Piyeküsü 4:8 - Sümi Tiqhelimi Bible

⁸ Aküxü akeu lhoxü lakhi-khi no achishibo tsügho pua eno achishibo qhou kutólo anhethi no küzüpe ae. Putho-pucho panongu no tamo no ishi piae: “ ‘Ampeu Alhou Akughushuu ye akimthe, akimthe, akimthe ke,’ pa ye acheghi, acheni eno ighi niye akeu ke.”

BAIBEL (BSI)

⁸ Akuxu akeu lhoxu lakhi khino achishibo tsugho pu-a, eno tiye ashoughi aloughi anhethino chhitoi xapua. Putho-pucho panonguno tamono ishi alephe: “Ampeu Alhou Akughushuuye akimthe, akimthe, akimtheke, Paye acheghi, paye acheni, paye ighini kuau ke.”

Sumi Naga CL (Re-edited) Bible (BSI)

⁸ Aküxüküa lhoxü bidi, lakhikhi no achishibo tsüghogho xapusü anhethi no ashou eno alou ghi chhitoi, eno putho pucho panongu no tamono ishi piae: “Ampeu Alhou Khuu no acheghi eno acheni eno ighi nani keno, Akughushuu huye akimthe, akimthe, akimthe ke.”

Piyeküsü 4:8 Iomraidhean Croise

Apostolmi 20:31

Ikehu nolikhi nongu jukuto alo! I no anhezü-piji ampe küthü kutólo tamo no putho-pucho nongu lakhi-khi pikichi achekeu kümsülu alo.

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

IBRIMI 13:8

Jisü Khristo ye ighina, ishí eno alhokuthu lo aphiphi ke.

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Piyeküsü 1:8

“Ni ye Alpha eno Omega ke,” ipi Ampeu Alhou no pi. Eno, “ni ye acheghi, acheni, eno ighi niye shi akeu, ni ye akughushuu ke,” ipi pa no pike.

Piyeküsü 11:17

ghi ishi pi: “Ampeu Alhou Akughushuu, khuu acheghi eno acheni keno, ningu no shikimthi keu pesü O tsü ani, kughengu nono O küká kijè peluvea eno aye pethuvae.

Piyeküsü 14:11

Eno panongu ghimeqhi akeu michhi no alhokupuju phoiku nani. Khunoqo no tüghashi eno tipau julho mülá momu tüghashi jemichi xapuveni keno pano ghengu ye puchomu puthomu akulhokiqhi do küha nani.”

Piyeküsü 14:3

Eno panongu no aküka lakhü zülo eno aküxü akeu lhoxü bidí eno sakiphemi muchomiqo zülo ale kithé lakhi phe ae. Ayeghi lono xachileluve kemi timi 1,44,000 nguno alau ye timi khumu ale tipau shikakulupu shimoe.

Piyeküsü 15:3

eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.

Piyeküsü 15:7

Tisheno aküxü akeu lhoxü bidí dolo lakhi no ameshoyi no mülà keu bohu tsünì lo alhokupuju lono alhokupuju kutólo xüache keu Lhou’w aloghukighide chhitoi sǘve no kungumi tsünì hu tsüe.

Piyeküsü 16:14

Tüghaküsa ghungu tipaqo ye amichipu kümlà shi chekeqo ke, eno panongu ye ayeghiqha kümtsü lo kükamiqo lau wu no Alhou Akughushuu tsalà kijè lo aghükishi ghenguno panongu hekütsü niye wuche ke.

Piyeküsü 16:7

Ikelo akümlá-khache no ishi khochile keu I no chilu: “Iyei, Ampeu Alhou Akughushuu, ow küghaküthaqo ye kuchou eno amikucho ke.”

Piyeküsü 19:15

Pa kichí lono tsüghaminhei keu akihizüta ipeghi ae eno tino shiyeqo kütsave nikeu shi ake. “Ayì no mülà keu akükau küsǘ pesü pa no panongu shou ayè pe nani.” Pa no atsaizü kütsüghǜ-a lono atsaizü tsüghüphe akeshi Akughushu Lhou’w muqhumüza keu loghu tsüghüphe nani.

Piyeküsü 19:4

Sakiphemi muchomi mukubidi eno aküxü akeu lhoxü bidí no qhoqhünheluve no aküka lakhü lo iqa akeu Alhou müláe. Eno panongu no ishi ighamuku: “Amen, Halleluyah!”

Piyeküsü 21:22

Ni ye Akimthe Mishighüna lo achineki lakhimu ithumlae, kughengu Ampeu Alhou Akughushuu ngò Ambeti pama no Akimthe Mishighüna chineki ke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Piyeküsü 4:6

Eno aküka lakhü zülo ahiju züghi lakhi toi tsüghükhüi ae. Aküka lakhü homxa pe akeu mtá lo xü akeu lhoxü bidí ae, eno panongu nhethiqo hu no azüu eno athiu kümtsü küzüpe ae.

Piyeküsü 4:9

Kugho-kughomu aküxü akeu lhoxüqo no ajuküvü, agigihu eno shikimthi keu pesü aküka lakhü lo iqa akeu eno alhokupuju xüache keu tsüní keno

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

Piyeküsü 6:1

Ambeti no mekhapüa keu tsünì dolo atüghiu khaqhi keu I no jua. Ikelo aküxü akeu lhoxü bidí dolo lakhi no tsütsü-küsü sütsa toi ishi pi, “Ighilo!”

Piyeküsü 6:6

Tipathiu aküxü akeu lhoxü bidí dolo lakhi no piakeu sütsa toi I no hitoi chilu, “Atsala lakhi jume ghenguno ashothi ahukimighi lakhi, eno atsala lakhi jume ghenguno barelythi ahukimighi küthü, eno thazü ngò atsaiji shipüsa kevilo!”

Piyeküsü 7:11

Kungumi kümtsü no aküka lakhü eno sakiphemi muchomiqo eno aküxü akeu lhoxü bidí sühomxa pesü puthugho ae. Panongu no aküka lakhü zülo qhoqhünhe pe no Alhou mülá

Piyeküsü 7:15

Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.