Piyeküsü 3:10 - Sümi Tiqhelimi Bible

¹⁰ I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

BAIBEL (BSI)

¹⁰ Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

Sumi Naga CL (Re-edited) Bible (BSI)

¹⁰ Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 3:10 Iomraidhean Croise

MATTHEW 24:14

Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

MATTHEW 26:41

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

Mark 14:9

Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”

Luke 2:1

Tipa ghuloki lo Rome yeghiqha kümtsü lo timi lhoxü kihikütsü penike Caesar Augustus no azah lakhi tsüe.

John 17:6

“Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

Rommi 1:8

Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

1 Kor. 10:13

Ghukuju khijehi nongu zülo ighi keno kütami sheamzü lo ghí titoi ighino puju-shijuvea ke ipi kümsülulo. Alhou ye pükhübekuluu ke; pa ye nongu no puqhelu kepu nguno alau ye nongu ghuju pemo nani. Ikemu kughou O ghujuni keno, pa no O pelo theqhiluve pe kepu laghi O tsü nani.

Ephesiami 6:13

Tishiaye Alhou ghünanu kümtsü pepulo, tishianguno kughou küsakügha tsalà ighini keno nongu pelo ithamo no puthugholu peniye ke, eno nongu ye küpüghǘ keu ashekha shive kethiu ghí akumto shi puthugho aghílu peniye ke.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

James 3:12

I thiküzümi eno I chelimiqo, mububo ye olive xathi pithílu nani keshea, momu atsaibo lakhi lono mubuthi pithílu nani keshea? Momu amitì züpuki lono akungó zü qowu ipeghi müla nani ke.

1 Peter 4:12

Kimiye chekemi shompamiqo, nongu peju niye shiluküsa ghime nongu shou ikughi keu lo kiuala müza keu nongu lau shi ani küghashi akichiqhi kevilo.

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 11:10

Pama thive kelo ayeghi lo xüküami no alokivishi nani eno alokivi lau no panongu no aghò pesü lakhi no lakhi chhekile nani, kughengu tungkupumi hiküma no ayeghi lo xüküamiqo ghimeqhi ke.

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.

Piyeküsü 14:6

Tile no kungumi kütau lakhi kunguu amlhü lo yewu chekeu I no ithulu, eno ayeghi lo shiye jeli, ashiaye jeli, atsa jeli piche kemiqo eno timi jeli xüküamiqo lau asheshu nike lhokta tsakiviu pa u lo pesü ake.

Piyeküsü 16:14

Tüghaküsa ghungu tipaqo ye amichipu kümlà shi chekeqo ke, eno panongu ye ayeghiqha kümtsü lo kükamiqo lau wu no Alhou Akughushuu tsalà kijè lo aghükishi ghenguno panongu hekütsü niye wuche ke.

Piyeküsü 17:2

Ayeghi lo kükamiqo no li sasü asalha kümlà shike, eno ayeghi lo xüküamiqo ye li no shupu keu ji yepusü shomzüvae.”

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

Piyeküsü 6:10

Panongu no asütsa kuloghi lakhi lono ishi pi, “Akughushu Mpeu, akimthe eno kuchou, no ye kughou no ayeghi lo xü akemiqo shou küghathabe no ningu jì peleve keu mükhü lutsü nani kea?”

Piyeküsü 8:13

I no ju akelo, aluqu lakhi no kunguu amlhü lo yewu ghi asütsa kuloghi lakhi lono ishi igha keu I no chilu: “Ayeghi lo akemiqo ye Ahasapue! Ahasapue! Ahasapue! kughengu kungumi kütami küthü ye afuko küigha niye kutovae!”