Piyeküsü 12:1 - Sümi Tiqhelimi Bible

¹ Tisheno kungugha lo amichipu kijè lakhi ipeghi: eno totimi lakhi no khetsünhe usü ipeghi, li pukhu no aqhi nepe eno ayepu chighikini kütsükuqho lakhi no li kütsü lo ae.

BAIBEL (BSI)

¹ Tileno atsutsulo akichiqhi kepu lakhi ipeghi, totimi lakhino tsukinhe upu, li pukhuno aqhi nepe eno li kutsukuqholo ayepu chighikini ae.

Sumi Naga CL (Re-edited) Bible (BSI)

¹ Tishino atsütsü lo amchipu kije lakhi ipeghi: totimi lakhi no khetsünhe pepu, apukhu no aqhi nepe no ayepu chighikini pesü dakeu kütsükuqho xapu aghi.

Piyeküsü 12:1 Iomraidhean Croise

MATTHEW 12:38

Ikelo Phariseemiqo eno ayeza kütsüchekemi khami no pa vilo pi, “Akükütsüu, ningu ye O lau no amichipu ithulu nishi anie.”

MATTHEW 24:30

“Tilehi kungugha lono Timi Nu akeu michipu ipeghi nani. Eno kughou Timi Nu atsütsǘ lo khüngküsü lono aküka eno ajuküvü kijè gholo no chekeu ithuluni keno, ayeghi lo timiqo kümtsü no qau khave nani.

Mark 13:25

ayepuqo no atsütsǘ lono ikiqive nani, eno atsütsǘ lo akeu jeli kümtsü süküghütha nani.’

Luke 21:11

Ayeghi küghütha kijè, püqümiye eno püsaküsüqo a-a kütüta lo ighi nani eno akümsapu jeli ngò amichipu kijè atsütsǘ lono ipeghi nani.

Luke 21:25

“Tilehi khetsünhe, aqhi eno ayepuqo lo amichipu anani. Ayeghi lo shiyeqo ye azüghi ghügha ngò azü fukucho keu no kütakihi eno pitipüzaqhi nani.

John 3:29

Külaliu ye külapu’w ke. Shompami khuu no külapuu khe eno ini cheni keno pa ye kughou külapuu sütsa chiluni keno alokiqi no chhitoive cheni. Alokivi tipau ye iw ke eno tiye kupukülaivae.

Apostolmi 2:19

I no kunguu atsütsǘ lo akichiqhipu shi pìye nani eno aqhou ayeghi lo amichipu shi pìye nani, ajì ngò ami eno amichhi phoboi nani.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

2 Kor. 11:2

Ni ye Alhou lau no ighi keu nhekushu pesü nongu ju anheshu anie. Ni ye nongu pesü Khristo lau akimthe athathe lakhi toi tsü nike ghenguno Khristo pelo nongu kimi lakhi toi shipe nike I no pikiqhi shike.

Galatiami 3:27

kughengu nongu khunoqo no baptiz shilu keu vechewo Khristo gholo küqhaluvea keno nongu ye Khristo pepuluvae.

Galatiami 4:26

Ikemu Jerusalem kunguu akeu ye kuqhophevea ke, eno li ye ningu pazá ke.

Galatiami 6:14

Ningu Mpeu Jisü Khristo’w kros nguno alau ye I pelo kütau thime shou qheza pemo peniu, kughengu pa yeda pìthíve keu vechewo I no ayeghiqha lhoaye shinishi chekeu yedapithivae eno I lolo ayeghiqha lhoaye no shinishi chekeu yedapithivae.

Ephesiami 5:32

Hiye ighono tuqhou lakhi ke—ikemu ni ye Khristo eno akukuhou ghili pi anike.

Piyeküsü 1:20

Nono I u ajeu ayepu tsünì akeu ithulu keu ngò ameshoyi no mülà keu akulu tsünì ghopeqhi püakeuw tuqhou ye hike: Ayepu tsünì ye akukuhou tsünìw kungumiqo ke, eno akulukibepu tsünì ye akukuhou tsünì ke.

Piyeküsü 11:19

Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.

Piyeküsü 12:3

Ikelo kungugha lo amichipu kütau lakhi ipeghi: huchuhuyi keu tüghaküsa kijè lakhi akütsü tsünì eno akibò chighí eno akütsükuqho tsünì hu no pa kütsüqo lo ae.

Piyeküsü 15:1

I no kungugha lo amichipu kijè eno akichiqhipu kütau lakhi ithulu: tiye kungumi tsünì no püsa tsünì ashekhau pesü akeu ithulu. Hiye ashekhau ke, kughengu panongu vechewo Alhou loghukighide ye kishekhave nikeu shi ake.

Piyeküsü 21:14

Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.

Piyeküsü 21:23

Akimthe Mishighüna shou yepüvü nikeu ghenguno khetsünhe momu aqhi avehupu shimoe, kughengu Alhou juküvü no tipau yepüvü tsü cheni eno Ambeti hu no tipau kulu ke.