Piyeküsü 7:2 - Sümi Tiqhelimi Bible

² Tipathiu kipelau no kungumi kütau ipeghi keu I no ithulu, pa ye xü akeu Lhou’w chishida kepu pesü ae. Pa no asütsa kuloghi lono ayeghi ngò azüghi shipüsa peniye aküka tsüpüa keu kungumi pano bidí vilo ishi pi:

BAIBEL (BSI)

² Tileno kungumi lakhino akuxu akeu Lhou wu amchi chishida kepu pesu tsukinhe kipelauno ipeghi. Kungumi tipauno kungumi mibidi, ti ayeghi ngo azughi ghime peniye akuka tsu puakeqo vilo asutsa kuloghi lono ishipi,

Sumi Naga CL (Re-edited) Bible (BSI)

² Tileno kungumi kütami lakhi no aküxüpu Lhouw michida pesü khetsünhe kipelau no ipe cheghi keu I no ithulu, eno kungumi bidi khunoqo pelo ayeghi eno azüghi ghime penike aküka tsüpüa keno, panoqo vilo pa no asütsa kuloghi lono

Piyeküsü 7:2 Iomraidhean Croise

MATTHEW 16:16

Simon Peter no khochile, “No ye xü akeu Lhou Nu Messiah ke.”

MATTHEW 26:63

Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

2 Kor. 1:22

eno paw ke ipikeu michipu ningu shou amichi shivae, eno ighi niye akeu hu ye ithulu nani pütsá ipikeu michi shi pa Ghungu pesü ningu mlo lo sǘvetsüae.

Ephesiami 1:13

Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

IBRIMI 12:22

Ikemu nongu ye Zion naghuto, xü akeu Alhou’w mishighüna, kungugha Jerusalem lo ighivea ke. Nongu ye kungumi qhethonhe shou qhethonhe no alokiqipu shi kumqo pe akeu lo ighivae,

Piyeküsü 1:3

Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

Piyeküsü 10:1

Tipathiu kungumi akumto lakhi kungugha lono iqi chekeu I no ithulu. Pa ye khüngküsü no küzüpe ae eno milisü no pa kütsü sholo ae; pa gi ye khetsünhe toi, eno pa pukhu ye ami tsükuchoqo toi ke.

Piyeküsü 10:4

Eno kughou tsütsü-küsü tsünì hu no atsa pi keno I no yè niye shia; ikemu kungugha lono asütsa lakhi ishi pikeu I no chilu, “Tsütsü-küsü tsünì no kiu pi keno tipau mekhavelo eno tipau yèpeqhi kevilo.”

Piyeküsü 16:12

Kungumi akütsüghou no pa bohu pesü Euphrates ghoki kijè shou lepuku, tile no kükami kipelau no chekeqo pelo pülalu peniye aghoki hu ye qhayive pe.

Piyeküsü 5:2

Eno akughushu kungumi lakhi no ighamuku ghi ishi asheshu akeu I no ithulu, “Khuu no mekhapüa keu liküküzü kaku hepho no khaqhi küzü kea?”

Piyeküsü 8:3

Kungumi kütau khuu ameshoyi no mülà keu kümlá kipiti bohu lakhi pesü akeno, pa no ighino akümlá-khache phivilo puthughove. Aküka lakhü zülo ameshoyi no mülà keu akümlá-khache-a lo Alhou’w timiqo kümtsü kighini gholo no mülá penike ghenguno müsüghüta kutomo pesü pa tsüke.

Piyeküsü 9:14

Tipau no afuko pesü akeu kungumi akütsüghou vilo ishi pi, “Euphrates ghoki kuloghi lo kungumi bidí tsüghapüa keu kuqhopheve lo.”

Piyeküsü 9:4

Tülhaquqo vilo ayeghi lo atsüni momu asütsüni momu asübo lakhimu shipüsa kevilo pi, ikemu timi khunoqo no panongu kishe lo Alhou’w amichi chishida keu küha keno tipaqo likhi ghimeqhi lo ipi.