Piyeküsü 12:3 - Sümi Tiqhelimi Bible

³ Ikelo kungugha lo amichipu kütau lakhi ipeghi: huchuhuyi keu tüghaküsa kijè lakhi akütsü tsünì eno akibò chighí eno akütsükuqho tsünì hu no pa kütsüqo lo ae.

BAIBEL (BSI)

³ Akichiqhi kepu kutau lakhi atsutsulo ipeghi, Dragon huchuyikeu kije lakhi akutsu tsuni, akibo chighi eno akutsu lakhi shou akutsu kuqho lakhikhi pua.

Sumi Naga CL (Re-edited) Bible (BSI)

³ Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 12:3 Iomraidhean Croise

Piyeküsü 12:1

Tisheno kungugha lo amichipu kijè lakhi ipeghi: eno totimi lakhi no khetsünhe usü ipeghi, li pukhu no aqhi nepe eno ayepu chighikini kütsükuqho lakhi no li kütsü lo ae.

Piyeküsü 12:13

Kughou tüghaküsa no ayeghi lo pa vepiqive keu ithive keno, pa no anu punú keu totimi hu phuthuve.

Piyeküsü 12:17

Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

Piyeküsü 12:4

Pa shomi no atsütsǘ lono ayepu saje küthü ikhipesü ayeghi lo vepiqive. Totimi hu ye angá punú niye ake. Ikehu tüghaküsa ye totimi hu no angá punuqhi kemtsa tsüchuve niye li gizülo puthugho ngo ae.

Piyeküsü 12:7

Ikelo kungugha lo aghükishi ipeghive. Kungumi atou Michael eno paw kungumiqo no tüghaküsa sasü aghüshi, eno tüghaküsa ngò paw kungumiqo ghí mujochile ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:1

Tüghaküsa hu no azüghi mükü lo puthugho ae. Ikelo azüghi lono tüghashi lakhi ipeghi keu I no ithulu. Tüghashi tipau ye akibò chighí eno akütsü tsünì eno, pa kibò lo akütsükuqho chighí ake, eno akütsü kümtsü lo pipütha keu je lakhi-khi ae.

Piyeküsü 13:2

I no tüghashi ithulu keu ye angushuu mihi ke, ikemu pa pukhu ye ava pukhu toi eno akichi ye abongushuu kichí toi ke. Tüghaküsa no pa küká eno pa küká lakhü eno kükagha kijè pesü tüghashi hu tsüe.

Piyeküsü 13:4

Timiqo no tüghaküsa hu müláe kughengu pa no kükagha pesü tüghashi hu tsüke, eno panongu no tüghashi ghí mülá no ishi iniju, “Tüghashi toi keu khuu ani kea? Khuu no pa sasü aghü shikulupu kea?”

Piyeküsü 15:1

I no kungugha lo amichipu kijè eno akichiqhipu kütau lakhi ithulu: tiye kungumi tsünì no püsa tsünì ashekhau pesü akeu ithulu. Hiye ashekhau ke, kughengu panongu vechewo Alhou loghukighide ye kishekhave nikeu shi ake.

Piyeküsü 16:13

Tisheno I no mithekumo ghungu küthü achuyí kimihi shikeu ithulu; tipaqo ye tüghaküsa ngò tüghashi eno kichileu tungkupumi kichí lono ipeghi.

Piyeküsü 17:12

“Nono akibò chighí ithulu keu ye akükaphu ithulumo no akeu kükami chighí ke, ikemu panongu ye tüghashi gholo no ayì kihedo lakhi ghenguno kükami toi kükagha ithulu nani.

Piyeküsü 17:16

Nono tüghashi eno akibò chighí ithulu keu hu no kütüqhaliu mithi nani. Panongu no li kütsave nani eno li phimini xave tsü nani; panongu no li sükumo shi chu nani eno ami pesü li pitive nani.

Piyeküsü 17:7

Ikelo kungumi hu no I vilo ishi pi: “No ye kushiye akümza ani kea? I no O vilo totimi hipauw tuqhou eno li no akütsü tsünì ngò akibò chighí akeu tüghashi sà chekeu ghili chixechilei pi nani.

Piyeküsü 19:12

Pa nhethi ye ami vüqalei keu toi ke, eno pa kütsü lo aküka kütsükuqho kutomo ae. Pa ye aje lakhi pa phimpi lo yèpuku pepüa kemu pa likhi no kumo aye timi khumu aje tipau ithimoe.

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.