Piyeküsü 13:3 - Sümi Tiqhelimi Bible

³ Tüghashi kütsü tsünì akeu dolo lakhi ye akithipu ghüza kijè xapu ake toi ke, ikemu akithipu ghüza tipau ye viluve. Ayeghiqha kümtsü lo akichiqhi keu no chhitoive eno tüghashi hu pape wuve.

BAIBEL (BSI)

³ Tipau kutsu gholo lakhiye akithipu ghuzaku puaketoi, ikemu aghuzaku tipauye vithaive. Ayeghiqha kumtsuno akichiqhive eno tughashi tipau pape wuve.

Sumi Naga CL (Re-edited) Bible (BSI)

³ Akütsü lakhi ye akithipu ghüzaku toi xapuae, ikemu aghüzaku ti ye kuuve aghi, ayeghiqha no mzamghalei tüghashi pape wuve.

Piyeküsü 13:3 Iomraidhean Croise

Luke 2:1

Tipa ghuloki lo Rome yeghiqha kümtsü lo timi lhoxü kihikütsü penike Caesar Augustus no azah lakhi tsüe.

John 12:19

Ikehu Phariseemiqo no lakhi no lakhi vilo ishi pi, “Julo, ningu ye hiye kiumu shimlavae. Ayeghiqha kuchopu no kíshi pa pape auvea keno julo.”

Apostolmi 8:13

Simon ampi ghí pülüluve no baptiz shiluve. Eno Simon ye Philip no amichipu eno akümzapu kümlà shikeu ithulu no pa kümzave keu vechewo aqha kümtsü lo Philip papesü wuve.

Piyeküsü 13:12

Pa no tüghashi atüghiu züqhu shi kükagha kümtsü peitha ke, eno ayeghi eno tile xüküami kümtsü pelo tüghashi atüghiu mülá pe. Tüghashi atüghiu ye akithipu ghüza lono viluve keu hu ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 17:10

Akütsü tsünì ye kükami tsünì ghí ke. Pungu ye ikiqiva, lakhi ye itehi akeu, eno lakhiu ye ighi mphi ke; ikemu kughou pa no ighini keno pa ye ado kitila ghengu likhi ngo moayesae.

Piyeküsü 17:11

Tüghashi khuu xüache püzü itehi ye kühavea keno tipau ye akükau akütacheu ke. Tipau ye tsünì dolo lakhi ke eno pa ye kütsakungove niye wucheni ke.

Piyeküsü 17:13

Panongu küká ngò kükagha pesü tüghashi hu tsüve nikeu lo panongu ye akükümsü lakhi shi nani.

Piyeküsü 17:17

Kughengu Alhou tsaqo shikupumo ke kutólo Alhou no pa kimiji shikupu nike ghenguno kükami chighí mlo pütsave tsü püzü panongu pelo panonguw kükagha pesü tüghashi u lo sǘvetsü nikeu lo puloluve pe nani.

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.