MATTHEW 9:6 - Sümi Tiqhelimi Bible

⁶ Ikemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi, “I no O vilo piani, ithulo, O züa ikhipesü aki lo wovelo.”

BAIBEL (BSI)

⁶ Ikemu ni Timi Nu ye ayeghilo akelo axine pevetsukulupu kuka akeu nongu pelo ithi peni.” Tishi pipuzu pano anhu ithamlakeu vilo pi, “Ithulo, ozua kuqha ikhiqhelulo eno akilo wolo!”

Sumi Naga CL (Re-edited) Bible (BSI)

⁶ Ikemu hi shikeu vecheo nongu pelo Timi Nu ye ayeghi lo axine qhitsüni keu kükagha ani kepi vethalu peniye ke” —tishino pa no aküsüu vilo pi— “Ithulo, eno o züaphi ikhipe aki lo wolo.”

MATTHEW 9:6 Iomraidhean Croise

MATTHEW 4:24

Jisü ghili Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü pa lau saighi; eno Jisü no panongu shipivi tsüe.

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

MATTHEW 9:2

Ikelo timi khami no ayephu lono aphimpi ithamlave kemi lakhi pa lau saighi. Kughou Jisü no panongu küpülü ithulu keno, pa no aphimpi ithamlave keu vilo ishi pi, “Anu, amlo mutolo, O xinéqo qhivetsüae.”

MATTHEW 9:5

Khikhiu no akümláu kea: ‘O xinéqo qhivetsüae,’ ipikeu no keo, ‘Ithuve no alà chelo,’ ipikeu no kea?

MATTHEW 9:7

Ikelo ye timi hu no ithu püzü aki lo wove.

Mark 2:10

kemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi,

Mark 2:7

“Timi hipau ye kushiye hitoi keu tsa piani kea? Pa ye Alhou pipütha anie! Alhou likhi no kumo aye khuu no axiné pevetsülu nani kea?”

Luke 5:21

Ayeza kükütsümi eno Phariseemiqo no hitoi kiqi kümsüju ae, “Timi hipau ye khuu keno Alhou thaigha keu tsa piani kea? Alhou likhi no kumo aye khuu no axiné pevetsülu nani kea?”

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 5:27

Eno Apù no küghathalu penike kükagha pa tsüvea kughengu pa ye Timi Nu hu ke.

John 5:8

Ikelo Jisü no pa vilo pi, “Ithuvelo! O züa ikhiqhe no alà chelo.”

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

Apostolmi 9:34

Peter no pa vilo ishi pi, “Aeneas, Jisü Khristo no O shipivi anie. Ithu no O züa liküzüluve lo.” Aeneas ye paikhavi ithuve.

2 Kor. 2:10

Nongu no timi khuu kipimí qhive tsüní keno, ni ghí pa kipimí qhivetsü nani. Eno kiuala akipimí qhivetsü kepu shi aghí no I no akipimí qhivetsü aye, ni ye nongu ghenguno Khristo gizü lono akipimí qhivetsüae.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

Ephesiami 4:32

Lakhi no lakhi lau küpüqhiyi eno kimiyeqhiyi lo, Alhou no Khristo vechewo nongu kipimí qhivetsü ketoi, nongu lakhi no lakhi kipimí qhitsüa lo.

Kolosiami 3:13

Lakhi no lakhi lau küsüqhikulu shilo eno nongu khuala no kütami lau kumchhokumnu shikeu aghí aye lakhi no lakhi kipimí qhitsülo. Ampeu no nongu kipimí qhitsü ketoi nongu ghí lakhi no lakhi kipimí qhitsülo.