1 JUAN 2:17 - Tepehuano Tepehuán del Sureste (Durango)

¹⁷ Ku guꞌ dhiꞌ alhio pɨx ji nam yaꞌ puiꞌ xi chu buimɨi dai yaꞌ dhi oiꞌñgaꞌn bhaan, iam guꞌ gammɨjɨ kɨꞌn yaꞌ pux bhaiꞌm taat kaꞌ am gɨt. Na guꞌ na paiꞌ dhuuk jum tɨɨmoꞌ dhi oiꞌñgaꞌn, bɨɨx pu cham paiꞌ matgilhiaꞌ gu tuꞌ na yaꞌx chu jaiꞌch. Guꞌ matgɨm gu jaroiꞌ noꞌt ba tɨ jɨɨꞌñ buiñor guch Xoiꞌkam, gammɨjɨ ji na pux jɨkgɨm bap tuiꞌkaꞌ, na guꞌ pu baidhikaꞌ bhammɨ jaꞌk jix dhaam na buiñor bap tuiꞌkaꞌ.

1 JUAN 2:17 Iomraidhean Croise

MATEO 21:31

Baꞌ miꞌ dhɨr jup ja tɨtda gu Jesuus: ―¿Jax chuꞌm gu gook jii mu nat paiꞌ joot gu taataꞌn nam tu juanpuꞌ? Baꞌ guiꞌp kaiꞌch am: ―Dho guiꞌ nat jax bɨɨpɨꞌ dɨr pu tɨɨꞌn dho. Baꞌp ja tɨtda ɨp gio gu Jesuus: ―Dho aapiꞌm puꞌñip ji buusan na jax guiꞌ nat pu cham jii mu nat paiꞌ joot gu taataꞌn. Guꞌ baꞌ dhiꞌ jaꞌp jir jum duukam nam bɨɨpɨꞌ jimiaꞌ jix dhaam jaꞌk buiñor gu Dios guiꞌ nam jir tuumiñ tutaandam tugiꞌñ gux ioꞌm gɇꞌkam Rooma kam, gio gu uꞌuub guiꞌ nam jir ganaiꞌ pɨx kaꞌ. Guꞌ baꞌ aapiꞌm cham, sia ku pim puiꞌ tɨi xi ɨlhiiꞌñ na pim aapiꞌm bɨɨpɨꞌ jimiaꞌ gɨt jix dhaam jaꞌk,

MATEO 24:35

Baꞌ cham jɨꞌxkat jugiaꞌ dhiñ ñiꞌook, dai dhi oiꞌñgaꞌn dho gi guꞌm tɨɨmoꞌ ji gio dhix dhaam.

MATEO 7:21

’Baꞌ cham tuꞌ bɨɨx aayaꞌ am buiñor gu Dios guiꞌ nam puiꞌñ chɨtdadaꞌ nañ aañ jir gɇꞌkam, guꞌ jaꞌpji dai ji guiꞌ nam jɨꞌk miꞌ puiꞌ jimiaꞌ na jax jix aaꞌ guñ Gɨꞌkoraꞌ guiꞌ nax dhaam jup tuꞌiiꞌ.

MAARKOS 3:35

Na guꞌ gu jaroiꞌ noꞌ miꞌ puiꞌ ba jimchuꞌ na jax jix aaꞌ gu Dios, dhiꞌ bar jiñ jaduuñ kaꞌ gio nar jiñ ñaan kaꞌ.

JUAN 4:14

Guꞌ gu suudaiꞌ nañ aañ jax chuꞌm tu maak, cham tuꞌ ka tanoom kaꞌ ji gu jaroiꞌ noꞌt ba ii, na guꞌ gammɨjɨ pu bhaan ba baꞌpundaꞌ, na guꞌ bhaan ba tɨ nɨidhidhaꞌ guñ Gɨꞌkoraꞌ na baꞌ cham tuꞌ ka tulhiiñchudaꞌ, dai na ba baidhikaꞌx dhaam jaꞌk.

JUAN 6:58

Aañiꞌ ji nañ baꞌr diꞌ gux kɨɨꞌ koiꞌ nañ bhammɨ dɨr jim jix dhaam, cham tuꞌ pu chuꞌm na gu manaa nam jax chuꞌm koiꞌmɨk gu bɨjɨk dɨr kam gu jam bopxikat na mɨt puiꞌ pɨx jup koi. Guꞌ matgam noꞌt jaroiꞌ ba tu juu gu koiꞌ nañ aañ jax chuꞌm tu maak, gammɨjɨ ba duakaꞌ ji gu iiꞌmdagaram bhaan.

JUAN 7:17

Noꞌ jaroiꞌx maachim na miꞌ puiꞌ jimiaꞌ na jax jix aaꞌ gu Dios na tuiꞌñgɨdaꞌ, ba mattudaꞌ na Dios jir ñioꞌkiꞌñ nañ jax tu aꞌga, cham tuꞌ aañ dɨɨlh pɨx nañ jax ɨlhiiꞌñ.

ROOMA KAM 12:2

Chaꞌpim puiꞌ jaꞌk ka tu duduakaꞌ nam jax jaꞌk tu dudua gu jaiꞌ jaꞌtkam nam cham tɨ jɨɨgiꞌñ buiñor guch Xoiꞌkam, ni ku pim cham puiꞌ jaꞌk kam aaꞌndaꞌ, guꞌ jaꞌpji na pim ba gaagidhaꞌ na pim jax jaꞌk jix bhaiꞌ biꞌiidhaꞌ gammɨjɨ buiñor gu Dios, na tuꞌr jix kɨɨꞌ buiñor guiꞌ gio na jax jir miꞌ puiꞌ.

1 KORIINTO KAM 7:31

Gio jaiꞌ dhɨt noꞌx bhaiꞌ tu jam jim yaꞌ dhi oiꞌñgaꞌn bhaan na pim dudua, jaꞌp japim tu jimdaꞌ na panaas pu cham bhaiꞌ tu jam jim, na guꞌ dhi oiꞌñgaꞌn nach yaꞌ nɨiꞌñ xib, gatuuk cham paiꞌ matgilhiaꞌ.

KOLOOSAS KAM 1:9

Baꞌ aach moo janoꞌ na chich jax puiꞌ tɨ kai, jam aꞌmkam jachich pu tu daanɨ buiñor gu Dios, janoꞌ dɨr jach cham jɨꞌx mɨk ka buppa nach jam aꞌmkam tu daan. Puiꞌ soiꞌ tɨtdatuꞌndaꞌ ich gu Dios na jam makiaꞌ gu matdaꞌ na pim baꞌx bhaiꞌ machiaꞌ na jax pɨk jaꞌk jix aaꞌ na pim miꞌ puiꞌ jimiaꞌ, sia gu iiꞌmdaꞌ bhaan na pim tu machiaꞌ na jax jaꞌk tu tuꞌiiꞌ.

KOLOOSAS KAM 4:12

Sia gu Epaapras mu jam ñioꞌkiꞌñ, dhiꞌ na puiꞌp jir tujuandam tugiꞌñ guch Xoiꞌkam. Dhiꞌ puiꞌp jix maat japim, na guꞌr mu kam jam bui. Gammɨjɨ soiꞌm ɨlhdhat tu daandaꞌ jam aꞌmkam aapiꞌm na baꞌ gu Dios jam aꞌm tɨ nɨidhidhaꞌ na pim miꞌ puiꞌ jiimdaꞌ na jax jix aaꞌ, na pim cham tuꞌ bhaan jum oꞌjolhdhat sia nar jax kaꞌ gɨt.

1 TESALOONIKA KAM 4:3

Dai puiꞌ pɨx jaꞌk jix aaꞌ guꞌ gu Dios na pim jix uꞌuañ jup tuiꞌkaꞌ guiꞌ buiñor gammɨjɨ. Chaꞌpim naiꞌ pɨx ja bɨɨm boppodaꞌ gu uꞌuub noꞌm cham jir jam bɨpnaꞌ,

1 TESALOONIKA KAM 5:18

Taxchaabgiꞌñdhaꞌ pim gu Dios sia bɨɨx aixim bhaan jax ña tu jam jimdaꞌ, na guꞌ puꞌñi jaꞌk jix aaꞌ gu Dios na pim taxchaabgiꞌñdhaꞌ aapiꞌm na pim ba tɨ jɨɨgiꞌñ buiñor guch Xoiꞌkam.

ISRAEL KAM 10:36

Chaꞌpim jax jum aaꞌndaꞌ sia ku pim bɨxchuꞌ bhaan jum tulhiiñ yaꞌ dhi oiꞌñgaꞌn. Xi ñakgat japim miꞌ puiꞌ xi chu kuugalhdhidhaꞌ na jɨꞌk jax jix aaꞌ gu Dios, na pim baꞌ puꞌñi duuji tu maiꞌchiaꞌ gu gɇꞌgɇr jup tum duuꞌnkam nat tu jam iimchuda na tu jam makiaꞌ bɨɨx jɨꞌmaꞌn noꞌt yaꞌ ba ai, na guꞌ dhiꞌ cham xiim bha jim.

SANTIAGO 4:14

Jaiñ guꞌ ni ku pim jix mat kaꞌ na tuꞌ jax jam duñiidhaꞌ gu miꞌ jotmodaꞌ, sia ku pim aapiꞌm joidham tɨi tɨ ɨlhiiꞌñ na pim tu duñiaꞌ. Pu cham mat kaꞌ pim noꞌ pim moo puiꞌp ka duduakaꞌ buimgidhak kaꞌ baꞌ guꞌ cham, guiꞌ dho ji nach guꞌ cham tuꞌ gammɨjɨ joodaip jich dhuukat yaꞌ paiꞌ darkaꞌ. Jax dhui nach guꞌ aach jaꞌpni pɨx ji buan na jax gu jikoom na mu jaꞌp sɇꞌkaꞌ kabuimuk jaꞌk. Alhio pɨx miꞌ puiꞌ tuiꞌkaꞌ, na paiꞌ dhuuk bhaiꞌ ji chu juukaꞌ pɨx cham paiꞌ matgilhiaꞌ.

1 PEEGRO 1:5

na pim guꞌ bɨɨx jam jujur kɨꞌn bax biiñak buiñor gu Dios, gɇꞌkam kɨꞌn jam aꞌm ba tɨ nɨidhim baꞌ gu xib. Baꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, dai na ba jam baidhikaꞌx dhaam na pim paiꞌ gammɨjɨx jɨjɨkgɨm bap tuiꞌkaꞌ, cham tuꞌ mu jaꞌk na paiꞌr tu tulhiiñaraꞌ.

1 PEEGRO 4:2

dai ji na pim gammɨjɨ pɨx bhaan ji baapmigidhaꞌ na pim miꞌ puiꞌ tu kuugalhdhidhaꞌ na jax pɨx jaꞌk jix aaꞌ gu Dios na pim tuiꞌñgɨdaꞌ. Cham tuꞌx buam jum duukam kap jix chu duñiik kaꞌ pim nar yaꞌ kam dhi oiꞌñgaꞌn, ni na pim dɨɨlh jax ɨlhiiꞌñdhaꞌ, na pim guꞌ kaiꞌñkam soiꞌ pɨx bam ɨlhiiꞌñdhaꞌ buiñor noꞌ pim xim tulhiiñ.