Piyeküsü 3:8 - Sümi Tiqhelimi Bible

⁸ I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

BAIBEL (BSI)

⁸ Ino okumlaqo ithiani; julo ino ozulo ahukikha lakhi khaqhi puatsu ani, tipauye timi khunomu khavemla nani; ino ithi anike noye akuka kitila likhi ani ikeghi noye itsape hu pelu acheni eno ije pevechemoe.

Sumi Naga CL (Re-edited) Bible (BSI)

⁸ “‘I no o kümlaqo ithi ani. Julo, ahukikha khikhi timi khunomu khalu chemo keno, I no o zülo khaqhi püatsü ae. I no ithi anike no ye aküka kumto kitila likhi akeghi I milivemo no I tsape pelu cheni.

Piyeküsü 3:8 Iomraidhean Croise

Luke 12:9

Ikemu khunoqo no kütamiqo gizülo I miliveni keno, ni ghí Alhou’w kungumiqo gizülo pa milive nani.

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

John 17:6

“Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

1 Kor. 16:9

kughengu alá shikulupu kümlà shilu penike ghenguno I lau ahukikha kijè lakhi khaqhive tsüae, eno tilehi I lachile kemi kutomo ani.

2 Kor. 2:12

Kughou I no Troas lo Khristo tsakiviu kütsü niye wu püzü Ampeu no I ghenguno ahukikha lakhi khaqhipüa keu phulu keno,

FILIPIAMI 4:13

Khristo no I shikumto tsü keu vechewo ni ye thowkha shikulupu küká anie.

Kolosiami 4:3

Eno Alhou pelo atsakiviu ghenguno ningu laghi khaqhi tsü penike ningu ghenguno ghí inikhu tsü alo, tishianguno ningu pelo Khristo’w tuqhou ghili pesü asheshulu pe kepu shi, kughengu ni ye hi ghenguno akughuki lo anike.

1 Tim. 5:8

Khukhumu pano bolomiqo tuchomo eno akhotoshi pa likhi pa kibolomi vehupuqo kuphu tsümo keu ye aküpülü milivae eno pülümo kemi lakhi nguno alhoküsau ke.

2 Tim. 4:7

Ni ye akivishi aghü shivae, ni ye akupo lo ashe tovae, ni ye aküpülü pewo tovae.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

Piyeküsü 3:1

“Sardis lo akukuhouw kungumi lau yèlu ani: Atsa hipaqo Alhou’w aghungu tsünì eno ayepu tsünì pesü akeu tsa ke. I no O kümlà ithi anie; no ye xü akeu ghenguno ajekipi shi ani, ikemu no ye thivae.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Piyeküsü 3:15

I no O kümlàqo ithi ani, no ye akumkomu kumo eno akülǘmu kumoe. Ni ye O pelo khikhiumu shi aghí penishi anie.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.