1 JUAN 4:15 - Tepehuano Tepehuán del Sureste (Durango)

¹⁵ Gu jaroiꞌ noꞌ tɨ jɨɨgiꞌñ nat gu Dios bha joot gu Maraaꞌn jich Xoiꞌkam, dhiꞌ bhaan tɨ nɨidhidhaꞌ, na guꞌ bɨɨx juraaꞌn kɨꞌn ba tɨ jɨɨgiꞌñdhaꞌ nar sɨlhkam, gio guiꞌ yaꞌ dɨr mu jaꞌk buiñor jup tuiꞌñgɨdaꞌ ɨp.

1 JUAN 4:15 Iomraidhean Croise

MATEO 10:32

’Baꞌ noꞌm ba jam tɨkka gu jaꞌtkam noꞌ pim moo sɨlhkam tɨ jɨɨgiꞌñ aañ jiñ bui, baꞌ noꞌ pimɨt cham jax ji chɨꞌɨɨk jup xi ja aagiꞌñ nar sɨlhkam, dho guꞌ aañ puiꞌ dhop aagiꞌñdhaꞌ guñ Gɨꞌkoraꞌ nax dhaam jup tuꞌiiꞌ na pim maaxik sɨlhkam jiñ bui tɨ jɨɨgiꞌñ na baꞌ jam aꞌm tɨ nɨidhidhaꞌ.

LUUKAS 12:8

’Noꞌm ba jam tɨkka gu jaꞌtkam noꞌ pim jiñ kaichuꞌ, xi ja aagiꞌñdhaꞌ pim na pim jiñ kaichuꞌ, aañ baꞌp ja aagiꞌñdhaꞌ gu noonbiꞌñ guñ Gɨꞌkoraꞌ na pim sɨlhkam jiñ kaichuꞌ.

JUAN 6:56

Baꞌ gu jaroiꞌ noꞌt ba tu juu dhiñ chuukuꞌ gio noꞌt ba tu ii guñ ɨꞌɨɨr, maap bach kɇkɇɇkɇꞌ ich gook dɨt.

GU NOONBIꞌÑ GUCH XOIꞌKAM 8:37

Baꞌ gu Piliip jup kaiꞌch: ―Baabuiꞌ jia. Dho guꞌ jaꞌpji noꞌp tɨ jɨɨgiꞌñ ji bɨɨx jum jur kɨꞌn buiñor guch Xoiꞌkam. Baꞌp kaiꞌch guiꞌ: ―Tuꞌ sɨlhkam tɨ jɨɨgiꞌñ iñ dho na guch Xoiꞌkam jir Maraaꞌn gu Dios.

ROOMA KAM 10:9

Naꞌ guꞌ daipuꞌ noꞌ jaroiꞌ dɨɨlh chiñiiꞌñ kɨꞌn puiꞌ ba kaiꞌch na guch Xoiꞌkam jir Gɇꞌkam, gio na bɨɨx juraaꞌn kɨꞌn ba tɨ jɨɨgiꞌñ nat gu Dios pɨx duaꞌñdhak giop bamiiꞌ mu dɨr koiꞌñgaꞌn tɨr, cham tuꞌ mu jaꞌk ka jimdaꞌ na paiꞌ gammɨjɨ gɨt miꞌ pup jum tulhiiꞌñdhaꞌ.

PILIIPOS KAM 2:11

Bɨɨx bhaiꞌ ji machiaꞌ am na dai gu Jesuus jich Xoiꞌkam jix ioꞌm jir gɇꞌkam, puꞌñi dhuuk baꞌ gɇꞌkamtudaꞌ am gu Dios jich Gɨꞌkoraꞌ.

1 JUAN 2:23

Na guꞌ kaiꞌñkam nañ jax ba kaiꞌch, na gu jaroiꞌ noꞌ tuꞌ pɨx ɨlhdhat jaꞌp xi dhuukat gu Jesuus jich Xoiꞌkam, cham tuꞌ bhaan tɨ nɨidhidhaꞌ gu Dios, sia ku guꞌ kaiꞌñkam tɨi tɨ jɨɨgiꞌñ dai gu Dios buiñor. Jɨɨꞌ ji gu jaroiꞌ noꞌ tɨ jɨɨgiꞌñ bɨɨx juraaꞌn kɨꞌn buiñor gu Maraaꞌn jich Xoiꞌkam na baꞌ bhaan tɨ nɨidhidhaꞌ gu Dios jich Gɨꞌkoraꞌ, nam guꞌ kaiꞌñkam maap jum kɇkɇɇ gu Dios gio guch Xoiꞌkam.

1 JUAN 2:24

Baꞌ aañ jam guguuxiꞌñ na pim cham tuꞌ mɨk buppadaꞌ dhix bhaiꞌm kaiꞌchdham ñiꞌook na pimɨt janoꞌ dɨr pu maat na pimɨt paiꞌ dhuuk tɨ jɨɨꞌñ buiñor guch Xoiꞌkam. Jam jujur am japim xi baapsai na pim baꞌ gammɨjɨ tɨꞌñchokat miꞌ puiꞌ tu daaꞌñchuꞌndaꞌ na pim jax ba jiim, na baꞌ bhaan jix maatɨꞌ kaꞌ na jam aꞌm tɨ nɨidhidhaꞌ gu Dios jich Gɨꞌkoraꞌ gio gu Maraaꞌn jich Xoiꞌkam.

1 JUAN 3:23

Gux bhaiꞌm kaiꞌchdham ñioꞌkiꞌñ na tu daaxix, jir diꞌ pɨx guiꞌ na bhaan tu aꞌga gu Maraaꞌn jich Xoiꞌkam na puiꞌm kaiꞌch nach sap tɨ jɨɨꞌñdhaꞌ buiñor na baꞌ puꞌñi duuji uañchudhix kaꞌ guch uaꞌtulhdharaꞌ. Miꞌ dhɨr sap baꞌ dai nach ba xich jajoiꞌgɨꞌndaꞌ bɨɨx jɨꞌmaꞌn jaꞌp na jax guch Xoiꞌkam nat xich joiꞌgɨlh, dɨɨlh sia puiꞌp xich chɨɨdak na yaꞌ xi oilhimɨk.

1 JUAN 3:24

Dhiꞌ jɨꞌ baꞌ noꞌch bɨɨx miꞌ puiꞌ xi dhuiñchuꞌ puiꞌ bam kaiꞌchdhaꞌ nach miꞌ puiꞌ tu kuugalhdhim na jɨꞌk jax chu daaxix gu ñioꞌkiꞌñ gu Dios. Baꞌ guiꞌch aꞌm ba tɨ nɨidhidhaꞌ, gio aach yaꞌ dɨr mu jaꞌk buiñor jup tuiꞌñgɨdaꞌ ɨp, nach guꞌ maap bach kɇkɇɇkɇꞌ. Baꞌ pux bhaiꞌx mat kaꞌ ich noꞌch aꞌm tɨ nɨidhim gu Dios, na guꞌch mattuꞌnkaꞌ gux Dhuuduꞌ kam jix Uañ Iiꞌmdagaꞌn nat jich aꞌm tajaa.

1 JUAN 4:12

Na baꞌ noꞌch puꞌñi xich jajoiꞌgɨꞌn bɨɨx jɨꞌmaꞌn, gammɨjɨch aꞌm ba kiokaꞌ guch Gɨꞌkoraꞌ, gam nax ioꞌm ba xich joiꞌgɨꞌndaꞌ. Sia kuch guꞌ cham nɨiꞌñ gu maaxik bhaan na jax chuꞌm, ku guꞌ yaꞌp tuiꞌkaꞌ ji jich bui noꞌch puꞌñi jaꞌk xi dhuiñchuꞌ.

1 JUAN 4:2

Jix maatɨꞌ kaꞌ am jia guiꞌ nam sɨlhkam Dios jir tujuandam tugiꞌñ gio guiꞌ na cham. Guiꞌ nam sɨlhkam Dios bhaankamuꞌn tu aꞌga, puiꞌ jaꞌk kaiꞌchidhaꞌ am nat guch Xoiꞌkam maaꞌnkam jup jum duuk yaꞌ ai dhi oiꞌñgaꞌn bhaan.

1 JUAN 5:1

Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.

1 JUAN 5:5

Noꞌñ tɨ jɨɨgiꞌñ dho siamri bɨɨx jiñ jur kɨꞌn na gu Jesuus jich Xoiꞌkam Dios jir Maraaꞌn nat bha joot na baꞌ cham jax jiñ dhoodaꞌ gux buam jum duukam, na guꞌ bañ palhbuiꞌñchuꞌndaꞌ gu Dios nañ baꞌ cham ka xiñ uaꞌtulhdham kaꞌ.

2 JUAN 1:7

Moo pim xi chɨ nɨidhat jiñ jaaduñ, nam guꞌ xib jix ioꞌm muiꞌ naiꞌ oipichuꞌ gu jaꞌtkam na jɨꞌx oiꞌñgaꞌn nam puiꞌ tu iatgidhim nat sap guch Xoiꞌkam cham tuꞌ sɨlhkam maaꞌnkam jup jum duuk yaꞌ ɇɇk, nam guꞌ dhiꞌ cham tuꞌr jix kɨkɨɨꞌ jaꞌtkam. Dhiꞌ jim baꞌ bar diꞌ guiꞌ nam tuꞌ sɨlhkam jix bhaamkiꞌñ guch Xoiꞌkam, pu cham tɨ jɨɨgiꞌñ am guꞌ nat yaꞌ ɇɇk, guꞌ chi baꞌ pɨk nam jup ba tɨ jɨɨꞌñdhaꞌ buiñor.