1 JUAN 4:16 - Tepehuano Tepehuán del Sureste (Durango)

¹⁶ Baꞌ aach nach jɨꞌk ba tɨ jɨɨgiꞌñ bɨɨx jich jujur kɨꞌn buiñor guch Xoiꞌkam, jix bhaiꞌ bax maat ich na gu Dios joidham xich joiꞌgɨꞌn, na guꞌr diꞌ pɨx gux chu joiꞌgɨꞌn. Baꞌ gu jaroiꞌ noꞌ puiꞌp jix chu joiꞌgɨꞌn na guiꞌ, dhiꞌ bhaan bax maatɨꞌ kaꞌ na sɨlhkam bax maat gu Dios, baꞌ puiꞌ bam kaiꞌchdhaꞌ na bhaan ba tɨ nɨidhim.

1 JUAN 4:16 Iomraidhean Croise

JUAN 6:69

Guꞌ aach dai aap pɨx bhaiꞌ bam nɨidhim ji, na chich guꞌ bɨɨx jich jujur kɨꞌn ba tɨ jɨɨꞌñ aap jum bui, nach guꞌ bax maat nap aap jir diꞌ guch Xoiꞌkam nap jir Maraaꞌn gu Dios nat bham joot.

JUAN 9:3

Baꞌ gu Jesuus jup ja tɨtda: ―Cham tuꞌ ji na tuꞌ ja uaꞌtulhdharaꞌ gu gɨꞌkorgaꞌn puiꞌ dhuuk am dhiꞌ, nix chuꞌ gu dɨɨlh uaꞌtulhdhargaꞌn. Jaꞌpji nat puiꞌ jaꞌk pu duu gu Dios na baꞌ gatuuk duaꞌñdhaꞌ na bhaan matgilhiaꞌ na cham tuꞌ xijaichuꞌn na pu tu duñiaꞌ.

1 KORIINTO KAM 2:9

Guꞌ ji na guꞌ miꞌ pɨx puiꞌ ba jim na jax dhui puiꞌ tum duñiaꞌ na jax jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam, nap jum kaiꞌch: Guiꞌ nam jɨꞌk tuꞌ sɨlhkam buiñor tɨ jɨɨꞌñdhaꞌ gu Dios, ja biꞌchulhiꞌñ nam tuꞌ cham paiꞌ dhuuk nɨiꞌñ ni kum cham paiꞌ dhuuk pu chuꞌm kɇɇ na tum aꞌga.

1 JUAN 3:1

Dho jaiñ na jax pɨk jir jix bhaiꞌkam gu Dios, bɨɨx puiꞌch biaꞌ nach sap bar maamraꞌn, na guꞌ joidham xich joiꞌgɨꞌn. Maaxik dho sɨlhkam bar maamraꞌn ich, nach guꞌ ba tɨ jɨɨgiꞌñ buiñor gu Maraaꞌn jich Xoiꞌkam. Guꞌ baꞌ guiꞌ nam jɨꞌk cham tɨ jɨɨgiꞌñ buiñor, pu cham maat am nach jir tuꞌp tuꞌm daꞌ, nach jax kaiꞌñkam baꞌ puiꞌ bach chɨɨtɨꞌ nach bar maamraꞌn gu Dios, nam guꞌ cham tɨ jɨɨꞌñdhat buiñor xim gaꞌnga bɨɨx ja jujur kɨꞌn nam iam ba machiaꞌ gɨt na jax jir tuꞌm kam gu Dios nach jaroiꞌ buiñor bap tuꞌiiꞌ.

1 JUAN 3:16

Aach dho gi guꞌ nach jɨꞌk bɨɨx jich jujur kɨꞌn ba tɨ jɨɨgiꞌñ buiñor guch Xoiꞌkam jix bhaiꞌ bax maat ji nach jax jaꞌk tu buadaꞌ noꞌch sɨlhkam jix chu joiꞌgɨꞌn, nach guꞌ miꞌ puiꞌ tu daaꞌñchuꞌ nat jax tu duu guch Xoiꞌkam janoꞌ nat joidham xich joiꞌndak jich aꞌmkam muu nach baꞌ puꞌñi duuji cham kach chulhiiñaꞌ. Aach baꞌ puꞌñi ɨp jiñ jaaduñ, puiꞌch jup xix chu joiꞌgɨꞌndaꞌ nat jax xich joiꞌgɨlh guch Xoiꞌkam, cham jax bua sia mɨt chi mach koi ja aꞌmkam gu jaiꞌ, nach guꞌx ja joiꞌgɨꞌndaꞌ.

1 JUAN 3:24

Dhiꞌ jɨꞌ baꞌ noꞌch bɨɨx miꞌ puiꞌ xi dhuiñchuꞌ puiꞌ bam kaiꞌchdhaꞌ nach miꞌ puiꞌ tu kuugalhdhim na jɨꞌk jax chu daaxix gu ñioꞌkiꞌñ gu Dios. Baꞌ guiꞌch aꞌm ba tɨ nɨidhidhaꞌ, gio aach yaꞌ dɨr mu jaꞌk buiñor jup tuiꞌñgɨdaꞌ ɨp, nach guꞌ maap bach kɇkɇɇkɇꞌ. Baꞌ pux bhaiꞌx mat kaꞌ ich noꞌch aꞌm tɨ nɨidhim gu Dios, na guꞌch mattuꞌnkaꞌ gux Dhuuduꞌ kam jix Uañ Iiꞌmdagaꞌn nat jich aꞌm tajaa.

1 JUAN 4:7

Jam guguuxiꞌñ iñ ɨp jiñ jaaduñ na pim siamri xim jajoiꞌgɨꞌndaꞌ bɨɨx jɨꞌmaꞌn na baꞌ bhaan jix maatɨꞌ kaꞌ na Dios jam aꞌm tɨ nɨidhim, na guꞌ guiꞌ joidham jix chu joiꞌgɨꞌn. Baꞌ gu jaroiꞌ noꞌ puꞌñi joidham jix ja joiꞌgɨꞌn gu jaiꞌ, dhiꞌ bhaan jix maatɨꞌ kaꞌ na bax maat na jax jir tuꞌm kam gu Dios, baꞌ puiꞌ bam kaiꞌchdhaꞌ na Dios bar Maraaꞌn.