1 JUAN 1:1 - Tepehuano Tepehuán del Sureste (Durango)

¹ Mɨjɨ jaꞌp tu jam uaꞌñxiꞌñ iñ jiñ jaaduñ na pim paiꞌ jax tu daraa nañ bhaan tu jam aꞌgiꞌñ na jax jir tuꞌm kam guch Xoiꞌkam guiꞌ na bɨjɨk dɨr pux jaiꞌch. Aach jaiꞌ dhɨt jix bhaiꞌ maatɨk na jax jir tuꞌm kam, na chich guꞌ maaxik tɨɨgɨk jich buupui kɨꞌn, ñioꞌkdhak jachich, kɇɇjimɨk ich ɨp na jax tu aꞌgimɨk. Dhiꞌ pɨx jir diꞌ guiꞌ na bɨjɨk dɨr bhaan ba tum aꞌga, jir diꞌ pɨx ɨp guiꞌ na tu maak gu iiꞌmdaꞌ.

1 JUAN 1:1 Iomraidhean Croise

LUUKAS 1:2

Puiꞌ jaꞌk tu daasaim am nam jax ja aagiꞌñ guiꞌ na mɨt maaxik ja buupui kɨꞌn tɨ tɨɨ nammɨ dɨr nat jax bhaiꞌ ji oilhimɨ guch Xoiꞌkam, nat guꞌ dhiꞌ baꞌ ja aꞌm bii nam naiꞌ puiꞌ tu ja aꞌgidhaꞌ gu jaꞌtkam, puiꞌ kuch baꞌ aach puiꞌp bax chu maat jaiꞌ dhɨt.

LUUKAS 24:39

Jax dhui nañ aañ pɨx jir diꞌ maaꞌn na jax. Kani gor jix bhaiꞌ xiñ chɨɨꞌ. Yaꞌ puiꞌx maatɨꞌñ ñoonob am gioñ chooton am nañ paiꞌ sissapich. Xiñ dhaꞌngɨdaꞌ pim ɨp, kani nam daꞌngɨ dhiñ chuukuꞌ. Matgɨm pu cham ji nañ jiñ dhaꞌngɨdaꞌ noꞌñ jir iiꞌmdaꞌ pɨx kaꞌ gɨt, pu cham tatdaꞌkaꞌñ gɨt.

JUAN 19:35

Tɨɨgɨk moop kaiꞌch guiꞌ na puiꞌ tu aꞌga bɨɨx dhiꞌ puiꞌ, cham tuꞌ na pɨx jap kaiꞌch, na guꞌ miꞌp tuꞌiiꞌ na tɨ nɨiꞌñ nat paiꞌ dhuuk puiꞌ tum duu, na pim baꞌ aapiꞌm puiꞌp tɨ jɨɨꞌñdhaꞌ nat sɨlhkam puiꞌ tum duu.

JUAN 20:27

Miꞌ dhɨr baꞌp tɨtda dai gu Tomaas: ―Aañ pɨx jir diꞌ na ñich giop duañ jaduuñ. Kanip xi chɨɨꞌ na dɨɨdɨꞌ guñ ñoonob miꞌ nañ paiꞌ sissapich. Miꞌp xi bapsadaꞌ gum deeꞌn nap baꞌ cham jax tɨꞌyaꞌ nar iatdaꞌ, gio yammɨni jaꞌk jap jup xi bapsadaꞌñ janoꞌm am na mɨt paiꞌñ xɨi. ¿Kaꞌ moo jaꞌp jix xijai aa nap bɨɨx jum jur kɨꞌn tɨ jɨɨꞌñdhaꞌ nañ aañ pɨx jir diꞌ na ñich giop dua?

JUAN 5:26

na guꞌ guñ Gɨꞌkoraꞌ ja tajaañiꞌñ gu iiꞌmdaꞌ na jax chuꞌm ɨlhiiꞌñdhaꞌ nam baꞌ kɨꞌn duduakaꞌ. Aañ baꞌ bhaankamuꞌn jix chu maax kɨr jaꞌk ja boosoꞌ nam baꞌ gammɨjɨ miꞌ bap tuiꞌñgɨdaꞌ na paiꞌ cham ka tu muukiꞌ.

JUAN 8:58

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌ, bɨɨpɨꞌ dɨr pux jaiꞌch iñ aañ nat baꞌ gu Abraam yaꞌ maaxirɨk gio cham jup ka jaiꞌch.

GU NOONBIꞌÑ GUCH XOIꞌKAM 1:3

Gio baꞌ nat ja buim maax bɨɨx jɨꞌmaꞌn janoꞌ nat paiꞌ dhuuk muukɨk giop ba bam miꞌ dhɨr koiꞌñgaꞌn tɨr, gio baꞌ na xi ja aꞌgiꞌñ ɨp na sap giop bax kɨɨꞌ, cham tuꞌ ka muukix. Baꞌ maaꞌn masaaꞌn daman mambhɨɨx tanoolh ja bui xi oilhimɨk gio na xi chu ja aꞌgidhimɨk na jax jaꞌk ja aꞌm tɨ nɨidhidhaꞌ gu Dios.

GU NOONBIꞌÑ GUCH XOIꞌKAM 4:20

Dho guꞌ aach cham ji nach jich guꞌnguxiꞌñ nach moo cham jup ka ji chu aꞌgaꞌ gu puiꞌ nach jax jaꞌk nɨidhimɨk gu Jesuus nax bhaiꞌ xi chu buimɨk gio na jax jaꞌk xi chu aꞌgimɨk.

ISRAEL KAM 2:3

Guꞌ gi baꞌ dhix bhaiꞌm kaiꞌchdham ñiꞌook na xib ya jaꞌp tum aꞌgichuꞌ, nat dɨɨlh bha jimɨɨk guch Gɨꞌkoraꞌ maaꞌnkam jup jum duuk yaꞌ xi chu daasak na jax jaꞌk tu aagix kaꞌ jich bui, ¿cham aa guꞌx ioꞌm jum aaꞌ nach bɨɨx jich jujur kɨꞌn tɨ jɨɨꞌñdhai buiñor miꞌ puiꞌ ba jimiaꞌ? Na guꞌ noꞌch aach jaꞌp xi dhuukat cham tɨ jɨɨgiꞌñ nat tuch uañ nach jix uꞌuaꞌtulhdhix kat, am tɨꞌñchokaꞌ ich nax ioꞌm jich chulhiiñchudaꞌ, na guꞌ dhiꞌ cham tuꞌr jaaxmadaꞌ, ni ku cham tuꞌr iatdaꞌ. Guꞌ dhiꞌ matgam maaxik kɇɇjimɨk am ji guiꞌ nam maap oipimɨk janoꞌ guch Gɨꞌkoraꞌ, jix maatɨt jam baꞌ miꞌ dhɨr bha jaꞌk puiꞌp ba tuch aꞌgiꞌñ.

1 JUAN 4:14

Bax maat ich ɨp nat guch Gɨꞌkoraꞌ bha joot gu dai maaꞌn Maraaꞌn yaꞌ dhi oiꞌñgaꞌn na baꞌ yaꞌch palhbuidhaꞌ bɨɨx nach jɨꞌk jaꞌtkam nach baꞌ cham kach chulhiiñaꞌ gatuuk. Dhiꞌ bɨɨx puꞌñi jaꞌk jich mattuꞌn gux Dhuuduꞌ kam jix Uañ Iiꞌmdaꞌ.

1 JUAN 5:7

Baꞌ puiꞌ ji buusan nam baik puiꞌx chu maat nat sɨlhkam yaꞌ ɇɇk guch Xoiꞌkam, puiꞌ na jax gux Dhuuduꞌ kam jix Uañ Iiꞌmdaꞌ, gio baꞌ gu suudaiꞌ, gio baꞌ gu ɨꞌraꞌn ɨp. Baꞌ dhiꞌ dhi bɨɨx baik xi chuut am nam puiꞌ kaiꞌch nat sɨlhkam yaꞌ ɇɇk ji guch Xoiꞌkam, baꞌm aaꞌ nach tɨ jɨɨgiꞌñdhaꞌ noꞌm puiꞌ ba tuch aꞌgiꞌñ.

NAT JAX TƗ TƗƗ GU JUAN 1:11

jup tum kaiꞌch: ―Tu uaꞌnaꞌ ap uꞌuan taꞌm bɨɨx nap jɨꞌk jax tɨ tɨgiaꞌ nañ tɨm tɨɨꞌñchodaꞌ, mu ja joochxidhaꞌp baꞌ guiꞌ nam jiñ bui tɨ jɨɨgiꞌñ mu jaꞌp xijum gok kap nam paiꞌ jax jum jumpadaꞌ nam tu daan jiñ bui na Aasia dɨbɨɨr bhaan bipioꞌ, puiꞌ na jax mu na paiꞌ Eepeso tɨ tɨɨꞌ, gio baꞌ jumai mu jaꞌk jap jup tu jootsaꞌ na paiꞌ Esmirna tɨ tɨɨꞌ, gio baꞌ moo jumai mu jaꞌk ɨp na paiꞌ Peergamo jup tɨ tɨɨꞌ, gio baꞌ moo mu jaꞌk ɨp na paiꞌ Tiatira tɨ tɨɨꞌ, gio puiꞌ na jax mu jaꞌk na paiꞌ Sardiis jup tɨ tɨɨꞌ, gio baꞌ moo mu jaꞌk Piladelpia ɨp, gio baꞌ mu jaꞌk Laodiisia.

NAT JAX TƗ TƗƗ GU JUAN 1:8

Guiꞌ nax ioꞌm jir gɇꞌkam, na bɨjɨk dɨr pur Dios, gio na yaꞌ dɨr jaꞌp jaꞌk gammɨjɨ bar pu chuꞌm kaꞌ, gam na saak gio bhaiꞌp jimdaꞌ, jaꞌpni kaiꞌch: “Aañiꞌ nañ bɨjɨk dɨr pux jaiꞌch, jup tu duu ñich bɨɨx na jɨꞌk tuꞌx chu jaiꞌch. Aañ baꞌ giop tu kuugalhdhaꞌ, dai baꞌ aañ gammɨjɨ pu jaiꞌch kaꞌ.”

NAT JAX TƗ TƗƗ GU JUAN 19:13

Baꞌ gu jannulh na tɨiꞌchuꞌ, ɨꞌɨɨr kɨꞌn mamxidhix, jix chukuum jix bɨꞌ. Gio baꞌ moo jaꞌpni jaꞌk jup tɨɨꞌ dhiꞌ jɨꞌ nax chua kabai chaꞌm jim: Gu ñioꞌkiꞌñ gu Dios.

NAT JAX TƗ TƗƗ GU JUAN 2:8

’Mu jaꞌk jap jup tu uaꞌñxidhaꞌ gu jumaiñ chujuandam tuk na mu jaꞌk jup tu juan jiñ aꞌmkam na paiꞌ Esmirna tɨ tɨɨꞌ ja bui guiꞌ nam bañ kaichuꞌ. Jaꞌp jap tɨɨdaꞌ: “Guiꞌ na bɨjɨk dɨr pux jaiꞌch, gio na gammɨjɨ pu bax jaiꞌch kaꞌ yaꞌ dɨr jaꞌp jaꞌk, nat maaꞌnnim duadɨk giop bam mu dɨr koiꞌñgaꞌn tɨr na mɨt tɨi mua, nap sap baꞌ miꞌ dhɨr ja aagiꞌñdhaꞌ guiꞌ nam ba tɨ jɨɨgiꞌñ buiñor, jaꞌpni kaiꞌch: