꞌ ji, dai na pɨx am tɨꞌñchokaꞌ na tulhiiñchudaꞌ.

JUAN 4:36

Na baꞌ guꞌ nam paiꞌ dhuuk ba tɨ jɨɨꞌñdhaꞌ aañ jiñ bui, noꞌ jaroiꞌ mu jaꞌp paiꞌ ba tu ja aꞌgidhim gu ñioꞌkiꞌñ guñ Gɨꞌkoraꞌ jiñ aꞌmkam, jix bhaiꞌ bhaiꞌ jim ɨlhdhaꞌ am, nam guꞌ bhaiꞌ ji machiaꞌ na ja aꞌm ba tɨ nɨidhidhaꞌ guñ Gɨꞌkoraꞌ na baꞌ miꞌ dhɨr cham tuꞌ ka ja tulhiiñchudaꞌ, dai na ba ja baidhikaꞌx dhaam jaꞌk. Gio gu jaroiꞌ na tu ja aꞌgiꞌñdhaꞌ, puiꞌx bhaiꞌp jum taat kaꞌ ja bɨɨm. Baꞌ dhiꞌ iam pɨx jaꞌp ji buusan na jax gu jaroiꞌ noꞌt gɇꞌ tɨ ɨi nax bhaiꞌm taat kaꞌ, gio jaiꞌ dhɨt noꞌm nɨiꞌñ nax bhaiꞌ tu kaibhaim, puiꞌx bhaiꞌp jum taat kaꞌ am, nam guꞌ jaiꞌ miꞌ ba tu bagiataꞌ.

JUAN 4:4

Miꞌ baꞌ moo buusnichuꞌ na paiꞌ Samaaria tɨ tɨɨꞌ.

JUAN 5:21

Jaꞌp na jax gu koiꞌñgaꞌn na guꞌ ja duduaꞌñdhat ja baapmigiꞌñ guñ Gɨꞌkoraꞌ na baꞌ miꞌ dhɨr ba ja baidhikaꞌx dhaam, baꞌ aañ xib puꞌñi ɨp, ja duduaꞌñdhat jañ dho ja baapmigiꞌñ gu koiꞌñgaꞌn nañ baꞌ miꞌ dhɨr ba ja baidhikaꞌ ɨp.

JUAN 5:26

na guꞌ guñ Gɨꞌkoraꞌ ja tajaañiꞌñ gu iiꞌmdaꞌ na jax chuꞌm ɨlhiiꞌñdhaꞌ nam baꞌ kɨꞌn duduakaꞌ. Aañ baꞌ bhaankamuꞌn jix chu maax kɨr jaꞌk ja boosoꞌ nam baꞌ gammɨjɨ miꞌ bap tuiꞌñgɨdaꞌ na paiꞌ cham ka tu muukiꞌ.

JUAN 6:40

Gio baꞌ jaꞌpni jaꞌk moop jix aaꞌ guñ Gɨꞌkoraꞌ nat bhañ joot, na bɨɨx guiꞌ nam jɨꞌk jix maatɨt jiñ kɇɇ, noꞌ mɨt ba tɨ jɨɨꞌñ nar sɨlhkam nañ jax tu aꞌgadaꞌ, gammɨjɨ ja aꞌm ba tɨ nɨidhidhaꞌ. Aañ baꞌ ja baidhikaꞌx dhaam jaꞌk na paiꞌ dhuuk tum kuugalhdhaꞌ yaꞌ dhi oiꞌñgaꞌn.

JUAN 6:47

Tuꞌ sɨlhkam jañ yaꞌ pu jam tɨɨdaꞌ, gu jaroiꞌ noꞌt ba tɨ jɨɨꞌñ aañ jiñ bui, gammɨjɨ bhaan ba tɨ nɨidhidhaꞌ guñ Gɨꞌkoraꞌ,

JUAN 6:68

Baꞌ bhaiꞌ ji ñio gu Simoon Peegro, jup kaiꞌch: ―¿Paach gi chi baꞌ jaꞌk jup bhɨɨyaꞌ? Na guꞌ cham jaroiꞌ jaꞌxbuiꞌr gɇꞌkam na jax aap jich jaduuñ nach aagiꞌñdhaꞌ na jax jaꞌk gammɨjɨch aꞌm tɨ nɨidhidhaꞌ guch Gɨꞌkoraꞌ.

ROOMA KAM 5:21

Baꞌ aañ joidham jix bhaiꞌ ba tuñ jim xib, nañ guꞌ cham tuꞌ bhaan kuiñcha ka biaꞌ buiñor gu Dios, nat guꞌ xiñ joiꞌmdak jiñ chɨɨ bhaankam gu Gɇꞌkam jich Xoiꞌkam, puiꞌ nat jax jich dhaam jup jii gu muukiꞌ nar kuiñchaꞌn gu Adaan nat jum uaꞌtulh.

ROOMA KAM 6:23

Gu uaꞌtulhdharaꞌ dai dhiꞌ kɨꞌn tu namkiꞌñ na mu jaꞌk bhɨichdhaꞌ gu jaroiꞌ na paiꞌ gammɨjɨ miꞌ pup jum tulhiiñdhaꞌ. Matgɨm guꞌ gu Dios baidhikaꞌ ji na buiñor bap tuiꞌkaꞌ gammɨjɨ na paiꞌ joidham jix bhaiꞌ ba tu jimdaꞌ gu jaroiꞌ na bɨɨmaꞌn maaꞌn maaꞌnkam bap jum duñiaꞌ guch Xoiꞌkam guiꞌ na xib jir jich Gɇꞌkam tuk.

1 TIMOTEO 1:16

Puꞌñi dhuuk baꞌ gu Dios xiñ joiꞌmdak jiñ chɨɨ na baꞌ dhiꞌ bhaan matgilhiaꞌ nat guch Xoiꞌkam pu kaiꞌñkam jum tulhii. Aañ baꞌ jaꞌp ji buusan nañ jir ja booiꞌchuꞌ gu jaꞌtkam, na mɨt guꞌñ chɨɨgɨk jup ba tɨ jɨɨꞌñ jaiꞌ dhɨt guiꞌ nat jɨꞌk Dios ja aꞌm tɨ tɨɨ nam tɨ jɨɨꞌñdhaꞌ, nam baꞌ miꞌ dhɨr buiñor bap tuiꞌkaꞌ gammɨjɨ.

TIITO 1:2

Jum aaꞌ na puꞌñi jaꞌk tu jimiaꞌ gu jaroiꞌ na baꞌx bhaaiꞌn kaꞌ na buiñor jimiaꞌ gu Dios na baꞌ gammɨjɨ buiñor bap tuiꞌkaꞌ. Gu Dios dɨɨlh pu puiꞌ tɨi bɨɨpɨꞌ dɨr nat baꞌ moo bap duu dhi oiꞌñgaꞌn na puꞌñi ja baidhikaꞌ gu jaꞌtkam guiꞌ nam jɨꞌk soiꞌm ɨlhdhai buiñor jum biiñkadai tɨ jɨɨꞌñdhaꞌ. Baꞌ dhiꞌ puiꞌ ji chu buusniaꞌ, na guꞌ gu Dios cham jɨꞌxkat iataꞌ.

1 JUAN 2:25

Na baꞌ noꞌch puꞌñi miꞌ puiꞌ xi dhuiñchuꞌ na jɨꞌk jax jix aaꞌ guch Xoiꞌkam, dai na bach baidhikaꞌ bhammɨ jaꞌk jix dhaam nat paiꞌ tuch iimchuda na saak jich aichdhaꞌ. Dɨɨlh puiꞌ xich chɨɨdak guꞌ guch Xoiꞌkam janoꞌ na yaꞌ xi oilhimɨk.

1 JUAN 4:10

Dɨɨlh pɨx nat xich joiꞌgɨlh gu Dios, sia kuch chakui miꞌ puiꞌ jiimdaꞌ na jax jix aaꞌ, dai pɨx nax mat kaꞌ nach mu jaꞌk bhɨichuꞌn nach paiꞌ gammɨjɨ miꞌ pup jich chulhiiñdhaꞌ. Puiꞌ kut baꞌ bhaiꞌ ma joot gu Maraaꞌn jich Xoiꞌkam na yaꞌch aꞌmkam jum makgɨrtaꞌ na baꞌ puꞌñi duuji tu namkix kaꞌ nach jɨꞌx jix uꞌuaꞌtulhdhix.

1 JUAN 4:9

Na guꞌx bhaiꞌx maatɨꞌ jia na joidham jix chu joiꞌgɨꞌn gu Dios. Tɨɨꞌ nat moo bha joot gu dai maaꞌn Maraaꞌn yaꞌ aach jich bui, nat xich joiꞌgɨlh na sap baꞌ noꞌ chich tɨ jɨɨꞌñ buiñor, jich baidhikaꞌx dhaam nach paiꞌ joidham jix jɨjɨkgɨm bap tuiꞌkaꞌ.

1 JUAN 5:10

Baꞌ gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na guch Xoiꞌkam sɨlhkam Dios jir Maraaꞌn nat bha joot, cham tuꞌ iatdaꞌ ɨlhiiꞌñdhaꞌ noꞌ jaroiꞌ puiꞌ ba tu aꞌgiꞌñ. Guꞌ noꞌ guꞌ cham tɨ jɨɨgiꞌñ na Dios jir Maraaꞌn guch Xoiꞌkam, iatdaꞌ dho pɨx ɨlhiiꞌñdhaꞌ gux bhaiꞌm kaiꞌchdham ñioꞌkiꞌñ gu Dios na bhaan tu aꞌga na guch Xoiꞌkam jir Maraaꞌn nat bha joot bhammɨ dɨr jix dhaam, puiꞌ baꞌ pɨx ba ji buusniaꞌ nax iatbiꞌ gu Dios.

1 JUAN 5:20

Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.

1 JUAN 5:7

Baꞌ puiꞌ ji buusan nam baik puiꞌx chu maat nat sɨlhkam yaꞌ ɇɇk guch Xoiꞌkam, puiꞌ na jax gux Dhuuduꞌ kam jix Uañ Iiꞌmdaꞌ, gio baꞌ gu suudaiꞌ, gio baꞌ gu ɨꞌraꞌn ɨp. Baꞌ dhiꞌ dhi bɨɨx baik xi chuut am nam puiꞌ kaiꞌch nat sɨlhkam yaꞌ ɇɇk ji guch Xoiꞌkam, baꞌm aaꞌ nach tɨ jɨɨgiꞌñdhaꞌ noꞌm puiꞌ ba tuch aꞌgiꞌñ.

3 JUAN 1:12

Gio guñ jaduuñ Demetrio puiꞌ joidham jup kaidhaꞌ, bɨɨx pɨx jix bhaiꞌ aaꞌ am, jup kaiꞌch am na sap joidham jir jix bhaiꞌkam. Tɨ jɨɨgiꞌñ iñ dho nar sɨlhkam na jax kaidhaꞌ, nañ guꞌx maat na guiꞌ tuꞌ kaꞌm nɨidhat miꞌ puiꞌ jim na jax jix aaꞌ guch Gɨꞌkoraꞌ, nap jax bax maat jiñ jaduuñ.

JUUDAS 1:21

Joidham japim tuꞌ kaꞌm nɨidhat miꞌ puiꞌ xi jiimdaꞌ pɨx na jax pɨk jaꞌk jix aaꞌ, dai ji na pim pɨx tɨ nɨɨrdaꞌ janoꞌ na paiꞌ dhuuk bha jim gu Gɇꞌkam jich Xoiꞌkam, guiꞌ na jaroiꞌx ioꞌm xich joiꞌgɨꞌn, na yaꞌ dɨr jich baidhikaꞌ bhammɨ jaꞌk jix dhaam nach paiꞌ gammɨjɨx jɨjɨkgɨm bap tuiꞌkaꞌ.

NAT JAX TƗ TƗƗ GU JUAN 1:2

Baꞌ gu Juan puiꞌp tu uaꞌna bɨɨx nat jɨꞌk jax tɨ tɨɨ nat paiꞌ dhuuk mattuda guch Xoiꞌkam bhaankamuꞌn gu Dios na tuꞌ jax dhuñiaꞌ. Cham paiꞌ maaꞌn kap tu uaꞌna na dɨɨlh jax ɨlhiiꞌñ, daipuꞌ nat jax pɨx tɨ tɨɨ gio nat jax tɨ kai.

NAT JAX TƗ TƗƗ GU JUAN 22:1

Baꞌ miꞌ dhɨr jaꞌp jaꞌk jup jiñ baidhak gu nobiiꞌñ gu Dios, maaꞌn kap jiñ aich na paiꞌ gɇꞌ mɨr gu suudaiꞌ joidham jix kɨɨꞌ, jir diꞌ pɨx guiꞌ na kɨꞌn gammɨjɨx jɨkgɨm bap tuiꞌkaꞌ gu jaroiꞌ noꞌt xi ii. Joidham jix kɨɨꞌx uañ ji guꞌ, cham paiꞌ palhɨɨp pɨx am jix ikooraꞌ, bhaiꞌ dhɨr jaꞌk bha mɨr na paiꞌ daa gu Dios gio guch Xoiꞌkam dhiꞌ na jaꞌp ji buusan na jax gux kɨɨꞌ kasnir.