Piyeküsü 1:3 - Sümi Tiqhelimi Bible

³ Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

BAIBEL (BSI)

³ Khunono kaku hipau phini keno tipaqo kumghae eno khunono tungkupu tsape hipaqo chiluni eno tipaulo yepuakeu pelu nikeno tipaqo kumghae; kughengu adoye kupunuvae.

Sumi Naga CL (Re-edited) Bible (BSI)

³ Khuu no asütsa süqhe ghi tungkuptsa hipau phisüni keno akümghapu, khunono chiluni keno akümghapu, eno khunono tipau lo yepüakeu peluni keno akümghapue, kughengu ado ye kupunuvae.

Piyeküsü 1:3 Iomraidhean Croise

MATTHEW 24:15

“Ikehu kughou nongu no ‘aphikümqhüpu tipau küghüküghaleive pe chekeu,’ khikhi Daniel tungkupuu no pipüani keno, tipau no akimthe-a lo puthugho aghí keu ithulu aye (phi akemi no hi ithilo)

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

Rommi 13:11

Ningu no itodolo xü akeu tüqhüdo ithi no hi shilo: Nongu ye zü akeu lono idaithughi kepu do hu ighivae, kughengu ninguw xakulu ye püzüu ningu no atüghi lo pülüluve keu nguno alau kupunukhoi kithevae.

Rommi 13:12

Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

2 Peter 3:8

Kimiye chekemi shompamiqo, ikemu thime lakhi hipau kümsüma kevilo: Ampeu gholo atsala lakhi ye ampe 1,000 toi ke, eno ampe 1,000 ye atsala lakhi toi ke.

Piyeküsü 22:10

Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.

Piyeküsü 22:12

“Julo, ni ye itheno chenie! I saxu ye I gholo ani, eno timi lakhi-khi no pa no kiu müla püani keno tipau kiqi lono tsü nani.

Piyeküsü 22:20

Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.

Piyeküsü 3:11

Ni ye itheno cheni. Nono kiu pe ani keno tipau tsüqüpe ngo lo, tishianguno khiu pelomu O kütsükuqho ikhiluve pemo nike.