Piyeküsü 2:10 - Sümi Tiqhelimi Bible

¹⁰ Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

BAIBEL (BSI)

¹⁰ Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Sumi Naga CL (Re-edited) Bible (BSI)

¹⁰ Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 2:10 Iomraidhean Croise

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

MATTHEW 10:28

Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

MATTHEW 24:13

ikemu khuno no ashekha kutólo mutotoi puthugho aghíni keno xaluve nani.

Mark 13:13

I ghenguno kümtsü no nongu mithi nani, ikemu khuno no ashekha kutólo mutotoi puthugho aghíni keno xaluve nani.

Mark 8:35

Kughengu khuno no pano likhi pano küxü süsho nishi cheni keno pühave nani, ikemu khuno no aküxü ikhiphe pe ni eno atsakiviu ghenguno tsüveni keno xaluve nani.

Luke 21:12

“Hipaqo kiumu shimphi lono panongu no nongu küghaluve püzü pishi-puju nani. Panongu no nongu kügha pesü Synagog tsakükügha-a lo tsüve no akughuki lo sǘve nani, eno I je ghenguno nongu sasü kükami ngò anghqo zülo sawu nani.

John 12:25

Khukhumu pano küxü kimiye keu ye pühave nani, ikemu khukhumu ayeghi hipau lo pano küxü mithive aye lhokta küxü ananie.

John 13:2

Avela ghulhu shi akelo, tüghami no Simon nu Judas Iscariot pelo Jisü pesü thechu shive peniye kiteve ke.

John 13:27

Judas no asho ikhiluve kemtsa Satan no pa lolo iloghive. Ike Jisü no pa vilo pi, “Nono kiu shi niye ani keno mtazü shivelo.”

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 21:13

Ikelo Paul no khochile, “Nongu ye kushiye anhezü-piji eno I mlo shikighimeve tsü ani kea? Ni ye I tsüghaluve pe keu likhi kumo püzü Jerusalem lo Ampeu Jisü je ghenguno thiveni ke kutò pe anie.”

1 Kor. 9:25

Aghili kukuxu lo ilo kemi kümtsü alikhi ampi ghasülu ghi qokiphe shi cheni. Panongu no tishi keu ye pepushumo nikeu kütsükuqho ithulu nikeu ghenguno ke, ikemu ningu no alikhi ampi ghasükulu shi achekeu ye lhokta kutólo pepushu anikeu kütsükuqho ithulu nikeu ghenguno ke.

Ephesiami 2:2

Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Ephesiami 6:12

Kughengu ningu ye timi sasü küpüghǘ anike kumoe, ikemu ayekipemi, kükagha pe akemi, àküzǘ yeghiqha hipau ayekipemi eno kungugha kükaqha yekipe lo küsakügha ghawu kükaqo sasü küpüghǘ anike.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 13:2

I no tüghashi ithulu keu ye angushuu mihi ke, ikemu pa pukhu ye ava pukhu toi eno akichi ye abongushuu kichí toi ke. Tüghaküsa no pa küká eno pa küká lakhü eno kükagha kijè pesü tüghashi hu tsüe.

Piyeküsü 13:7

Alhou’w akimthemiqo sasü aghüshi no panongu shou toluve pe nikeu küká pesü tüghashi hu tsüpüa. Eno ashiaye jeli, timi jeli, atsa jeli piche kemiqo, eno shiye jeli kümtsü shou aye pelu pe nikeu kükagha pa tsüpüa.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.