MATTHEW 7:21 - Sümi Tiqhelimi Bible

²¹ “I vilo, ‘Ampeu, Ampeu,’ ipi kemi kümtsü kungugha kükaphu lo ilomo nani, ikemu khuu no I pù kungugha lo akeu pulou shi cheni keno tipaqo likhi no ilolu nani.

BAIBEL (BSI)

²¹ “Ivilo, ‘Ampeu, Ampeu,’ ipi ikukemi kumtsuno Alhou yehkipelo ilolunike kumoe, ikemu khunoqono iPuh kungughalo akeu pulou shi cheni keno tipaqono ilolu nani.

Sumi Naga CL (Re-edited) Bible (BSI)

²¹ “I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

MATTHEW 7:21 Iomraidhean Croise

MATTHEW 12:50

Kughengu khunoqo no I pù kungugha lo akeu pulou shi cheni keno tipaqo no I thiküzüu, I chepu eno I zá ke.”

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

MATTHEW 18:19

“Itaghi I no kuchou no O vilo pìní, tsalá ayeghi lo panongu no avehupu shi akeu ghenguno kiu-kiumu khu kelo, nongu gholo mikini nomu puloküqhalu aye, I pù kungugha lo akeu no panongu ghenguno shive tsü nani.

MATTHEW 18:3

Eno pa no pi: “Kuchou no I no nongu vilo piani, nongu no kilive püzü itimi lakhi toivemo ke thaqhülo, nongu ye khilemu kungugha kükaphu lo ilo müla nani.

MATTHEW 18:35

“Nongu no nongu mlo lono nongu thiküzümi momu achelimi kipimí qhive tsümo aye, I pù kungugha lo akeu ghí hitoi nongu lakhi-khi peitha nani.”

MATTHEW 19:24

Itaghi I no nongu vilo pìní, kiními lakhi no Alhou kükaphu lo ilolu nikeu ye sayeshi lakhi no ayipuki lono ipu-ipeve keu no akümláue.”

MATTHEW 25:10

“Ikemu kughou panongu no thazü qhü niye alà lo wuche keno, külapuu ighive. Ilimi kutò pe khe akemiqo ye külapuu gholo no külakupu ghulhu lo ilove. Eno ahukikha khathasüluve.

MATTHEW 25:21

“Pa mpeu no khochile, ‘Aghile shivea, pichebekulu eno I qeu kiviu, no ye thime aghulo lomu pichebekulu shike, I no O pelo thime kutomo shou pichempiu shipeni. Ighilo eno O mpeu lokivi lo küsaje lo.’

MATTHEW 26:39

Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

Mark 3:35

Khuno no Alhou pulou shi cheni keno tipaqo no I thiküzüu, I chepu eno I zá ke.”

Mark 9:47

Eno tsalá O nhethi no O müsü sasü axiné shive pe aye, ti lejove no pevelo. Anhethi kini xapusü amiyizü lo vesüve nike züqhulo anhethi lakhi likhi xapusü Alhou kükaphu lo ilo keu pavie.

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

Luke 13:25

Kughou aki mpeu no ithu püzü ahukikha khave keno, nongu ye khalau puthugho no ahukikha kukhu ghi, ‘Akijeu, ningu ghenguno ahukikha khaqhi tsülo,’ ipi qhüiniju nani. “Ikemu pa no, ‘Nongu ye khuu momu khile no ighi ani keno ni ye mthae,’ ipi khochile nani.

Luke 18:25

Kuchou no kiními lakhi no Alhou kükaphu lo ilolu nikeu ye sayeshi lakhi no ayipuki lono ipu-ipeve keu no akümláue.”

Luke 6:46

“Kushiye I vilo, ‘Ampeu, Ampeu,’ ipi no I no pikeu shichemo kea?

John 14:7

Nongu no kuchou no ni ithi aghí aye, nongu ye I pù ghí ithi nani. Hinguno hilau ye nongu ye pa ithivea eno pa ithuluvae.”

John 15:23

I mithi chekemi ye I pù ghí mithi chenie.

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

John 5:17

Pa süsho ghi Jisü no panongu vilo pi, “I pù ye ishí tsalà kutólo tamo no pa kümlà shi achenie, eno ni ghí mülà anie.”

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 2:13

Kughengu Alhou nhekithe lo ye ayeza ini kemiqo no achipiu shilu cheni ke kumoe, ikemu ayeza gholu kemiqo no achipiu mikuchomi kepi shukiphe shitsü cheni.

Ephesiami 6:6

Panongu no nongu ju akelo panongu mlo chulu nikeu ghengu likhi no aghokulu shi kevilo, ikemu Khristo qüaxemiqo toi, nongu mlo kuchou no Alhou pulou shi alo.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Thes. 4:3

Alhou pulou ye nongu pelo shikimtheluve pe moayesa keu ke: nongu ye kipito xüküpsa lau no putosü moayesa;

1 Thes. 5:18

atüqhüdo kümtsü lo shikimthi tsülo; kughengu Khristo Jisü’w shive kemi ghengu ye hino Alhou pulou ke.

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

IBRIMI 13:21

pa pulou shipe nike ghenguno thime kivi kümtsü pesü nongu pipe peniu, eno pa pelo Jisü Khristo vechewo kiu no pa lokiqipu keno tipau ningu lolo mülàlu peniu; pa lau alhokupuju lono alhokupuju kutólo ajuküvü ache pelo! Amen.

IBRIMI 4:6

Khami ghengu ye itehi kutólo akulhokiqhi-a tipau lo ilo niye ngo aphike, eno püzüu khunoqo atsakiviu chilu kemu panongu hekibide ghenguno akulhokiqhi-a lo ilomlave keno tipaqo ghenguno,

James 1:22

Alhou tsa ini keu likhi ini no O likhi O pishiqhi kevilo. Atsa no kiu piani keno tipau shilo.

1 Peter 2:15

Kughengu nongu ye akümlà kivi shikeu vechewo nikhanighamiqow akümtha tsa hasülu moayesa keu no Alhou pulou ke.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

Piyeküsü 2:27

I no I pù lau no kükagha ithulu keu toi pa no ‘ayì küsǘ pesü panongu shou ayè pe nani eno ayeghi lì toi panongu kubopiniyive tsü nani.’

Piyeküsü 22:14

“Khuno no panow tiphiminiqo mithemighei aghíni keno panongu kümghae, tishianguno panongu ye khagho lono Akimthe Mishighüna lo ilolu no aküxüpu süboqo lono axathi chulu nikeu chipiu anani.

Piyeküsü 3:5

Khuu no tokuluu keno pa ghí panongu toi aphimini miyetsüghoi keu pepu nani. Ni ye aküxüpu kaku lono timi tipau je khilemu ikhivemo nani, ikemu I pù eno paw kungumiqo zülo no pa je piphe tsü nani.