1 JUAN 2:7 - Tepehuano Tepehuán del Sureste (Durango)

⁷ Baꞌ dhiꞌ nañ jɨꞌk tuꞌ mu tu jam uaꞌñxiꞌñ jiñ jaaduñ, jir diꞌ pɨx gu ñioꞌkiꞌñ gu Dios na pim bɨjɨk dɨr pu ba kɇɇ na pu chuꞌm tum aꞌga, nat pu bɨjɨk dɨr puiꞌ jaꞌk tu dai gu Dios. Cham tuꞌ na pim jax jum aaꞌndaꞌ na dhiꞌ baꞌ bar xibkam nañ aañ muiꞌ ba tu jam uaꞌñxiꞌñ.

1 JUAN 2:7 Iomraidhean Croise

MATEO 5:43

’Gio baꞌ moo jaꞌpni jaꞌk jup jum tɨi ɨp na tu aagix kaꞌ na pim jax bax maat jiñ jaaduñ: “Dai guiꞌ nam cham jam bhaamkiꞌñdhaꞌ pim jix bhaiꞌ ja tɨtdadaꞌ, guiꞌ baꞌ nam xi jam bhaamkiꞌñ cham.”

JUAN 13:34

Dai nañ jaꞌpni jaꞌk xi chu daasai aapiꞌm jam bui na tu aagix kaꞌ xib dɨr, na pim joidham xim ja joiꞌndat jix bhaiꞌ kaiꞌchɨt tu oiꞌñkaꞌ bɨɨx jɨꞌmaꞌn, jaꞌp na jax aañ nañ xi jam joiꞌndat xi jam daꞌ bɨɨx jɨꞌmaꞌn aapiꞌm,

GU NOONBIꞌÑ GUCH XOIꞌKAM 17:19

Baꞌ puiꞌ xi kaiꞌchimɨk ba baidhim am gu Paablo mu jaꞌp na paiꞌr Areopago, mu jaꞌp nam paiꞌ gammɨjɨ miꞌm jumpaꞌndat tu aꞌgadaꞌ gu tuꞌ na jax jum buadaꞌ naiꞌ jaꞌp. Mu baꞌ ji aichdhak jup tɨtda am: ―Jich aagiꞌñdhaꞌ ap jich jaduuñ nar tuꞌp tuꞌm daꞌ dhiꞌ nap jax jaꞌk kiaꞌpɨx ya jaꞌp tu aꞌgim.

ISRAEL KAM 6:9

Ku baꞌ guꞌ aañ ɨlhiiꞌñ ji na pim aapiꞌm cham tuꞌ mu jaꞌk jup tuiꞌdhiꞌñ jaaduñ jich Xoiꞌkam bhaan na paiꞌ jaꞌk maiꞌx chɨ gɨɨxiꞌ. Sɨlh bhɨichuꞌ pim ji na pim paiꞌ gammɨjɨx jɨjɨkgɨm bap tuiꞌkaꞌ, cham jum aagat nañ puꞌñi chuꞌm tu jam aꞌgiꞌñdhaꞌ.

1 JUAN 2:24

Baꞌ aañ jam guguuxiꞌñ na pim cham tuꞌ mɨk buppadaꞌ dhix bhaiꞌm kaiꞌchdham ñiꞌook na pimɨt janoꞌ dɨr pu maat na pimɨt paiꞌ dhuuk tɨ jɨɨꞌñ buiñor guch Xoiꞌkam. Jam jujur am japim xi baapsai na pim baꞌ gammɨjɨ tɨꞌñchokat miꞌ puiꞌ tu daaꞌñchuꞌndaꞌ na pim jax ba jiim, na baꞌ bhaan jix maatɨꞌ kaꞌ na jam aꞌm tɨ nɨidhidhaꞌ gu Dios jich Gɨꞌkoraꞌ gio gu Maraaꞌn jich Xoiꞌkam.

1 JUAN 3:11

Jaꞌpni jaꞌk jup xi chɨꞌɨɨk guch Xoiꞌkam janoꞌ na yaꞌ xi oilhimɨk, sap nach xich jajoiꞌgɨꞌndaꞌ bɨɨx jɨꞌmaꞌn na pim jax ba tɇ kɇɇñ jaaduñ janoꞌ dɨr na pimɨt jax tɨ jɨɨꞌñ buiñor.

1 JUAN 3:2

Aach dho gi nach guꞌ bax maat nach tuꞌ sɨlhkam bar maamraꞌn gu Dios nañ jax ba jam tɨtdañ jaaduñ, sia kuch guꞌ chakui pɨk moo maat gu xib nach jax moo tuꞌm jup jich dhuñiaꞌ janoꞌ nach paiꞌ dhuuk buiñor bap tuiꞌkaꞌ guch Xoiꞌkam noꞌt bach baidhak yaꞌ dɨr dhi oiꞌñgaꞌn. Daipuꞌ nach jix maat nach saak puiꞌ tuutuꞌm jup jich dhuñiaꞌ na jax jir tuꞌm guiꞌ, nach guꞌ maap bap tuiꞌkaꞌ.

1 JUAN 3:21

Baꞌ aapiꞌm jiñ jaaduñ jich Xoiꞌkam bhaan, xim gaꞌngadaꞌ pim jam jujur am bhaan noꞌ pim moo miꞌ puiꞌp duiñchuꞌ na jax pɨk jaꞌk moox aaꞌ gu Dios, piam ku guꞌ cham. Baꞌ noꞌ pim guꞌ moo panaas miꞌ puiꞌ bhɨichuꞌ na jax jix aaꞌ na pim muiꞌ xim gaꞌnga, dho guꞌ dai dho baꞌ na pim joidham pɨx jix bhaiꞌm taat kaꞌ buiñor, na pim guꞌ bhaan bax mat kaꞌ na jam aꞌm tɨ nɨidhim guiꞌ.

1 JUAN 3:23

Gux bhaiꞌm kaiꞌchdham ñioꞌkiꞌñ na tu daaxix, jir diꞌ pɨx guiꞌ na bhaan tu aꞌga gu Maraaꞌn jich Xoiꞌkam na puiꞌm kaiꞌch nach sap tɨ jɨɨꞌñdhaꞌ buiñor na baꞌ puꞌñi duuji uañchudhix kaꞌ guch uaꞌtulhdharaꞌ. Miꞌ dhɨr sap baꞌ dai nach ba xich jajoiꞌgɨꞌndaꞌ bɨɨx jɨꞌmaꞌn jaꞌp na jax guch Xoiꞌkam nat xich joiꞌgɨlh, dɨɨlh sia puiꞌp xich chɨɨdak na yaꞌ xi oilhimɨk.

1 JUAN 4:1

Jiñ jaaduñ jich Xoiꞌkam bhaan, moo pim siamri xi chɨ nɨidhat na cham jaroiꞌ paiꞌ dhɨr jimdat maakam jam iatgidhaꞌ puiꞌ xi kaiꞌchidhat na Dios bhaankamuꞌn tu aꞌgadaꞌ. Bɨɨpɨꞌ pim xi mamtɨdaꞌ noꞌ moo sɨlhkam Dios jir tujuandam tugiꞌñ piam ku guꞌ cham, nam guꞌ xib muiꞌ naiꞌ oipichuꞌ guiꞌ nam maakam tu iatgiꞌñ puiꞌ xi kaiꞌchidhat nam sap pɨk baꞌ Dios bhaankamuꞌn tu aꞌgim. Baꞌ aapiꞌm cham tuꞌ maaꞌn jimdam ja kɇɇji mu jaꞌk jup ji ja kaayaꞌ, ka xi mamtɨdaꞌ pim.

1 JUAN 4:11

Dho jaiñ na jax pɨk jir jix bhaiꞌkam gu Dios, gɇꞌkam kɨꞌn xich joiꞌgɨlh nach maiꞌ ba suulhgix kat. Aach baꞌ miꞌ puiꞌp xi chu daaꞌñchuꞌndaꞌñ jaaduñ na jax guiꞌ, joidham jach xich jajoiꞌgɨꞌndaꞌ bɨɨx jɨꞌmaꞌn.

1 JUAN 4:21

Guꞌ dhiꞌm aaꞌ ji na puiꞌp xix jajoiꞌgɨꞌndaꞌ gu jaiꞌch Xoiꞌkam jɨɨgiꞌñdham noꞌ baabuiꞌ tuꞌ kaꞌm nɨidhat miꞌ puiꞌ ba jim na jax jix aaꞌ gu Dios, puiꞌ nat jax jaꞌk xi chu daasak guch Xoiꞌkam janoꞌ na yaꞌ xi oilhimɨk nap kaiꞌch bo: “Gu jaroiꞌ noꞌ tuꞌ kaꞌm nɨidhat miꞌ puiꞌ ba jim na jax jix aaꞌ gu Dios, jum aaꞌ na tuꞌ kaꞌm nɨidhat jix joiꞌgɨꞌndaꞌ ɨp gu jumai na puiꞌp tɨ jɨɨgiꞌñ aañ jiñ bui.”

1 JUAN 4:7

Jam guguuxiꞌñ iñ ɨp jiñ jaaduñ na pim siamri xim jajoiꞌgɨꞌndaꞌ bɨɨx jɨꞌmaꞌn na baꞌ bhaan jix maatɨꞌ kaꞌ na Dios jam aꞌm tɨ nɨidhim, na guꞌ guiꞌ joidham jix chu joiꞌgɨꞌn. Baꞌ gu jaroiꞌ noꞌ puꞌñi joidham jix ja joiꞌgɨꞌn gu jaiꞌ, dhiꞌ bhaan jix maatɨꞌ kaꞌ na bax maat na jax jir tuꞌm kam gu Dios, baꞌ puiꞌ bam kaiꞌchdhaꞌ na Dios bar Maraaꞌn.