MATTHEW 7:22 - Sümi Tiqhelimi Bible

²² Küghakütha tsalà lo timi kutomo no I vilo, ‘Ampeu, Ampeu, ningu ye O je lono tungkuptsa pi eno O je lono tüghaküsaqo haphe eno O je lono akümzapu kümlàqo kutomo shiche ke kumo keshea?’ ipi nani.

BAIBEL (BSI)

²² Kughou tipa Tsala ighini keno timi kutomono ivilo ishi pinani, ‘Ampeu! Ampeu! ninguye oje lono Alhou no pilo pikeu piche, oje lono tughami kutomo hapheche eno oje lono akumzapu kumla kutomo shicheke kumokesha!’

Sumi Naga CL (Re-edited) Bible (BSI)

²² Tipa tsala lo kutomo no I vilo pi nani, ‘Ampeu, Ampeu, ningu ye o je lono Alhou tungkuptsa pi, o je lono tüghamiqo haphe, eno o je lono akümzapu kümla kutomo shipüani ke kumo keshea?’

MATTHEW 7:22 Iomraidhean Croise

MATTHEW 10:15

Kuchou no I no nongu vilo pìní, küghakütha tsalà lo mishiphu tipau ye Sodom ngò Gomorrah nguno alau ghimeqhi nani.

MATTHEW 24:36

“Ikemu atsala momu ayì kihedo ghili ye khunomu mthae, kungugha lo kungumiqo ke kumo no Anu ghí mthae, ikemu Apù likhi no ithi anie.

MATTHEW 25:11

“Ado hami thiu, kütamiqo ghí ighi. Panongu no pi, ‘Ampeu, Ampeu, ningu ghenguno ahukikha khaqhi tsülo!’

MATTHEW 7:21

“I vilo, ‘Ampeu, Ampeu,’ ipi kemi kümtsü kungugha kükaphu lo ilomo nani, ikemu khuu no I pù kungugha lo akeu pulou shi cheni keno tipaqo likhi no ilolu nani.

Luke 10:12

I no nongu vilo piani, küghakütha tsalà lo mishiphu tipau ye Sodom nguno alau aghime ithulu nani.

John 11:51

Pa ye pa kutoshi no atsa hipau pimoe, ikemu pa no tipau mpe lo achinetomiqo shou atou shi ake lono Jisü ye Jewmi shiye ghenguno thive nani kepi tungkuptsa kütüghütsü ke,

1 Thes. 5:4

Ikemu athiküzümi eno achelimiqo, nongu ye hipau vehu mtha no anike kumoe, ikehu Ampeu tsalá ighi kelo küpkami lakhi toi nongu kichiqhi pe kepu kumoe.

2 Thes. 1:10

Tipau tsalà lo Ampeu’w akimthemiqo no pa juküvü shi nani eno pa pülüluve kemiqo kümtsü no pa sümsa ghi sheqhe nani. Nongu ghí hilehi kihisü ani, kughengu nongu no ningu küxü shepe nongu tsü keu pülü ke.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

2 Tim. 1:18

Ampeu pelo tsalà tipau lo pa lau kimiyekini pìyelu peniu! Ephesus lo pa no alaghi ajeli kutomo lono I kuphu keu nono akivishi ithi anike.

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.