Piyeküsü 2:16 - Sümi Tiqhelimi Bible

¹⁶ Tighenguno axiné lono xaideghivelo! Tishimo aye, I no nongu lau pai ighino I kichí lo kihizüta pesü panongu sasü kichighi nani.

BAIBEL (BSI)

¹⁶ Tishiaye, axine lono xaideghivelo. Tikumo aye, niye pai olau ighi nani eno ikichi lono ipeghikeu zuta pesu timi tipaqo sasu aghushi nani.

Sumi Naga CL (Re-edited) Bible (BSI)

¹⁶ Tighenguno xaidelo. Tikumo aye I no kighithe o lau ighini eno I kichi lo azütakikihi akeu pesü panoqo mjochile aghü shini.

Piyeküsü 2:16 Iomraidhean Croise

Ephesiami 6:17

Xakulu pesü ayikütsüqho shi pulo eno Alhou tsa pesü Aghungu lo akihizüta shi ikhilulo.

2 Thes. 2:8

Tishive no ayeza hekibideu pephe-piye nani. Ikelo Ampeu Jisü no pa kichí tuthu no ayeza hekibideu hu pìthíve nani eno pa no qhivütsüni ighi keu vechewo ayeza hekibideu kütsakungove nani.

Piyeküsü 1:16

Pa u ajeu no ayepu tsünì tsüqüpe ae, eno pa kichí lono puto-puto kihizüta tsüghaminhei keu lakhi ipeghi. Pa gi ye khetsünhe no ighono vüqai ipeghi akeu toi ke.

Piyeküsü 16:9

Akülǘ kümka hu no timiqo pitiqhi kelo panongu no püsa hipaqo ghasüpe akeu Lhou je ghushoqhi, ikemu panongu ye amlo pebide no Alhou juküvü shini keu milive ke.

Piyeküsü 19:15

Pa kichí lono tsüghaminhei keu akihizüta ipeghi ae eno tino shiyeqo kütsave nikeu shi ake. “Ayì no mülà keu akükau küsǘ pesü pa no panongu shou ayè pe nani.” Pa no atsaizü kütsüghǜ-a lono atsaizü tsüghüphe akeshi Akughushu Lhou’w muqhumüza keu loghu tsüghüphe nani.

Piyeküsü 19:21

Pama nguno alau kütamiqo ye khurshi küsáu kichí lono akihizüta ipeghi keu no ghiqhikhave, eno aghauqo kümtsü no chulu ke thaqhü panongu shi chuve.

Piyeküsü 2:12

“Pergamum lo akukuhouw kungumi lau yèlu ani: Atsa hipaqo ye tsüghaminhei keu puto-puto kihizüta pesü akeuw ke.

Piyeküsü 2:5

No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.

Piyeküsü 22:20

Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

Piyeküsü 3:19

I no khunoqo kimiye cheni keno I no tipaqo lomipi eno ghasü cheni ke. Tighenguno pulopiniyi shilo eno xaidevelo.