1 JUAN 2:9 - Tepehuano Tepehuán del Sureste (Durango)

⁹ Baꞌ noꞌ guꞌ maadɨt jax kaiꞌch nax chu maax kɨr bap tuꞌiiꞌ na puiꞌ jim aagɨt na ba tɨ jɨɨgiꞌñ buiñor guch Xoiꞌkam, guꞌ ji noꞌ guꞌx bhaamkiꞌñ gu jumai na puiꞌp tɨ jɨɨgiꞌñ buiñor guch Xoiꞌkam, cham tuꞌx chu maax kɨr jup tuiꞌkaꞌ, puix chukgam kɨr kap tuiꞌkaꞌ.

1 JUAN 2:9 Iomraidhean Croise

JUAN 9:41

Baꞌ gu Jesuus jup ja tɨtda: ―Noꞌ pim aapiꞌm cham ñiññia kaꞌ gɨt, cham tuꞌ kuiñcha biaꞌkaꞌ pim gɨt ji kɨꞌn gu jam uaꞌtulhdharaꞌ. Guꞌ ji na pim guꞌp kaiꞌch na pim jix ñiññia, giilhim jix uꞌuaꞌtulhdhix japim.

GU NOONBIꞌÑ GUCH XOIꞌKAM 1:15

Baꞌ maaꞌnnim na mɨt muiꞌ maap mam jumaap guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, jɨꞌk xijum maaꞌn ooꞌm aixkam, bhaiꞌ ji chu ja aꞌgi gu Peegro nat jax kɨkbo miꞌ ja saagiꞌñ, jup ja tɨtda:

2 PEEGRO 1:9

Na guꞌ gu jaroiꞌ noꞌ cham puꞌñi jaꞌk duiñchuꞌ nañ jax jam tɨtda, dhiꞌ jaꞌp pɨx ba ji buusniaꞌ na jax gu jaroiꞌ noꞌ cham ñia, piam noꞌ cham mɨk ñia. Baꞌ dhiꞌ bhaan bax maatɨꞌ kaꞌ na jaꞌp xi dhuukat sia ku tɨix maat nat jix bhaiꞌ duu gu Dios nat tu uañ gu uaꞌtulhdhargaꞌn na gɇꞌx uaꞌtulhdhix kat, gio na cham aaꞌ na tuꞌ kaꞌm nɨiꞌñdhaꞌ.

1 JUAN 1:6

Baꞌ noꞌch aach jax kaiꞌch nach sɨlhkam tɨ jɨɨꞌñdhat miꞌ puiꞌ ba jiim na jax jix aaꞌ, guꞌ ji noꞌch guꞌx chu tukgam tɨr jup tuꞌiiꞌ puiꞌ xi kaiꞌchɨt, ba iatdaꞌ ich pɨx, cham tuꞌ paiꞌ sɨlhkam tɨ jɨɨgiꞌñdhaꞌ ich buiñor.

1 JUAN 2:11

Guꞌ ji noꞌ guꞌ daix bhaamkiꞌñ gu jumaich Xoiꞌkam jɨɨgiꞌñdham, dhiꞌ dho gi guꞌ puix chu tukgam kɨr jup tuiꞌkaꞌ ji, baꞌ pu cham mat kaꞌ na paiꞌ jaꞌk bhɨichgɨdaꞌ, puiꞌ pɨx ba ji buusniaꞌ na jax maaꞌn gu cham ñiakam.

1 JUAN 2:4

Guꞌ ji noꞌch guꞌ pu cham tuꞌ miꞌ puiꞌ jiim na jax jix aaꞌ, sia kuch guꞌ puiꞌ tɨi xi kaiꞌch nach bɨɨx jich jujur kɨꞌn ba tɨ jɨɨgiꞌñ buiñor, pɨx jap kaiꞌchdhaꞌ ich, cham tuꞌr puiꞌ kaꞌ.

1 JUAN 3:10

Pux bhaiꞌx maatɨꞌ kaꞌ jia nam jax jaꞌk tu jimdaꞌ guiꞌ nam sɨlhkam jir maamraꞌn kaꞌ gu Dios gio guiꞌ nam jup jir maamraꞌn gu jaꞌook. Puiꞌ na jax guiꞌ nam bɨɨx aixim tu buadaꞌ na jax cham jir am, na jax cham kɨɨꞌ kaꞌm nɨiꞌñ gu Dios, gio nam jix ja bhaamkiꞌñdhaꞌ gu jaiꞌch Xoiꞌkam jɨɨgiꞌñdham, dhiꞌ cham tuꞌ Dios jir maamraꞌn kaꞌ am, guiꞌ ji jaꞌook.

1 JUAN 4:20

Baꞌ noꞌ guꞌ jaroiꞌ maadɨt jax kaiꞌch: “Aañ dho gi tuꞌ kaꞌm nɨidhat miꞌ puiꞌ jim ji na jax jix aaꞌ gu Dios”, guꞌ ji noꞌ guꞌx bhaamkiꞌñ gu jumai na puiꞌp tɨ jɨɨgiꞌñ buiñor guch Xoiꞌkam, pɨx jap kaiꞌchdhaꞌ, cham tuꞌ sɨlhkam tuꞌ kaꞌm nɨiꞌñdhaꞌ gu Dios. Na guꞌ noꞌ puꞌñi cham tuꞌ kaꞌm nɨidhat jix joiꞌgɨꞌn gu jumaich Xoiꞌkam jɨɨgiꞌñdham na yaꞌ nɨiꞌñ maaxik, ¿jax dhui tuꞌ kaꞌm jup tɨgiaꞌ gu Dios na cham maax?