MATTHEW 9:8 - Sümi Tiqhelimi Bible

⁸ Kughou timi aqokitikhi no hipau ithulu keno panongu ye akichiqhive eno panongu no Alhou no hitoi keu kükagha pesü timi tsü keu ghenguno Alhou sheqhe.

BAIBEL (BSI)

⁸ Timiqono ti ithulu kelo panonguye msave eno Alhou no hitoi keu kuka timi tsukeu ghenguno Alhou sheqhetsue.

Sumi Naga CL (Re-edited) Bible (BSI)

⁸ Kughou aqokitikhi no ti ithulu keno, panongu ye ighüve, eno Alhou khuu no hitoike kükagha pesü timiqo tsü keno, panongu no Pa jepipi tsüe.

MATTHEW 9:8 Iomraidhean Croise

MATTHEW 12:23

Timi kümtsü no akümzave eno pi, “Hiye David nu shi aghí nani keshea?”

MATTHEW 15:31

Kughou atsa pimlave kemi no atsa piluve, aphukhu kighichemi no viluve, apukhu kinitave kemi no alachelu eno anhethi kighichemi no ithuluve akeu timiqo no ithulu keno panongu ye akümzave. Eno panongu no Israel Lhou sheqhe.

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

MATTHEW 5:16

Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

MATTHEW 9:7

Ikelo ye timi hu no ithu püzü aki lo wove.

Mark 2:12

Pa no ithuve püzü pa yephu ikhiluve no panongu kümtsü nhekithe lono wuve. Timi kümtsü hi ithulu no akichiqhive eno panongu no Alhou sheqhe ghi ishi pi, “Ningu ye khilemu hikithipu ithumla aphie!”

Mark 7:37

Timiqo ye shishe akümza keu no chhitoive. Panongu no ishi pi, “Pa ye thowkha kümtsü aghileshi shivae. Pa ye akìní kughupomi pelo chilu pe eno amili-kütshümi pelo ghí atsa pilu pe ke.”

Luke 13:13

Tisheno Jisü no pa u pe li shou be kelo, paikhavi li ye müzüchoi puthugholuve eno Alhou sheqhe.

Luke 17:15

Panongu gholo milakhi no kughou, pa ye vive aghí keu ithulu keno ighamuku Alhou sheqhe ghi ideighi.

Luke 17:18

Kütami ye kíshive keno inami hipau likhi no Alhou shikimthi niye ideighi kea?”

Luke 18:43

Ikelo paikhavi pa ye ithulu kitheluve no Alhou sheqhe ghi Jisü pape wuve. Kughou timi kümtsü no ti ithulu keno panongu ghí Alhou akishé tsüe.

Luke 2:20

Ambe khemiqo ye panongu vilo pikeu toi thowkha kümtsü chilu eno ithulu keu ghenguno Alhou je pipi eno sheqhe ghi idewove.

Luke 23:47

Aqhe shou zatsüu no, kiu shive keno ithulu püzü Alhou sheqhe eno pi, “Mütsüqhei no timi hipau ye akivimie.”

Luke 7:16

Panongu kümtsü shithüghüive no Alhou sheqhe ghi pi: “Tungkupu kijè lakhi ningu gholo ipeghivae, Alhou ye paw timi kuphu nike ighi anie.”

John 15:8

Nongu no athi kutomo pithí keu hu no nongu ye I khopemiqo kepi pìyelu cheni eno hipau vechewo I pù juküvüpu shitsü cheni ke.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 21:20

Kughou hi chilu keno panongu no Alhou sheqhe. Tisheno panongu no Paul vilo pi, “Athiküzüu, no ghí julo, Jewmi qhethonhe khijehi no pülüluvea kea, eno panongu kümtsü ayeza ghenguno minemighei kemi likhie.

Apostolmi 4:21

Kichi kümsà kitheve kethiu panongu no pama phe puwuve. Panongu ye kíshi hi pama ghime kepu keno xakütha shimlave, kughengu kiu shive keno tipau ghenguno timi kümtsü no Alhou sheqhe ake.

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

Galatiami 1:24

Tisheno I ghenguno panongu no Alhou sheqhe ke.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.