Piyeküsü 6:1 - Sümi Tiqhelimi Bible

¹ Ambeti no mekhapüa keu tsünì dolo atüghiu khaqhi keu I no jua. Ikelo aküxü akeu lhoxü bidí dolo lakhi no tsütsü-küsü sütsa toi ishi pi, “Ighilo!”

BAIBEL (BSI)

¹ Tileno Bheritino likuzu kaku mekhapuakeu tsuni gholo atughiu suphono lhaphe keu ino ithulu, ikelo akuxu akeu lhoxu bidi gholo lakhino tsutsukusu ghugha kimihi lono ishipi, “Ighilo!”

Sumi Naga CL (Re-edited) Bible (BSI)

¹ Tithiu Ambeti no liküküzü kaku tsüni dolo lakhi xükho keu I no ju akelo aküxüküa lhoxü bidi dolo lakhi no asütsa vekipighi tsütsüküsü toi “Ighilo!” ipikeu I no chilu.

Piyeküsü 6:1 Iomraidhean Croise

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

Apostolmi 4:20

Ningu ghengu ye ningu no kiu ithulu eno chilu keno tipau ghili pimo keu shimlae.”

Piyeküsü 11:19

Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 14:2

Eno kungugha lono azü qowu akeu eno tsütsü-küsü shikeu ghügha toi keu sütsa lakhi I no chilue. I no aghügha chilu keu ye aheo küighamiqo no aheo küigha akeu ghügha toi ke.

Piyeküsü 19:6

Tipathiu timi aqokitikhi kijè no azü qowu akeu ghügha eno tsütsü-küsü kuloghi toi keu ghügha lono ishi ighamuku keu I no chilu: “Hallelujah! Kughengu ningu Mpeu Alhou Akughushuu no ayè pe anie.

Piyeküsü 4:8

Aküxü akeu lhoxü lakhi-khi no achishibo tsügho pua eno achishibo qhou kutólo anhethi no küzüpe ae. Putho-pucho panongu no tamo no ishi piae: “ ‘Ampeu Alhou Akughushuu ye akimthe, akimthe, akimthe ke,’ pa ye acheghi, acheni eno ighi niye akeu ke.”

Piyeküsü 5:1

Tisheno aküka lakhü lo iqa akeu u ajeu liküküzü kaku lakhi akeu I no ithulu. Liküküzü kaku tipau ye ashou eno alou ghí yèpüa eno mekha keu tsünì no mekhapüa ke.

Piyeküsü 5:12

Panongu no ighamuku ghi ishi piae: “Ghiqhive keu Ambeti ye aküka, aküakini, alokütsü, akumto agigihu, ajuküvü eno akishé ithulu küzüpu ke!”

Piyeküsü 5:8

Eno kughou pa no liküküzü kaku ikhiluve keno, aküxü akeu lhoxü bidí eno sakiphemi muchomi mukubidi no Ambeti zülo qhoqhünheluve. Panongu kümtsü aheo lakhi-khi pesü ae eno panongu ye ameshoyi no mülà keu bohu lo müsüghüta no chhitoi shi pesü ae, tiye Alhou’w timiqo kighini ke.

Piyeküsü 6:3

Kughou Ambeti no mekhapüa keu akiniù khaqhi keno xü akeu lhoxü akiniù no ishi pikeu I no chilu, “Ighilo!”

Piyeküsü 6:5

Kughou Ambeti no mekhapüa keu aküthüu khaqhi keno aküxü akeu lhoxü aküthüu no ishi pikeu I no chilu, “Ighilo!” I no ju kelo I zülo khurshi tsübui keu lakhi ae! Tipau küsáu ye pa u lo ahú kimighipu lakhi pesü ae.

Piyeküsü 6:7

Kughou Ambeti no mekhapüa keu abidiu khaqhi keno aküxü akeu lhoxü abidiu no ishi pikeu sütsa I no chilu, “Ighilo!”

Piyeküsü 8:1

Kughou Ambeti no mekhapüa keu akütsüniu khaqhi keno kungugha lo ayì kihedo tüxa qhalo iqünheive.