Piyeküsü 4:6 - Sümi Tiqhelimi Bible

⁶ Eno aküka lakhü zülo ahiju züghi lakhi toi tsüghükhüi ae. Aküka lakhü homxa pe akeu mtá lo xü akeu lhoxü bidí ae, eno panongu nhethiqo hu no azüu eno athiu kümtsü küzüpe ae.

BAIBEL (BSI)

⁶ Akukalakhu zulo ayina zughi toi, phuphuyi ithulukeu ghi ae. Akuka lakhu sumxa pesu, tipau ako phivilo akuxu akeu lhoxu bidi ae, tipaqoye athiu ghi azuu ghi anhethino chhitoi puake.

Sumi Naga CL (Re-edited) Bible (BSI)

⁶ kükalakhü zülo kiu kela tsüghükhüi ayina züghi ipi kepu toike ae. Kükalakhü homxape ako bidi lo aküxüküa lhoxü bidi, anhethi no azüu eno athiu ghi chhitoi xapuae:

Piyeküsü 4:6 Iomraidhean Croise

Piyeküsü 14:3

Eno panongu no aküka lakhü zülo eno aküxü akeu lhoxü bidí eno sakiphemi muchomiqo zülo ale kithé lakhi phe ae. Ayeghi lono xachileluve kemi timi 1,44,000 nguno alau ye timi khumu ale tipau shikakulupu shimoe.

Piyeküsü 15:2

Eno I no ju akelo ahiju züghi toi keu lakhi lo ami yebide akeu toi ithulu, eno azüghi tipau phivilo khunoqo no tüghashi eno tipau julho eno pa je kikihi shou toluve keno tipaqo no puthugho ae. Panongu ye Alhou no aheo tsü keqo pesü ae

Piyeküsü 15:7

Tisheno aküxü akeu lhoxü bidí dolo lakhi no ameshoyi no mülà keu bohu tsünì lo alhokupuju lono alhokupuju kutólo xüache keu Lhou’w aloghukighide chhitoi sǘve no kungumi tsünì hu tsüe.

Piyeküsü 19:4

Sakiphemi muchomi mukubidi eno aküxü akeu lhoxü bidí no qhoqhünheluve no aküka lakhü lo iqa akeu Alhou müláe. Eno panongu no ishi ighamuku: “Amen, Halleluyah!”

Piyeküsü 21:11

Akimthe Mishighüna hu ye Alhou juküvü no yevüqai pesü ae, eno tipau küvü ye shishe akughupu chiku lakhi toi, eno akughupu-tu lakhi toi ighono tsüghükhüi ke.

Piyeküsü 21:18

Aliwo kuputu hu ye akughupu-tu pesü mülàpüa, eno mishighüna ye kitiqemo keu ameshoyi no ahiju toi tsüghükhüi mülàpüa.

Piyeküsü 21:21

Khagho chighikini ye akughupu-tu chighikini ke, khagho lakhi-khi lo akughupu-tu lakhi no mülàpüa. Akimthe Mishighüna laghila ye ighono kijè eno tiye ameshoyi no mülàpüa eno ahiju jupilikulu hutoi tsüghükhüi ke.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Piyeküsü 5:11

Tisheno I no ju kelo ye kungumi kutomo kihikhakümla qhethonhe eno qhethonhe chighí kutólo akeu sütsa chilu. Panongu no aküka lakhü eno aküxü akeu lhoxüqo ngò sakiphemi muchomiqo sühomxaluve.

Piyeküsü 5:14

Aküxü akeu lhoxü bidí no, “Amen,” ipi eno sakiphemi muchomiqo no qhoqhünhe pe no Ambeti mülae.

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

Piyeküsü 5:8

Eno kughou pa no liküküzü kaku ikhiluve keno, aküxü akeu lhoxü bidí eno sakiphemi muchomi mukubidi no Ambeti zülo qhoqhünheluve. Panongu kümtsü aheo lakhi-khi pesü ae eno panongu ye ameshoyi no mülà keu bohu lo müsüghüta no chhitoi shi pesü ae, tiye Alhou’w timiqo kighini ke.

Piyeküsü 6:1

Ambeti no mekhapüa keu tsünì dolo atüghiu khaqhi keu I no jua. Ikelo aküxü akeu lhoxü bidí dolo lakhi no tsütsü-küsü sütsa toi ishi pi, “Ighilo!”

Piyeküsü 6:6

Tipathiu aküxü akeu lhoxü bidí dolo lakhi no piakeu sütsa toi I no hitoi chilu, “Atsala lakhi jume ghenguno ashothi ahukimighi lakhi, eno atsala lakhi jume ghenguno barelythi ahukimighi küthü, eno thazü ngò atsaiji shipüsa kevilo!”

Piyeküsü 7:11

Kungumi kümtsü no aküka lakhü eno sakiphemi muchomiqo eno aküxü akeu lhoxü bidí sühomxa pesü puthugho ae. Panongu no aküka lakhü zülo qhoqhünhe pe no Alhou mülá

Piyeküsü 7:17

Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”