MATTHEW 9:2 - Sümi Tiqhelimi Bible

² Ikelo timi khami no ayephu lono aphimpi ithamlave kemi lakhi pa lau saighi. Kughou Jisü no panongu küpülü ithulu keno, pa no aphimpi ithamlave keu vilo ishi pi, “Anu, amlo mutolo, O xinéqo qhivetsüae.”

BAIBEL (BSI)

² Tilehi timi khamino anhu kusumi lakhi azualo puzu pesu pa lau ighi. Kughou Jisu no timi tipaqo kupulu ithulu keno anhu ithamlakeu timi vilo pi, “Anu, omlo mutotoi lulo, oxine pevetsuae.”

Sumi Naga CL (Re-edited) Bible (BSI)

² Eno julo, timi khami no anhüküsüu aphiau thive kemi lakhi awophe lono xapusü ighi. Kughou Jisü no panoqo küpülü ithulu keno, pa no aküsüu vilo pi, “I nu, o ghüthi püxülu lo; o xine qhive tsüae.”

MATTHEW 9:2 Iomraidhean Croise

MATTHEW 14:27

Ikemu Jisü no tishikhavi panoqo vilo pi: “Amlo mutotoilo! Ni ke, msà kevilo.”

MATTHEW 4:24

Jisü ghili Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü pa lau saighi; eno Jisü no panongu shipivi tsüe.

MATTHEW 6:12

Eno ningu no kütami no pimive keu kipimíqo qhivetsü keu toi ningu no pimive keu kipimíqo ghí qhive tsülo.

MATTHEW 8:10

Kughou Jisü no hi chilu keno pa ye akichiqhive eno pa pape chekemiqo vilo pi, “Kuchou no I no nongu vilo pìní, ni ye Israel lo aküpülü kuloghi hitoi kemi lakhimu phu müla aphie.

MATTHEW 8:16

Kughou avela shive keno, tüghaküsa no tsügha pesü akemi kutomo Jisü lau saighi, ikehu pa no pa tsa vechewo tüghaküsa ghawuqo hapheve tsü eno küsükinimi kümtsü shipivi tsü.

MATTHEW 9:22

Jisü no idewo ju eno li ithulu ikelo pa no ishi pi, “Angá, amlo mutotoilu lo, O küpülü no O shipivivae.” Tipau mtsa lono totimi hu ye viluve.

MATTHEW 9:5

Khikhiu no akümláu kea: ‘O xinéqo qhivetsüae,’ ipikeu no keo, ‘Ithuve no alà chelo,’ ipikeu no kea?

MATTHEW 9:6

Ikemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi, “I no O vilo piani, ithulo, O züa ikhipesü aki lo wovelo.”

Mark 1:32

Tipani avelau shive kelo timiqo no küsükinimi eno tüghaküsa no tsüghape akemiqo kümtsü sasü Jisü lau ighi.

Mark 10:49

Jisü no ngove püzü ishi pi, “Pa ku saghi lo.” Ike panongu no anhethi kighicheu ku ghi pi, “O mlo mutotoilo! Ithulo! Pa no O ku anie.”

Mark 5:34

Jisü no li vilo pi, “Angá, O küpülü no O shipivivae. Aloino wolo, no ye O küsü lono viluvae.”

Mark 6:50

kughengu panongu kümtsü no pa ithulu no shishe msàve ke. Paikhavi Jisü no panongu pütsa no ishi pi, “Amlo mutotoilo! Ni ke. Msà kevilo.”

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

John 2:25

Pa ye timiqo shepe kiumu avehupu shimoe, kughengu pa ye timi lakhi-khi lolo kiu akeno ithi ake.

John 21:5

Jisü no panongu vilo pi, “Aküsàmiqo, nongu ye akha lakhimu khalu mphi keshea?” “Khalu mphie,” ipi panongu no khochile.

Apostolmi 14:9

Pa ye Paul kükütsü tsa tsaqüi ini ae. Paul no tsaqüi pa ju kelo pa ye shipiviluve kepu küpülü akeu ithulu

Apostolmi 19:12

tiye pa bulu keu tiphimini eno aküghüsüpu phì kutólo pesü wu no küsükinimi eno tüghaküsa ghawu akemi lau peighi aye aküsǜ jeliqo viluve eno tüghaküsaqo no panongu qhive no pove ke.

Apostolmi 23:11

Tipa jì Ampeu no Paul phivilo puthugho no pi, “Amlo kumto shilo! Jerusalem lo nono I shepe shitsü ketoi, Rome lo ghí no ye I shepe shitsü moayesae.”

Rommi 5:11

Tilikhi kumoe, ikemu ningu Mpeu Jisü Khristo khuu vechewo ningu no itehi külashiluvea keno pa vechewo no ningu ye Alhou lau ghí alovishe acheni.

James 2:18

Ikemu timi khami ye ishi pi nani, “Nono aküpülü ani; I no akümlà ani.” Akümlàqo sümo no O küpülü I piyeju lo, eno I no I kümlàqo vechewo I küpülü O pìye nani.