Piyeküsü 2:9 - Sümi Tiqhelimi Bible

⁹ O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

BAIBEL (BSI)

⁹ Ino owu shilukusa eno oquagha ithi ani, ikemu kuchouno noye kinikulu shiani. Khunoqono panonguye Judamike ipi cheni kemu tishimokeno, tipaqono othaigha keu ino ithi ani; pano muqoye Satan laumike.

Sumi Naga CL (Re-edited) Bible (BSI)

⁹ “‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

Piyeküsü 2:9 Iomraidhean Croise

MATTHEW 4:10

Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

Luke 12:21

“Khukhumu pano likhi pano sala pekütsüve no Alhou küdau akiní küha kemi ye hitoi shive nani.”

Luke 22:65

Panongu no pa thaigha keu tsa jeli kütau kutomo pe pa vilo piae.

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Luke 6:20

Jisü no pa khopemiqo ju no pi: “Nongu khunoqo no athokhami keno akümghae; kughengu Alhou kükaphu ye nonguw ke!

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 26:11

Ghuthu kutomo ni ye panongu ghimeqhi nike ghenguno synagog lakhi lono lakhi lo wuche, eno anguka lono pano likhi pano chine pipüthave peniye shiche ke. Ni ye panongu pishi-puju nikeu no kütakihi acheke, ikehu inami mishighünaqo lo ghí I no panongu hawu niye wuche ke.

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

Rommi 2:17

Nongu no nongu likhi nongu pesü Jewmi ipi ku cheni aye; eno nongu no ayeza shou pükhübe no Alhou sasü küthsükime akeu lo qheza cheni aye;

Rommi 5:3

Tilikhi kumoe, ikemu ningu ye ningu ghimeqo lo ghí alokivishi cheni, kughengu ningu no ithi akeu no aghime no tsükhoi keu iqiphe cheni;

Rommi 8:35

Khuu no Khristo kikimiye lono ningu küghüxalu nani kea? Tiye aküküpüna no keo aghime no keo pishi-puju keu no keo püqümiye no keo athokha no keo akümsapu no keo akithipu no kea?

Rommi 9:6

Alhou tsa ye shikupumove keu kumoe. Kughengu Israel polokughukomi kümtsü Alhou no kisheluve kemi ke kumoe.

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

2 Kor. 8:2

Ighono paküta keu pekuju sholu anamu panonguw alokiqi yeli keu eno ighono kumlhomi shi anamu panongu ye kupukuno shi pephetsü keu hu no qochili ipeghi ke.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

1 Thes. 3:4

Kuchou lo ye kughou ningu no nongu gholo akeno, ningu ye pishi-puju nani kepi tamo no nongu vilo pi acheke. Eno nongu no akivishi ithi ake toi, titoi shivae.

1 Tim. 1:13

Ghuthu lakhi lo ni ye achine pipütha chekemi lakhi, Khristomi pishi-puju chekemi lakhi eno ngukangughami lakhi shi aghí namu, I lau kimiyekini pìye ke kughengu ni ye mtha keu eno pülü müla keu lono mülà itha cheke.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.

Piyeküsü 2:24

Thyatira lo nongu khunoqo no li kükütsü pape chemo eno Satan’w tuqho-tugho mtha aphi keno, I nongu kümtsü vilo hi piani, ‘Ni ye nongu shou amakho kütau kiumu bemo nani,

Piyeküsü 3:9

Khunoqo no Satan’w synagogmi keno eno khunoqo no panongu ye Jewmi kumomu Jewmi ipi pükha cheni püzü akimikimi keno, I no panongu pelo ighino O pukhu phivilo qhoqhünhe pe no ni ye O kimiye cheni kepi ithi pe nani.

Piyeküsü 7:14

I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.