1 JUAN 1:8 - Tepehuano Tepehuán del Sureste (Durango)

⁸ Baꞌ cham jir am noꞌch aach jax kaiꞌch nach cham ka uꞌuaꞌtulhdhix, na guꞌ cham jɨꞌxdhaꞌ jaroiꞌx uañ kɨꞌn pu ba kɨɨkaꞌ yaꞌ dɨr jaꞌp jaꞌk, na guꞌ yaꞌx chu uaꞌtulhdhix. Puiꞌ kuñ baꞌp kaiꞌch na cham jir am noꞌ jaroiꞌ puiꞌm aaꞌ na cham ka uaꞌtulhdhix, na guꞌ cham tuꞌr miꞌ puiꞌ kaꞌ na jax jir sɨlhkam, dɨɨlh pɨx na puiꞌ ɨlhiiꞌñdhaꞌ.

1 JUAN 1:8 Iomraidhean Croise

JUAN 8:44

Na guꞌ aapiꞌm jaꞌook jir jam taat, jaꞌp moo gu tuꞌx matgam, puiꞌ ku pim baꞌ mu jaꞌk kaichgɨt puiꞌp tu buim na jax jam tɨɨdaim. Na guꞌ gu jaꞌook bɨjɨk dɨr pur tu muaꞌkam nat dɨr maaxir, cham paiꞌ dhuuk miꞌ puiꞌ jim na jax jir am, gam na giilhim jix iatbiꞌ tuꞌ na pɨx bhaan. Cham paiꞌ dhuuk sɨlhkam tu aꞌga, dhiꞌr maꞌooꞌn gu iatdaꞌ.

ROOMA KAM 3:10

Gio guꞌp jum kaiꞌch miꞌ na mɨt paiꞌ tu uaꞌnak gu bɨjɨk dɨr kam: Cham jaroiꞌ jaiꞌch na iam jix bhaiꞌm duukam jup tu duñiaꞌ, nim maaꞌn kux jaiꞌch.

ROOMA KAM 3:23

Na mɨt guꞌ bɨɨx jum uaꞌtulh gu jaꞌtkam, baꞌ dɨlhkob jaꞌk ji bii mɨt na paiꞌ cham ja aꞌm ka tɨ nɨidhim gu Dios.

1 KORIINTO KAM 3:18

Cham jir am na pim bɨɨx aixim kaiꞌchdhaꞌ, na pim guꞌ bhaan gai suulhgiaꞌ. Noꞌ jaroiꞌ puiꞌm aaꞌ na bɨɨx jix chu maat na jax jaꞌk tu tuꞌiiꞌ yaꞌ dhi oiꞌñgaꞌn, jum aaꞌ na gampaiꞌm ɨlhdhaꞌ jaꞌp na jax guiꞌ nam pu cham tuꞌ maat ni jɨꞌx, na baꞌ miꞌ dhɨr tuꞌ sɨlhkam jix chu matdagɨm ba buusniaꞌ.

GALAASIA KAM 6:3

Gu jaroiꞌ noꞌ tuꞌ kaꞌm jum ɨlhiiꞌñ sia ku tɨir cham tuꞌ, dɨɨlh tu daam jimiidhaꞌ.

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.

2 TIMOTEO 3:13

Baꞌ guiꞌ nam gammɨjɨ pux buam jum duukam jup tu buadaꞌ, gio guiꞌ nam sɨlhkam xi kaiꞌchdhaꞌ nam iatdaꞌ, jix ioꞌm cham bhaiꞌ tu ja jimiaꞌ gatuuk, sia ku guꞌ xib palhɨɨp pɨx cham bhaiꞌ tu ja jim. Gammɨjɨ pup ja iatgidhidhaꞌ am gu jaꞌtkam, gio dɨɨlh nam puiꞌp iatgidhix kaꞌ.

SANTIAGO 1:22

Ku guꞌ dhiꞌm aaꞌ ji na pim tuꞌ sɨlhkam miꞌ puiꞌ xi dhuiñchuꞌndaꞌ na jɨꞌk moo jax jum kaiꞌch gux bhaiꞌm kaiꞌchdham ñioꞌkiꞌñ gu Dios, cham tuꞌ daipuꞌ na pim jix mat kaꞌ pɨx. Na guꞌr ba puiꞌ pɨx ɨp sia pim tɨix maat noꞌ pim guꞌ cham pu bua na jax jum kaiꞌch, dɨɨlh japim uaꞌtulhdharaꞌ tɨr jum iabudaꞌ, na pim guꞌ cham am buatgɨdaꞌ.

SANTIAGO 1:26

Baꞌ gu jaroiꞌ noꞌ miꞌ puiꞌ tɨi xi jim na jax moo tu aagix gu ñioꞌkiꞌñ gu Dios na tɨ jɨɨgiꞌñ buiñor guch Xoiꞌkam, guꞌ ji noꞌ guꞌ buam pɨx tu ñiok na jax cham jir am na cham kɨɨꞌ kaꞌm nɨiꞌñ gu Dios, pur cham tuꞌ kaꞌ, sia ku guꞌ tɨi puiꞌm aaꞌ na miꞌ puiꞌ bhɨichuꞌ na jax tu aagix, jir jaꞌp pɨx kaꞌ baꞌ na puiꞌm tɨɨtɨꞌndaꞌ nar jich Xoiꞌkam jɨɨgiꞌñdham, na guꞌ giilhim tu ñiokdaꞌ.

SANTIAGO 3:2

Na guꞌ tuꞌ nañ pɨx bhaan bañ uaꞌtulhdhaꞌ sia tuꞌ palhɨɨp jup jum duukam mi jaꞌp noꞌñ cham bhaiꞌ maat, sia noꞌ ñich miꞌ paiꞌ maakam pɨx tɨi na cham puiꞌ tum ñiok, dhiꞌ kɨꞌn jañich dho pu bañ uaꞌtulh buiñor gu Dios. Na guꞌ dhiꞌ bɨɨpɨꞌm aaꞌ nañ jix bhaiꞌ tu ñiokdaꞌ nañ baꞌ ɨlhiiꞌñdhaꞌ nañ aꞌm tɨ nɨidhidhaꞌ gu Dios, nañ cham tuꞌ giilhim ka tu ñiokdaꞌ na jax cham jir am na cham kɨɨꞌ kaꞌm nɨiꞌñ. Dhiꞌ pɨx noꞌñ puꞌñi jaꞌk ba duiñchuꞌ, cham jɨꞌxdhat puiꞌ ka tu duñiaꞌ dhiñ chuukuꞌ na dɨɨlh jax ɨlhiiꞌñdhaꞌ nar jix buam jum duukam, na guꞌ jaꞌp ji buusniaꞌ nañ miꞌ bhɨichdhatgɨdaꞌ na paiꞌ jax jir am.

2 PEEGRO 2:13

Na mɨt guꞌ dhiꞌ giilhim gɇꞌ bam uaꞌtulh nam bɨɨx aixim bhaan ja tulhiiñchuꞌn gu jaꞌtkam. Puiꞌm dho ka xi chu bua xib nam dɨɨlh jax ɨlhiiꞌñ nam bhaan jix bhaiꞌm taatɨt gɇꞌgɇrkam jum taat kaꞌ. Jaꞌp chi moox buam gio nax xiꞌɨraam noꞌ pim aapiꞌm jaiꞌ mɨjɨmmɨp xi oipo paiꞌ nam tu piastatdaꞌ dhiꞌ dhi jaꞌtkam, nam guꞌ bɨɨx aixim jum buadaꞌ miꞌ puiꞌ ji chu buaꞌt.

1 JUAN 1:10

Sia cham jir am noꞌch jax kaiꞌch nach cham paiꞌ dhuuk tuꞌ bhaan jich uaꞌtulhiꞌñ, na guꞌ puiꞌ pɨx ba ji buusniaꞌ baꞌ gu Dios nar jix iatkum, na puiꞌ kaiꞌch nach bɨɨx pɨx jix uꞌuaꞌtulhdhix nach jɨꞌk jaꞌtkam, maaxik jup jir puiꞌ guꞌ nach bɨɨx pɨx jix uꞌuaꞌtulhdhix. Baꞌ noꞌch puiꞌ kaiꞌch nach cham paiꞌ dhuuk tuꞌ bhaan jich uaꞌtulhiꞌñ, dhiꞌ bhaan bax maatɨꞌ kaꞌ nach cham tuꞌ bɨɨx jich jujur kɨꞌn tɨ jɨɨgiꞌñ buiñor gu Dios.

1 JUAN 1:6

Baꞌ noꞌch aach jax kaiꞌch nach sɨlhkam tɨ jɨɨꞌñdhat miꞌ puiꞌ ba jiim na jax jix aaꞌ, guꞌ ji noꞌch guꞌx chu tukgam tɨr jup tuꞌiiꞌ puiꞌ xi kaiꞌchɨt, ba iatdaꞌ ich pɨx, cham tuꞌ paiꞌ sɨlhkam tɨ jɨɨgiꞌñdhaꞌ ich buiñor.

1 JUAN 2:4

Guꞌ ji noꞌch guꞌ pu cham tuꞌ miꞌ puiꞌ jiim na jax jix aaꞌ, sia kuch guꞌ puiꞌ tɨi xi kaiꞌch nach bɨɨx jich jujur kɨꞌn ba tɨ jɨɨgiꞌñ buiñor, pɨx jap kaiꞌchdhaꞌ ich, cham tuꞌr puiꞌ kaꞌ.

1 JUAN 4:20

Baꞌ noꞌ guꞌ jaroiꞌ maadɨt jax kaiꞌch: “Aañ dho gi tuꞌ kaꞌm nɨidhat miꞌ puiꞌ jim ji na jax jix aaꞌ gu Dios”, guꞌ ji noꞌ guꞌx bhaamkiꞌñ gu jumai na puiꞌp tɨ jɨɨgiꞌñ buiñor guch Xoiꞌkam, pɨx jap kaiꞌchdhaꞌ, cham tuꞌ sɨlhkam tuꞌ kaꞌm nɨiꞌñdhaꞌ gu Dios. Na guꞌ noꞌ puꞌñi cham tuꞌ kaꞌm nɨidhat jix joiꞌgɨꞌn gu jumaich Xoiꞌkam jɨɨgiꞌñdham na yaꞌ nɨiꞌñ maaxik, ¿jax dhui tuꞌ kaꞌm jup tɨgiaꞌ gu Dios na cham maax?

2 JUAN 1:2

Baꞌ aach yaꞌ dɨr jaꞌp jaꞌk cham jɨꞌxdhaꞌ mɨk ka buaꞌ dhiꞌ nach tuꞌ bax maat xib, nach guꞌ bɨɨx jich jujur kɨꞌn ba tɨ jɨɨgiꞌñ na dhiꞌr sɨlhkam, cham tuꞌ nar iatdaꞌ. Puiꞌ kuch baꞌ xib joidham jix bhaiꞌ bach chaat aapiꞌm jam bui na pim puiꞌ bɨɨx jam jujur kɨꞌn jup ba tɨ jɨɨgiꞌñ buiñor guch Xoiꞌkam. Jam guguuxiꞌñ iñ baꞌ na pim cham tuꞌ mɨk ka buppadaꞌ dhiꞌ na pimɨt tuꞌ ba maat.

3 JUAN 1:3

Joidham gɇꞌkam kɨꞌn jix bhaiꞌñ ɨlh jañich nam puiꞌ ba tuñ aꞌgiꞌñ jɨꞌkchi guñ jaaduñ jich Xoiꞌkam bhaan nam bhɨjɨ dɨr jiim, nap sap joidham jir maaꞌn nap jax miꞌ puiꞌ jim na jax pɨk jaꞌk moox aaꞌ guch Gɨꞌkoraꞌ