Piyeküsü 10:6 - Sümi Tiqhelimi Bible

⁶ Eno kungumi hu no, kungugha, ayeghi eno azüghi eno tipaqo lo akeu jeli kümtsü lhosü keu alhokupuju lono alhokupuju kutólo xüache keu Alhou je pesü ashoqhi shi no ishi pi, “Hinguno hilau ye munuve pemo nani!

BAIBEL (BSI)

⁶ eno kungugha, ayeghi, azughi eno tipaqolo akeu jeli kumtsu lhophekeu Alhou, khuuno alhokupujulo xu acheni keno paje lono tushoqhighi ishipi, “Hinguno hilau munuvepemo nani.

Sumi Naga CL (Re-edited) Bible (BSI)

⁶ eno Khuu alholo eno pülhapuju xü acheni, Khuu no kungugha, ayeghi eno azüghi ngo tile ache keqo lho keno, Pa je lono tushoqhi ghi pi, “Itehi ye süpushu moae,

Piyeküsü 10:6 Iomraidhean Croise

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 12:12

Tighenguno kungugha eno nongu tile akemiqo alovishelo! Ikemu ayeghi eno azüghi ghengu ye ahasapue, kughengu tüghami hu ye nongu lau iqivae! Pa ye amlokighide no chhitoi ani kughengu pa do ye ikhonhei likhiva kepi pa no ithi anike.”

Piyeküsü 16:17

Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Piyeküsü 21:6

Pa no I vilo pi: “Hi kümtsü tavae. Ni ye Alpha eno Omega, Hukuthuu eno Kishekhau ke. Tüghüthi akemi lau kümsá no aküxüpu züpuki lono azü tsü nani.

Piyeküsü 4:10

sakiphemi muchomi mukubidi no aküka lakhü lo iqa akeu zülo qhoqhünheluve no alhokupuju lono alhokupuju kutólo xü acheni keu mülá ke. Panongu no aküka lakhü zülo panongu küká kütsükuqho lhaqhi no ishi pi:

Piyeküsü 4:11

“Ningu Mpeu eno Alhou, no ye ajuküvü ngò agigihu eno aküka ithulu küzü ke, kughengu nono thowkha kümtsü lhoqhi ke, eno O pulou lono panongu lhophe kehu panongu ye xü anike.”

Piyeküsü 4:9

Kugho-kughomu aküxü akeu lhoxüqo no ajuküvü, agigihu eno shikimthi keu pesü aküka lakhü lo iqa akeu eno alhokupuju xüache keu tsüní keno

Piyeküsü 6:11

Tipathiu panongu kümtsü chijeboboi-phi miyetsüghoi keu lakhi-khi tsü, eno panongu vilo panongu küsàmi aqemi eno athiküzümi ngò achelimiqo kümtsü panongu toi pìthívemo ke kutólo ado kitila ngokhe aghílo ipive.