Piyeküsü 13:1 - Sümi Tiqhelimi Bible

¹ Tüghaküsa hu no azüghi mükü lo puthugho ae. Ikelo azüghi lono tüghashi lakhi ipeghi keu I no ithulu. Tüghashi tipau ye akibò chighí eno akütsü tsünì eno, pa kibò lo akütsükuqho chighí ake, eno akütsü kümtsü lo pipütha keu je lakhi-khi ae.

BAIBEL (BSI)

¹ Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Sumi Naga CL (Re-edited) Bible (BSI)

¹ Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 13:1 Iomraidhean Croise

Piyeküsü 11:7

Kughou thopimi pama no pama shepe shitave nike no aqokutho lono tüghashi ipeghi keu no pama sasü kichighi nani, eno pama shou theqhive no pìthíve nani.

Piyeküsü 12:3

Ikelo kungugha lo amichipu kütau lakhi ipeghi: huchuhuyi keu tüghaküsa kijè lakhi akütsü tsünì eno akibò chighí eno akütsükuqho tsünì hu no pa kütsüqo lo ae.

Piyeküsü 13:11

Tipathiu ayeghi lono tüghashi akiniù ipeghi keu I no ithulu. Tüghashi tipau ye ambeti toi akibò kini xapu ae, ikemu pa ye tüghaküsa lakhi toi atsa pie.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 13:15

Tüghashi atüghiu julho lo athuthu tsülu kepu küká pesü tüghashi akiniù tsüe. Tishianguno ajulho pelo atsa pilu pe eno ajulho mülámo kemiqo kümtsü pìthíve peniye ke.

Piyeküsü 15:2

Eno I no ju akelo ahiju züghi toi keu lakhi lo ami yebide akeu toi ithulu, eno azüghi tipau phivilo khunoqo no tüghashi eno tipau julho eno pa je kikihi shou toluve keno tipaqo no puthugho ae. Panongu ye Alhou no aheo tsü keqo pesü ae

Piyeküsü 16:13

Tisheno I no mithekumo ghungu küthü achuyí kimihi shikeu ithulu; tipaqo ye tüghaküsa ngò tüghashi eno kichileu tungkupumi kichí lono ipeghi.

Piyeküsü 17:16

Nono tüghashi eno akibò chighí ithulu keu hu no kütüqhaliu mithi nani. Panongu no li kütsave nani eno li phimini xave tsü nani; panongu no li sükumo shi chu nani eno ami pesü li pitive nani.

Piyeküsü 17:3

Tisheno kungumi no Aghungu lono I sasü küghünamokeu-a lakhi lo sawuve. Tilehi totimi lakhi no huchuhuyi keu tüghashi lakhi shou iqa akeu I no ithulu. Tüghashi tipau phi lo Alhou pipütha keu aje chhitoi yèpukupüa eno pa ye akütsü tsünì eno akibò chighí puae.

Piyeküsü 17:5

Li kishe lo aje yèpüa keu hu ye tuqhou lakhi ke: Babylon ajekipiu kütüqhamiqo eno ayeghi lo aphikümqhüpu kümtsü pazá.

Piyeküsü 19:19

Tile no tüghashi ngò ayeghi lo kükamiqo eno panonguw ghüshimiqo no khurshi küsáu eno paw ghüshimiqo sasü aghüshi niye aqoshi kumqo akeu I no ithulu.