Piyeküsü 3:1 - Sümi Tiqhelimi Bible

¹ “Sardis lo akukuhouw kungumi lau yèlu ani: Atsa hipaqo Alhou’w aghungu tsünì eno ayepu tsünì pesü akeu tsa ke. I no O kümlà ithi anie; no ye xü akeu ghenguno ajekipi shi ani, ikemu no ye thivae.

BAIBEL (BSI)

¹ “Sardia akukuhoulo kungumi akeu lau yelu ani: “Hipauye Alhou kimthe ghahwu tsuni eno ayepu tsuni peakeu tsapeke. Ino okumlaqo ithiani; noye akithi kemu akuxu kua je puani.

Sumi Naga CL (Re-edited) Bible (BSI)

¹ “Sardis kukuhou lo kungumi lau yelo: ‘Khuu no Alhou Ghungu tsüni eno ayepu tsüni ani keno Pa tsape. “‘I no o kümlaqo ithi ani. No ye küxümi toi ajuaje xapu ani, ikemu no ye kithimie.

Piyeküsü 3:1 Iomraidhean Croise

Luke 15:24

Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.

Luke 15:32

Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”

John 1:16

Paw kupukülai keu ghenguno püzüu küpükini tsüve keu theli lo itaghi ningu kümtsü küpükini ithulu ke.

John 1:33

Eno I likhi ni ghí pa mtha ke, ikemu I pelo azü lono baptiz shipe nike I puwu keu no I vilo pi, ‘Timi khuu shou Aghungu ikighi no ngo keu no no ithuluni keno pa no Aghungu Kimthe lono baptiz shitsü nani.’

John 20:22

Tisheno pa no panongu shou atuthu fupuku no pi, “Aghungu Kimthe sasülulo.

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Ephesiami 2:1

Nongu ye nongu hekibide eno nongu xiné lo thive no acheke.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

Kolosiami 2:13

Kughou nongu no nongu xiné lo thive no ache eno aphighüyiko ghamo no ache keno, Alhou no Khristo vechewo nongu püxü tsüe. Pa no ningu xiné kümtsü pevetsü ke.

1 Tim. 5:6

Ikemu chimemi khuu no ashi lo ghakiqipu ghenguno xü acheni keno li ye xü aphi lono thive keu paphi ke.

James 2:26

Aghungu küha keu phimpi ye akithí kehu toi, akümlà küha keu küpülü ye akithí ke.

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

Jude 1:12

Timi hipaqo ye nonguw kikimiye ghulhuqo lo tichetighepuqo ke, panongu ye kitilamu kujomo no nongu gholo chu cheni—panongu ye ambe khemi khipaqo no panongu likhi panongu lojí cheni keno tipaqo ke. Panongu ye tsütsüghu ghuqhi chemo keu khüngküsü ke, tiye amlhü gholo no fupe wuve cheni; panongu ye tixi süboqo ke, tiye axathi pithímo no nhüve cheni—eno akiniù thi ideve ketoi ke.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 1:16

Pa u ajeu no ayepu tsünì tsüqüpe ae, eno pa kichí lono puto-puto kihizüta tsüghaminhei keu lakhi ipeghi. Pa gi ye khetsünhe no ighono vüqai ipeghi akeu toi ke.

Piyeküsü 1:20

Nono I u ajeu ayepu tsünì akeu ithulu keu ngò ameshoyi no mülà keu akulu tsünì ghopeqhi püakeuw tuqhou ye hike: Ayepu tsünì ye akukuhou tsünìw kungumiqo ke, eno akulukibepu tsünì ye akukuhou tsünì ke.

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 2:19

Nono shikeqo, ow kikimiye ngò aküpülü, O kümlàqo eno nono tsükhoi shikeu eno nono atüghi lo mülà keu nguno alau itehi mülà akeu I no ithi ani.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

Piyeküsü 3:15

I no O kümlàqo ithi ani, no ye akumkomu kumo eno akülǘmu kumoe. Ni ye O pelo khikhiumu shi aghí penishi anie.

Piyeküsü 3:2

Ithughivelo! Kiu no aphi eno kiu no thive niye shivea keno tipau shikumtolo, kughengu I Lhou zülo nono akümlà shiqhimo no akeu I no phuluvae.

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

Piyeküsü 4:5

Aküka lakhü tipau lono tsütsüpha kulo eno kong-kong shi tsütsü-küsü sütsa ipeghie. Eno aküka lakhü zülo akulu tsünì iqü ae. Hipaqo ye Alhou ghungu tsünì ke.

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.