Piyeküsü 13:4 - Sümi Tiqhelimi Bible

⁴ Timiqo no tüghaküsa hu müláe kughengu pa no kükagha pesü tüghashi hu tsüke, eno panongu no tüghashi ghí mülá no ishi iniju, “Tüghashi toi keu khuu ani kea? Khuu no pa sasü aghü shikulupu kea?”

BAIBEL (BSI)

⁴ Timi kumtsuno Dragon hu mllawuve kughengu pano akuka pesu tughashi tsukehu. Panonguno tughashi mllaghi ishipi; “Tughashi toikeu khuu ani kya? Khuno tipau sasu aghushi kulupu kya?”

Sumi Naga CL (Re-edited) Bible (BSI)

⁴ Timi kümtsü no dragon mllauve, kughengu pa no kükagha pesü tüghashi tsüve ke, eno panongu no tüghashi ghi mlla ghi pi; “Tüghashi toike khuu ani kea? Khuu no tipau sasü kichighilu nani kea?”

Piyeküsü 13:4 Iomraidhean Croise

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Thes. 2:4

Pa no Alhou ipikeu jeli momu mülá chekeu thime jeli kümtsü lachile eno pa likhi pa pesü thime kümtsü shou süqhe nani. Pa no Alhou chineki lo iqave püzü pa likhi pa pesü Alhou ke ipi piwuve nani.

Piyeküsü 12:3

Ikelo kungugha lo amichipu kütau lakhi ipeghi: huchuhuyi keu tüghaküsa kijè lakhi akütsü tsünì eno akibò chighí eno akütsükuqho tsünì hu no pa kütsüqo lo ae.

Piyeküsü 12:4

Pa shomi no atsütsǘ lono ayepu saje küthü ikhipesü ayeghi lo vepiqive. Totimi hu ye angá punú niye ake. Ikehu tüghaküsa ye totimi hu no angá punuqhi kemtsa tsüchuve niye li gizülo puthugho ngo ae.

Piyeküsü 13:11

Tipathiu ayeghi lono tüghashi akiniù ipeghi keu I no ithulu. Tüghashi tipau ye ambeti toi akibò kini xapu ae, ikemu pa ye tüghaküsa lakhi toi atsa pie.

Piyeküsü 13:15

Tüghashi atüghiu julho lo athuthu tsülu kepu küká pesü tüghashi akiniù tsüe. Tishianguno ajulho pelo atsa pilu pe eno ajulho mülámo kemiqo kümtsü pìthíve peniye ke.

Piyeküsü 13:2

I no tüghashi ithulu keu ye angushuu mihi ke, ikemu pa pukhu ye ava pukhu toi eno akichi ye abongushuu kichí toi ke. Tüghaküsa no pa küká eno pa küká lakhü eno kükagha kijè pesü tüghashi hu tsüe.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 18:18

Kughou panongu no li pitiqhi akeu michhi ithuluni keno, panongu no ishi igha nani, ‘Mishighüna ajekipiu hipau toi keu mishighüna lakhimu ache keshea?’

Piyeküsü 9:20

Püsa hipaqo no pithímove keu timi thaqhü ye panongu u no mülà keu kümlà ghenguno xaidemo ke; panongu ye tüghami mülá nikeu, eno ameshoyi, ghükayi, alazayi, atu eno asǜ no mülà keu ajulho lhou mülá tamo ke. Ajulho lhou hipaqo ye ithulu chemo momu alà chelu chemo ke.