Piyeküsü 10:1 - Sümi Tiqhelimi Bible

¹ Tipathiu kungumi akumto lakhi kungugha lono iqi chekeu I no ithulu. Pa ye khüngküsü no küzüpe ae eno milisü no pa kütsü sholo ae; pa gi ye khetsünhe toi, eno pa pukhu ye ami tsükuchoqo toi ke.

BAIBEL (BSI)

¹ Tileno kungumi akumto lakhi kungugha kudauno iqicheghi. Paye khungkusu lono kuzupe eno milisu lakhino pa kutsu vehope ae; pa giye tsukinhe toi eno pa pukhuye ami tsukucho toi.

Sumi Naga CL (Re-edited) Bible (BSI)

¹ Tileno I no kungumi kughushu kütau lakhi kungugha lono milisü no pa kütsü shou vehope khüngküsü no küzüpe iqi cheghi keu ithulu, pa gi ye khetsünhe toi eno pa pukhu no ami tsükucho toike.

Piyeküsü 10:1 Iomraidhean Croise

MATTHEW 17:2

Tilehi panongu zülo no pa ye aju pekilive. Pa gi no khetsünhe küvü toi ithulu eno paw tiphimini no aküvü hutoi miyetsüghoive.

Luke 21:27

Tipau ghuloki lo panongu no khüngküsü lo Timi Nu no aküka eno ajuküvü kijè lono ighi keu ithulu nani.

Apostolmi 26:13

O Akükau, puchomghü lo I no alà lo che kelo, ni ye atsütsǘ lono aküvü lakhi ithulue, tiye khetsünhe küvü nguno vüqalei shi püzü ni eno I gholo chekemiqo veholuve ke.

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 18:1

Hipathiu kungugha lono kungumi kütau iqighi keu I no ithulu. Pa ye kükagha kijè pe ake, eno paw qhivütsüni keu hu no ayeghi kuchopu yepüvü pe ae.

Piyeküsü 18:21

Tile no kungumi kumto lakhi no athi kütsüghǜ tuqu qhemi atu kijè lakhi ikhipesü azüghi lo vesüve, eno ishi pi: “Mishighüna ajekipiu Babylon ye khilemu ithulu kithe müla kepu shi hitoi muqhumüzai vepiqive nani.

Piyeküsü 20:1

Tile no kungugha lono kungumi lakhi iqi chekeu I no ithulu, pa gholo aqokutho khayi ani eno pa u lo ayikichhe kijè lakhi tsüqüpe ae.

Piyeküsü 4:3

Eno tile iqa akeu hu ye akughupu-tu eno amekusho-tu ju toi ke. Milisü lakhi no amekusho-tu lakhi toi vüipeghi no aküka lakhü sühomxa pesü ngove.

Piyeküsü 5:2

Eno akughushu kungumi lakhi no ighamuku ghi ishi asheshu akeu I no ithulu, “Khuu no mekhapüa keu liküküzü kaku hepho no khaqhi küzü kea?”

Piyeküsü 8:13

I no ju akelo, aluqu lakhi no kunguu amlhü lo yewu ghi asütsa kuloghi lakhi lono ishi igha keu I no chilu: “Ayeghi lo akemiqo ye Ahasapue! Ahasapue! Ahasapue! kughengu kungumi kütami küthü ye afuko küigha niye kutovae!”