Piyeküsü 21:3 - Sümi Tiqhelimi Bible

³ Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.

BAIBEL (BSI)

³ Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.

Sumi Naga CL (Re-edited) Bible (BSI)

³ Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

Piyeküsü 21:3 Iomraidhean Croise

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

1 Thes. 3:11

Itehi ye ningu pelo nongu lau ighilu penike ningu Papù Alhou ampiu eno ni Mpeu Jisü pelo alaghi khaqhi tsü peniu.

IBRIMI 11:16

Tishini ke züqhulo, panongu ye aghakhu akiviu kümsü acheni ke—kungugha toi keu. Tighenguno Alhou ye panongu Lhou ipi kuni keu lo kujomo ke, kughengu pa ye panongu ghenguno mishighüna kutò pe qhive no ake.

IBRIMI 8:10

Tipau do thiu I no Israel timiqo lau puloshoqhi hipau shini, ipi Ampeu no shuphe ke. I no panongu kükümsü lo I yezaqo sǘtsü nani eno panongu mlo lo tipaqo yèpuku tsü nani. I no panongu Lhou shi nani, eno panongu ye iw timi shi nani.

IBRIMI 8:2

eno pa ye timi no mülà keu akimthe-a kumo püzü Ampeu no puloshoqhi-chebo kuchou mülà tsü keu akimthe-a lo achinetou shou atou kümlà shi acheni.

Piyeküsü 10:4

Eno kughou tsütsü-küsü tsünì hu no atsa pi keno I no yè niye shia; ikemu kungugha lono asütsa lakhi ishi pikeu I no chilu, “Tsütsü-küsü tsünì no kiu pi keno tipau mekhavelo eno tipau yèpeqhi kevilo.”

Piyeküsü 10:8

Tisheno püzüu kungugha lono asütsa lakhi I pütsa keu hu no itaghi I vilo ishi pikeu I no chilu: “Wulo, azüghi eno ayeghi shou puthugho akeu kungumi khuu u lo liküküzü kaku khaqhipe püani keno tipau ikhilulo.”

Piyeküsü 12:10

Tipathiu kungugha lono asütsa kuloghi lakhi no ishi pikeu I no chilu: “Itehi ye xakulu eno aküka eno ningu Lhou’w kükaphu eno Messiah kükagha ighivae. Kughengu putho-pucho ningu Lhou zülo ningu thiküzümi eno achelimiqo nguku achekeu hu ye aqhou vepiqivae.

Piyeküsü 21:7

Khunoqo no tokulu shiluni keno panongu no hipaqo kümtsü ighílu nani, eno I no panongu Lhou shive nani eno panongu ye I nuliqo shive nani.

Piyeküsü 22:3

Akimthe Mishighüna tilehi Alhou no ghushove keu kiumu küha nani. Akimthe Mishighüna lo Alhou eno Ambeti pamaw aküka lakhü anani, eno Alhou qemiqo no pa mülá nani.

Piyeküsü 7:15

Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.