1 JUAN 1:2 - Tepehuano Tepehuán del Sureste (Durango)

² Baꞌ dhiꞌ jɨꞌ na jaroiꞌ tu maak gu iiꞌmdaꞌ, maaxik yaꞌ xi oilhimɨk maaꞌnkam jup jum duuk. Aach jix bhaiꞌ tɨɨgɨk jaiꞌ dhɨt, jix maatɨt jach baꞌ yaꞌ dɨr pu chuꞌm jup ba tu jam aꞌgiꞌñ jiñ jaaduñ na pim baꞌ moo muiꞌ xim guguuxdhaꞌ na pim jix ioꞌm muiꞌ xix biiñak kaꞌ buiñor na baꞌ jam makiaꞌ gu iiꞌmdaꞌ na pim kɨꞌn gammɨjɨ pu ba duduakaꞌ bhammɨ jaꞌk jix dhaam. Na guꞌ dhiꞌ nañ jaroiꞌ bhaan tu jam aꞌgiꞌñ jiñ jaaduñ, cham tuꞌr yaꞌ paiꞌ kam dhi oiꞌñgaꞌn, matgɨm guꞌ dhiꞌ bhammɨ dɨr ji nat bha jii jix dhaam na paiꞌp tuꞌiiꞌ gu Dios, nat paiꞌ jaꞌk giop bhɨi na jax yaꞌ xi oilhimɨk.

1 JUAN 1:2 Iomraidhean Croise

JUAN 1:18

Noꞌ chakui jich aagiꞌñdhaꞌ gɨt, pu chakui machiaꞌ ich gɨt. Guꞌ ji nat guꞌ siamri xich joiꞌndak bhaiꞌ xich guguuxdharak, sia ku jaꞌxbuiꞌp jir gɇꞌkam na guch Gɨꞌkoraꞌ, na guꞌ dɨɨlh gu Dios cham jɨꞌxkat yaꞌ paiꞌm maaxdhaꞌ maaxik nach gɨt iam jup ba machiaꞌ na jax jir tuꞌm kam.

JUAN 1:4

Gu jumai jir diꞌ pɨx guiꞌ na ja maak gu iiꞌmdaꞌ nam kɨꞌn dudua bɨɨx gu jaꞌtkam. Jir diꞌ pɨx ɨp nam kɨꞌn jix chu maax kɨr ji biꞌyaꞌ, na guꞌ guiꞌ na iiꞌmdaꞌ tu maak joidham gɇꞌ tanoor.

JUAN 10:28

Aañ baꞌ miꞌ dhɨr xi ja aaꞌñdhai xi ja guguuxdhaꞌ nam miꞌ puiꞌ ba jimiaꞌ na jax jaꞌk jix aaꞌ guñ Gɨꞌkoraꞌ na baꞌ ja aꞌm ba tɨ nɨidhidhaꞌ, na baꞌ cham ka ja tulhiiñchudaꞌ gatuuk. Baꞌ cham jɨꞌxdhaꞌ jaroiꞌ kañ ɨɨxdhaꞌ sia tɨi ɨlhiiꞌñdhaꞌ gɨt.

JUAN 14:6

Baꞌ gu Jesuus jup tɨtda: ―Aañiꞌ dhor diꞌ gux kɨɨꞌ boi na bhaan jum bhɨbhɨɨ jix dhaam jaꞌk na paiꞌ cham ka tu muukiꞌ. Jum aaꞌ na aañ jiñ bui tɨ jɨɨꞌñdhaꞌ gu jaroiꞌ na baꞌ jimiaꞌ jix dhaam jaꞌk buiñor guñ Gɨꞌkoraꞌ.

JUAN 15:27

Gio na pim guꞌ aapiꞌm dɨɨlh pu bax maat paꞌ nañ jax jir tuꞌm kam gam nañ jir tuꞌp tuꞌm daꞌ, na pim guꞌ bɨjɨk dɨr jiñ bɨɨm ba oipo na pimɨt jax jiñ kai. Xib baꞌ moo dai na pim naiꞌ xi jimiaꞌ na pim ja aaꞌñdhapuꞌ gu jaꞌtkam na pim jax jix chu maat nañ jɨꞌk jax tu jam aꞌgidhimɨk.

JUAN 16:28

Xib jañ dho gio am bhaiꞌ jaꞌk jup ba tɨ nɨiꞌñ buiñor na ñich paiꞌ dhɨr bha jii, nat guꞌ alhio pɨx bhañ joot yaꞌ dhi oiꞌñgaꞌn.

JUAN 17:3

ku guꞌ noꞌ mɨt bam maat jiñ Gɨꞌkoraꞌ nap dai aap jir gɇꞌkam na jɨꞌx oiꞌñgaꞌn, gio aañ noꞌ mɨt bañ maat nañ jir tuꞌp tuꞌm daꞌ na pich bhañ joot nañ mu ja baidhikaꞌ.

JUAN 17:5

Xib baꞌ dai nañ ba tɨ nɨɨr nap jiñ bamiiꞌñdhaꞌ mu dɨr koiꞌñgaꞌn tɨr noꞌ mɨt bañ yaas, nañ baꞌ gio muiꞌp ba jimiaꞌ bhammɨ aap jum bui nap giilhim jir gɇꞌkam, nach baꞌ gio maap bap tuiꞌkaꞌ, nam baꞌ miꞌ dhɨr ba machiaꞌ gu jaꞌtkam nañ aañ jaꞌxbuiꞌp jir gɇꞌkam na jax aap, sia pu bɨjɨk dɨr na chich baꞌ miꞌ dhɨr bap duu dhi oiꞌñgaꞌn.

JUAN 19:35

Tɨɨgɨk moop kaiꞌch guiꞌ na puiꞌ tu aꞌga bɨɨx dhiꞌ puiꞌ, cham tuꞌ na pɨx jap kaiꞌch, na guꞌ miꞌp tuꞌiiꞌ na tɨ nɨiꞌñ nat paiꞌ dhuuk puiꞌ tum duu, na pim baꞌ aapiꞌm puiꞌp tɨ jɨɨꞌñdhaꞌ nat sɨlhkam puiꞌ tum duu.

JUAN 21:14

Dhiꞌ kɨꞌn baꞌ bar baikim nat ja buim maax gu Jesuus guiꞌ nam kaichuꞌ janoꞌ dɨr nat muukɨk duadɨk giop bam.

JUAN 3:13

’Na guꞌ aañ jix dhaam dɨr jimdat jup kaiꞌch na paiꞌ cham jaroiꞌ tɨ nɨiꞌñ, dai aañ nañ jir bhammɨ kam nat baꞌ bhañ joot guñ Gɨꞌkoraꞌ.

JUAN 7:29

Dai aañ na ñich bhammɨ dɨr bha jii na paiꞌp tuꞌiiꞌ nat bhañ joot nañ baꞌx maat.

JUAN 8:38

Sia ku tɨi dai nañ jɨꞌk jax nɨiꞌñ gio na jax jiñ chɨɨdaim guñ Gɨꞌkoraꞌ nañ tu jam aꞌgiꞌñ, jaꞌp xi dhuukat japim pɨx ji guꞌ, na guꞌ aapiꞌm dai mu jaꞌk kaichuꞌ gu jam taat.

GU NOONBIꞌÑ GUCH XOIꞌKAM 1:22

janoꞌ dɨr nat gu Juan buiñor jum bakuanak miꞌ juugɨt nat paiꞌ dhuuk jii jix dhaam jaꞌk. Dho guꞌ dhiꞌ dho maadɨt jir am na puiꞌ bhaankam jup ba tu aꞌgadaꞌ gu Jesuus nat jax jaꞌk jum duu nat duadɨk giop bam miꞌ dhɨr koiꞌñgaꞌn tɨr, jaꞌp nach jax jaꞌk tu aꞌgadaꞌ aach.

GU NOONBIꞌÑ GUCH XOIꞌKAM 10:41

Ku baꞌ guꞌ cham tuꞌ ji nat moo bɨɨx ja buim maax gu jaꞌtkam, guꞌ dai aach ji nat jɨꞌk pu bɨjɨk dɨr pu puiꞌ jaꞌk jich aꞌm tɨ tɨɨ gu Dios nach puꞌñi tɨgiaꞌ na jax jum duñiaꞌ. Baꞌ aach bɨɨmaꞌn xi chu koiꞌmɨk gio nach xi chu iꞌmɨk gatuuk nat paiꞌ dhuuk duadɨk giop bam miꞌ dhɨr koiꞌñgaꞌn tɨr.

GU NOONBIꞌÑ GUCH XOIꞌKAM 2:32

Dho guꞌ puiꞌm duu dho gu Jesuus nat puꞌñi gio duaꞌñdhak jup bamiiꞌ gu Dios miꞌ dhɨr koiꞌñgaꞌn tɨr. Baꞌ aach bɨɨx nɨiꞌñ gu dhiꞌ puiꞌ nat jax jum duu.

GU NOONBIꞌÑ GUCH XOIꞌKAM 3:15

Guiꞌ pimɨt baꞌ xi chu chia nam muꞌaaꞌ na kach guguuxiꞌñdhat nach miꞌ jaꞌk bhɨichgɨdaꞌ jix kɨɨꞌ boi chaꞌm na paiꞌ jaꞌk jup tuꞌiiꞌ gu Dios. Ku guꞌ gu Dios giop duaꞌñ ji, baꞌ aach bɨɨx nɨiꞌñ dɨɨlh jich buupui kɨꞌn gu dhiꞌ puiꞌ nat jax jum duu.

GU NOONBIꞌÑ GUCH XOIꞌKAM 5:32

Baꞌ aach jix bhaiꞌx maat gu dhiꞌ puiꞌ, na guꞌch mattuꞌn gux Dhuuduꞌ kam jix Uañ Iiꞌmdaꞌ guiꞌ nat ja aꞌm tajaa gu Dios bɨɨx nam jɨꞌk tuꞌ kaꞌm nɨiꞌñ, gio dɨɨlh jachich jup tɨɨ nat jax jum duu gu Jesuus na yaꞌ xi oilhimɨk.

ROOMA KAM 8:3

Gu Dios puiꞌ jaꞌk ba tu duu guꞌ nat tuꞌ cham jɨꞌxdhaꞌ pu duu guiꞌ na jax tu aagix nat Moisees tu uaꞌnak, cham bhaaiꞌn kaꞌ guꞌ na jax dhuich pataasaꞌ guch chutkuꞌ bhaan nach jir yaꞌ kam dhi oiꞌñgaꞌn. Baꞌ gu Dios bhaiꞌ ma joot gu dɨɨlh Maraaꞌn pu chuꞌm jup xi dhuuk na jax chuꞌm gu yaꞌ kam maaꞌnkam dhi oiꞌñgaꞌn taꞌm nat baꞌ yaꞌ muu jich aꞌmkam nach jix uaꞌtulhdhix, puꞌñi dhuuk baꞌ cham tuꞌch dhaam kap tuꞌiiꞌ xib guch uaꞌtulhdharaꞌ.

GALAASIA KAM 4:4

Guꞌ ji na guꞌ yammɨ nat paiꞌ dhuuk jum ai nat paiꞌ pɨx juugɨt tu dai dɨɨlh gu Dios, bhaiꞌ ba joot gu Maraaꞌn nat baꞌ yaꞌ maaxir bhaan dɨr maaꞌn gu ubii, dhiꞌ na miꞌ puiꞌ tu daaꞌñchuꞌndaꞌ na jɨꞌk jax tu aagix ja bui bɨɨx gu Israel kam jaꞌtkam. Baꞌ dɨɨlh miꞌ puiꞌp tu duu na jɨꞌk jax tu aagix dhi Maraaꞌn gu Dios,

1 TIMOTEO 3:16

Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.

2 TIMOTEO 1:10

Xib jix bhaiꞌ kach mattuda na tuꞌ sɨlhkam xich joiꞌgɨꞌn, bhaan maat jachich nat bhach joochxi guch Xoiꞌkam nat baꞌch boosolh nach mu jaꞌk ba jiimɨt nach paiꞌ gammɨjɨ gɨt miꞌ pup jich chulhiiñdhaꞌ. Maꞌiich guch Xoiꞌkam gu muukiꞌ na yaꞌ tu daam kɨɨkat dhi oiꞌñgaꞌn bhaan. Baꞌ jaꞌp ji buus nat jix chu maax jup tum duu nach baꞌx bhaiꞌ tɨ nɨidhat miꞌ puiꞌ jiimdaꞌ na jax jix aaꞌ gu Dios, gammɨjɨch baꞌ buiñor bap tuiꞌñgɨdaꞌ.

TIITO 1:2

Jum aaꞌ na puꞌñi jaꞌk tu jimiaꞌ gu jaroiꞌ na baꞌx bhaaiꞌn kaꞌ na buiñor jimiaꞌ gu Dios na baꞌ gammɨjɨ buiñor bap tuiꞌkaꞌ. Gu Dios dɨɨlh pu puiꞌ tɨi bɨɨpɨꞌ dɨr nat baꞌ moo bap duu dhi oiꞌñgaꞌn na puꞌñi ja baidhikaꞌ gu jaꞌtkam guiꞌ nam jɨꞌk soiꞌm ɨlhdhai buiñor jum biiñkadai tɨ jɨɨꞌñdhaꞌ. Baꞌ dhiꞌ puiꞌ ji chu buusniaꞌ, na guꞌ gu Dios cham jɨꞌxkat iataꞌ.

1 PEEGRO 5:1

Baꞌ aapiꞌm jiñ jaaduñ na pim jix ioꞌm bɨjɨk dɨr ba tɨ jɨɨgiꞌñ na pim bax maat gu ñioꞌkiꞌñ gu Dios, palhɨɨp jañ jup xi chu jam aꞌgidham na pim jax jaꞌk tuiꞌñgɨdaꞌ nañ kapbhaiꞌ bax maat paꞌ na jax jaꞌk jix bhaiꞌ. Nañ guꞌ aañ puiꞌ pɨx am jup bax maat gu ñioꞌkiꞌñ gu Dios na jax aapiꞌm, nañ guꞌ puiꞌ bɨjɨk dɨr jup ba tɨ jɨɨgiꞌñ, gio na ñich guꞌx bhaiꞌ tɨɨgɨk jiñ buupui kɨꞌn guch Xoiꞌkam nat jax jum duu janoꞌ nat jum tulhiiñak jich aꞌmkam bhaan gu kuruus. Baꞌ puiꞌx bhaiꞌp jiñ ɨlhdhaꞌ iñ janoꞌ na paiꞌ dhuuk gio bhaiꞌp jimdaꞌx ioꞌm gɇꞌkam kɨꞌn na pim jax jix bhaiꞌm ɨlhdhaꞌ aapiꞌm, na guꞌ maap bach baidhikaꞌ.

1 JUAN 1:1

Mɨjɨ jaꞌp tu jam uaꞌñxiꞌñ iñ jiñ jaaduñ na pim paiꞌ jax tu daraa nañ bhaan tu jam aꞌgiꞌñ na jax jir tuꞌm kam guch Xoiꞌkam guiꞌ na bɨjɨk dɨr pux jaiꞌch. Aach jaiꞌ dhɨt jix bhaiꞌ maatɨk na jax jir tuꞌm kam, na chich guꞌ maaxik tɨɨgɨk jich buupui kɨꞌn, ñioꞌkdhak jachich, kɇɇjimɨk ich ɨp na jax tu aꞌgimɨk. Dhiꞌ pɨx jir diꞌ guiꞌ na bɨjɨk dɨr bhaan ba tum aꞌga, jir diꞌ pɨx ɨp guiꞌ na tu maak gu iiꞌmdaꞌ.

1 JUAN 2:25

Na baꞌ noꞌch puꞌñi miꞌ puiꞌ xi dhuiñchuꞌ na jɨꞌk jax jix aaꞌ guch Xoiꞌkam, dai na bach baidhikaꞌ bhammɨ jaꞌk jix dhaam nat paiꞌ tuch iimchuda na saak jich aichdhaꞌ. Dɨɨlh puiꞌ xich chɨɨdak guꞌ guch Xoiꞌkam janoꞌ na yaꞌ xi oilhimɨk.

1 JUAN 3:5

Pu kaiꞌñkam dho bha jii guch Xoiꞌkam yaꞌ dhi oiꞌñgaꞌn na baꞌ tɨ bhɨikaꞌ gu uaꞌtulhdharaꞌ yaꞌ dɨr dhi oiꞌñgaꞌn. Nat guꞌ guiꞌ cham paiꞌ dhuuk jum uaꞌtulhdhak, puiꞌ kut baꞌch aꞌmkam jum makgɨrtak tɨ bhɨɨk.

1 JUAN 3:8

Guꞌ noꞌ pim guꞌ dai bɨɨx aixim tu bua na tuꞌr uaꞌtulhdharaꞌ, dhiꞌ bhaan jup bax maatɨꞌ kaꞌ na pim dai mu jaꞌk kaichgɨt gu jaꞌook miꞌ puiꞌ tu kuugalhdhim na jɨꞌk jax jam tɨɨdaim. Na guꞌ gu jaꞌook gammɨjɨ dhiꞌ bhaan tu juan, bɨjɨk dɨr pum uaꞌtulhiꞌñ nat dɨr jup duu gu Dios. Pu kaiꞌñkam baꞌ pɨx bha joot gu Dios gu Maraaꞌn jich Xoiꞌkam na baꞌ yaꞌch palhbuidhaꞌ na puꞌñi tuch uañdhaꞌ guch uaꞌtulhdharaꞌ, na baꞌ miꞌ dhɨr cham jɨꞌxdhaꞌ jax kach dhoodaꞌ gu jaꞌook na jax tɨi ka ɨlhdhat.

1 JUAN 4:14

Bax maat ich ɨp nat guch Gɨꞌkoraꞌ bha joot gu dai maaꞌn Maraaꞌn yaꞌ dhi oiꞌñgaꞌn na baꞌ yaꞌch palhbuidhaꞌ bɨɨx nach jɨꞌk jaꞌtkam nach baꞌ cham kach chulhiiñaꞌ gatuuk. Dhiꞌ bɨɨx puꞌñi jaꞌk jich mattuꞌn gux Dhuuduꞌ kam jix Uañ Iiꞌmdaꞌ.

1 JUAN 4:2

Jix maatɨꞌ kaꞌ am jia guiꞌ nam sɨlhkam Dios jir tujuandam tugiꞌñ gio guiꞌ na cham. Guiꞌ nam sɨlhkam Dios bhaankamuꞌn tu aꞌga, puiꞌ jaꞌk kaiꞌchidhaꞌ am nat guch Xoiꞌkam maaꞌnkam jup jum duuk yaꞌ ai dhi oiꞌñgaꞌn bhaan.

1 JUAN 5:11

Guꞌ gu Dios puiꞌ tɨi ba tɨi ji na sap jich baidhikaꞌx dhaam nach paiꞌ gammɨjɨx jɨjɨkgɨm bap tuiꞌkaꞌ, ku guꞌ sap noꞌch tɨ jɨɨꞌñdhaꞌ ji buiñor gu Maraaꞌn jich Xoiꞌkam. Noꞌch guꞌ sap cham tɨ jɨɨꞌñdhaꞌ, cham tuꞌ dhoch baidhikaꞌ.

1 JUAN 5:13

Baꞌ aapiꞌm jix bhaiꞌ pɨx jum taat kaꞌñ jaaduñ, na pim guꞌ aapiꞌm jimiaꞌx dhaam na pim paiꞌ gammɨjɨx jɨjɨkgɨm bap tuiꞌkaꞌ, na pim guꞌ aapiꞌm bɨɨx jam jujur kɨꞌn ba tɨ jɨɨgiꞌñ buiñor guch Xoiꞌkam nar Maraaꞌn gu Dios.

1 JUAN 5:20

Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.