1 JUAN 5:1 - Tepehuano Tepehuán del Sureste (Durango)

¹ Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.

1 JUAN 5:1 Iomraidhean Croise

MATEO 16:16

Baꞌ muiꞌ ji ñio gu Simoon guiꞌ nam Peegro kɨꞌn jup jix mat kaꞌ, jup kaiꞌch: ―Dho aapiꞌ dhor diꞌ guch Xoiꞌkam guiꞌ na saak bha jootsaꞌ gɨt gu Dios.

LUUKAS 7:5

Na guꞌ dhiꞌ dhi sandaaruiꞌx jix ja joiꞌgɨꞌn gu jaꞌtkam nam ya jaꞌp tu oiꞌdhaꞌ, puiꞌ na jax gu chiop miꞌ nach paiꞌch jumpadat daan guch Gɨꞌkoraꞌ, dhiꞌ nat jich chiañxi nam jich kɨɨxdhaꞌ.

JUAN 1:3

gam bɨɨx na jɨꞌk tuꞌ yaꞌx chu jaiꞌch. Nix chuꞌ kux jaiꞌch yaꞌ dhi oiꞌñgaꞌn bhaan nat cham guiꞌp duu, na mɨt guꞌ pu gook dɨt maaꞌn ñiꞌook xip duuk jup tu duu bɨɨx.

JUAN 15:23

Guꞌ ji na mɨt guꞌ bhaiꞌ pɨx cham jiñ kɨɨgalh, jix bhaamut pɨx kai mɨt nañ tɨip ba ja aagiꞌñ. Ku baꞌ guꞌ bɨɨx ji guñ Gɨꞌkoraꞌ nam cham kɨɨgalhiꞌñ, sia kum guꞌ jaꞌp jum aaꞌ nam panaas dai aañ cham jiñ kɨɨgalhiꞌñ.

JUAN 3:3

Baꞌ gu Jesuus jup tɨtda: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌ cham xim gaꞌnga na jax jaꞌk duuji giop maaxilhiaꞌ, cham tuꞌ bhaan tɨ nɨidhidhaꞌ gu Dios.

JUAN 6:69

Guꞌ aach dai aap pɨx bhaiꞌ bam nɨidhim ji, na chich guꞌ bɨɨx jich jujur kɨꞌn ba tɨ jɨɨꞌñ aap jum bui, nach guꞌ bax maat nap aap jir diꞌ guch Xoiꞌkam nap jir Maraaꞌn gu Dios nat bham joot.

JUAN 8:42

Baꞌp ja tɨtda gu Jesuus: ―Matgam noꞌ Dios jir jam taat kaꞌ gɨt, xiñ kɨɨgalhiꞌñdhaꞌ pim gɨt ji, na ñich guꞌ aañ bhammɨ dɨr bha jii na paiꞌp tuꞌiiꞌ. Cham tuꞌ nañ dɨɨlh pɨx ya jaꞌp jimdat puiꞌ ba tu jam aꞌgidhim, guꞌ jaꞌpji gu Dios nat bhañ joot.

GU NOONBIꞌÑ GUCH XOIꞌKAM 8:36

Baꞌ palhɨɨp gama jaꞌk na mɨt ji bhɨi na paiꞌ gɇꞌ suuꞌnkaꞌ gu suudaiꞌ, jup kaiꞌch gu Etiopiiya kam: ―Gi noꞌ pich xiñ bakuanak jiñ jaduuñ na kapbhaiꞌ na yaꞌni pɨx suuꞌn dhi suudaiꞌ.

GU NOONBIꞌÑ GUCH XOIꞌKAM 8:37

Baꞌ gu Piliip jup kaiꞌch: ―Baabuiꞌ jia. Dho guꞌ jaꞌpji noꞌp tɨ jɨɨgiꞌñ ji bɨɨx jum jur kɨꞌn buiñor guch Xoiꞌkam. Baꞌp kaiꞌch guiꞌ: ―Tuꞌ sɨlhkam tɨ jɨɨgiꞌñ iñ dho na guch Xoiꞌkam jir Maraaꞌn gu Dios.

SANTIAGO 1:18

Baꞌ xich joiꞌndat tɨi xich baidhikam jix dhaam na paiꞌp tuꞌiiꞌ nach paiꞌ gammɨjɨ jix jɨjɨkgɨm bap tuiꞌkaꞌ, dai sap nach miꞌ puiꞌ xi jiimdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ. Joidham jix bhaiꞌch chɨɨdai jich aichdhaꞌx dhaam dai aach nach jɨꞌk miꞌ puiꞌ jimiaꞌ.

1 PEEGRO 1:3

Jaꞌp moor gɇꞌkam ji gu Dios jich Gɨꞌkoraꞌ guiꞌ nat bha joot gu Jesuus jich Xoiꞌkam yaꞌ dhi oiꞌñgaꞌn, tu daandaꞌ ich buiñor jiñ jaaduñ na guꞌr jix bhaiꞌkam. Tɨɨꞌ nat jix bhaiꞌ duu nat xich joiꞌndak tuch uañ guch uaꞌtulhdharaꞌ nach jix uꞌuaꞌtulhdhix kat, nat tuch ñamkix guch Xoiꞌkam janoꞌ nat muukɨk duadɨk giop bam mu dɨr koiꞌñgaꞌn tɨr na mɨt paiꞌ tɨi yaas. Baꞌ xib jaꞌp ji buus na chich giop ba maaxir nach jɨꞌk ba tɨ jɨɨgiꞌñ buiñor, xib baꞌ guꞌ dai ji nach jix bhaiꞌch chaatɨt pɨx am tɨ nɨɨrdaꞌ nach aꞌm tu biꞌyaꞌ guiꞌ nat tuch iimchuda gu Dios,

1 JUAN 2:10

Jɨɨꞌ ji noꞌ guꞌ joidham jix joiꞌndat pɨx jix bhaiꞌ tɨtda gu jumai na puiꞌp tɨ jɨɨgiꞌñ buiñor guch Xoiꞌkam, dhiꞌ jɨꞌ ji na baꞌ puiꞌ bam kaiꞌch na joidham jix chu maax kɨr bap tuiꞌdhiꞌ, baꞌ cham jɨꞌxdhaꞌ tuꞌ bhaan jutbui ɨlhiaꞌ. Jaꞌp jañ kaiꞌñkam jup kaiꞌch na cham jɨꞌxdhaꞌ maiꞌchiaꞌ gux buam jum duukam.

1 JUAN 2:29

nach guꞌ tuꞌ sɨlhkam bar maamraꞌn kaꞌ. Na guꞌ na pim jax bax maat jiñ jaaduñ nap kaiꞌch bo gu Dios na gu jaroiꞌ noꞌt tuꞌ kaꞌm tɨɨgɨk miꞌ puiꞌ jii na jax jix aaꞌ, dhiꞌ baꞌ puiꞌ bam kaiꞌchdhaꞌ na sɨlhkam jir maraaꞌn kaꞌ, jaꞌp na jax guch Xoiꞌkam janoꞌ na yaꞌ xi oilhimɨk nat guꞌ tuꞌ kaꞌm tɨɨgɨk gu Dios.

1 JUAN 3:14

Na guꞌ aach nach jɨꞌk ba tɨ jɨɨgiꞌñ buiñor guch Xoiꞌkam, cham tuꞌ mu jaꞌk ka bhɨichuꞌ ich nach paiꞌ gammɨjɨ miꞌ pup jich chulhiiñdhaꞌ gɨt. Xib guꞌ dai ji nach sɨlh ba bhɨichuꞌ nach paiꞌ gammɨjɨx jɨjɨkgɨm bap tuiꞌkaꞌ, jaꞌp ji buus nach koꞌiix kat gio duduadɨk jup ba baapam. Puiꞌ kuch baꞌ xib joidham bax ja joiꞌgɨꞌn guch Xoiꞌkam jɨɨgiꞌñdham, na guꞌ puꞌñi jaꞌk jia noꞌch sɨlhkam ba dua guch iiꞌmdaꞌ bhaan, guꞌ noꞌch pui ka koꞌiix guch iꞌiiꞌmdaꞌ bhaan, dai ji nach jix chu bhaamkiꞌñdhaꞌ.

1 JUAN 3:17

Dhiꞌ jɨꞌ puꞌñi jaꞌk noꞌch xi dhuiñchuꞌ na baꞌ puiꞌ bam kaiꞌch nach bax maat na jax kaiꞌñkam puiꞌm kaiꞌch nach jix chu joiꞌgɨꞌndaꞌ. Guꞌ ji noꞌ guꞌ puiꞌ na jax gu jaroiꞌ noꞌ tɨir jix chumñigam, baꞌ noꞌ guꞌ tɨi nɨiꞌñ na tuꞌ aꞌmiram jum aaꞌ gu jax chuꞌm jich Xoiꞌkam jɨɨgiꞌñdham, ji noꞌt guꞌ pu cham paiꞌ iam jix joiꞌndak xi maa, dhiꞌ pu cham tuꞌx mat kaꞌ na jax kaiꞌñkam puiꞌm kaiꞌchdhaꞌ nañ jix chu joiꞌgɨꞌn, na guꞌ bak pu cham mat kaꞌ na jax jir tuꞌm kam gu Dios.

1 JUAN 3:9

Na guꞌ gu jaroiꞌ noꞌ sɨlhkam bar maraaꞌn gu Dios, cham tuꞌ kam uaꞌtulhiꞌñdhaꞌ. Jix bhaiꞌ pɨx ba tu jimdaꞌ, na guꞌ bhaan jup tuiꞌñgɨdaꞌ gu Dios.

1 JUAN 4:2

Jix maatɨꞌ kaꞌ am jia guiꞌ nam sɨlhkam Dios jir tujuandam tugiꞌñ gio guiꞌ na cham. Guiꞌ nam sɨlhkam Dios bhaankamuꞌn tu aꞌga, puiꞌ jaꞌk kaiꞌchidhaꞌ am nat guch Xoiꞌkam maaꞌnkam jup jum duuk yaꞌ ai dhi oiꞌñgaꞌn bhaan.

1 JUAN 4:20

Baꞌ noꞌ guꞌ jaroiꞌ maadɨt jax kaiꞌch: “Aañ dho gi tuꞌ kaꞌm nɨidhat miꞌ puiꞌ jim ji na jax jix aaꞌ gu Dios”, guꞌ ji noꞌ guꞌx bhaamkiꞌñ gu jumai na puiꞌp tɨ jɨɨgiꞌñ buiñor guch Xoiꞌkam, pɨx jap kaiꞌchdhaꞌ, cham tuꞌ sɨlhkam tuꞌ kaꞌm nɨiꞌñdhaꞌ gu Dios. Na guꞌ noꞌ puꞌñi cham tuꞌ kaꞌm nɨidhat jix joiꞌgɨꞌn gu jumaich Xoiꞌkam jɨɨgiꞌñdham na yaꞌ nɨiꞌñ maaxik, ¿jax dhui tuꞌ kaꞌm jup tɨgiaꞌ gu Dios na cham maax?

1 JUAN 4:7

Jam guguuxiꞌñ iñ ɨp jiñ jaaduñ na pim siamri xim jajoiꞌgɨꞌndaꞌ bɨɨx jɨꞌmaꞌn na baꞌ bhaan jix maatɨꞌ kaꞌ na Dios jam aꞌm tɨ nɨidhim, na guꞌ guiꞌ joidham jix chu joiꞌgɨꞌn. Baꞌ gu jaroiꞌ noꞌ puꞌñi joidham jix ja joiꞌgɨꞌn gu jaiꞌ, dhiꞌ bhaan jix maatɨꞌ kaꞌ na bax maat na jax jir tuꞌm kam gu Dios, baꞌ puiꞌ bam kaiꞌchdhaꞌ na Dios bar Maraaꞌn.

1 JUAN 5:18

Guꞌ baꞌ gu jaroiꞌ noꞌ Gɨꞌkorgaꞌn ba iim gu Dios, cham ka joojoiꞌñdhaꞌ nam uaꞌtulhiꞌñdhaꞌ, na guꞌ palhbuiꞌñchuꞌndaꞌ guch Xoiꞌkam na baꞌ cham maiꞌchiaꞌ gux buam jum duukam.

1 JUAN 5:4

Gio na guꞌ noꞌñ sɨlhkam bar maraaꞌn gu Dios, cham tuꞌ bhaan ka tɨtɨɨꞌñchokaꞌ iñ jia gu tuꞌ nar yaꞌ kam dhi oiꞌñgaꞌn, ni kuñ tuꞌ bhaan ka xiñ uaꞌtulhdham kaꞌ, nañ guꞌ bɨɨx jiñ jur kɨꞌn ba tɨ jɨɨgiꞌñdhaꞌ buiñor guch Xoiꞌkam, baꞌ cham jɨꞌxdhaꞌ jax jiñ dhoodaꞌ gux buam jum duukam.

1 JUAN 5:5

Noꞌñ tɨ jɨɨgiꞌñ dho siamri bɨɨx jiñ jur kɨꞌn na gu Jesuus jich Xoiꞌkam Dios jir Maraaꞌn nat bha joot na baꞌ cham jax jiñ dhoodaꞌ gux buam jum duukam, na guꞌ bañ palhbuiꞌñchuꞌndaꞌ gu Dios nañ baꞌ cham ka xiñ uaꞌtulhdham kaꞌ.