MATTHEW 7:15 - Sümi Tiqhelimi Bible

¹⁵ “Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

BAIBEL (BSI)

¹⁵ “Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Sumi Naga CL (Re-edited) Bible (BSI)

¹⁵ “Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

MATTHEW 7:15 Iomraidhean Croise

MATTHEW 10:17

Nolikhi nongu khekuto alo; nongu pesü no-a lo mijetsümiqo u lo sǘve no synagogqo lono nongu heqhi nani.

MATTHEW 16:11

Kíshi püzü ni ye nongu vilo asho ghili piamoke ipi nongu ye vethamla aphi kea? Ikemu Phariseemi eno Sadduceemiqo’w kholaqhi lau no O likhi O jukuto alo.”

MATTHEW 16:6

Ikelo Jisü no panoqo vilo pi, “Kutokupui lo, Phariseemi ngò Sadduceemiqo’w kühakügha lichhe lono nongu likhi nongu jukuto alo.”

MATTHEW 24:11

eno kichileu tungkupumiqo kutomo ipeghi nani eno timi kutomo pishiqhi nani.

MATTHEW 7:14

Ikemu khagho aghulo eno kibikhoi keu laghi ye aküxü lo sawu cheni, eno timi aghulo likhi no tipau là phulu cheni.

Luke 12:15

Tisheno pa no panongu vilo pi, “Jukuto lo! Alakimine jeli kümtsü lono O likhi O jukuto lo; aküakini nibonilei pighi auve keu no aküxü kumo ke.”

Luke 6:26

Kughou timi kümtsü no nongu ye aloe ipini keno, nongu ghenguno ahaküsapue. Kughengu panongu pù-asüqo ghí tipaphi shi kichileu tungkupumiqo vilo piche ke.

John 10:12

Aqe kiqemi ye akheu kumo ke eno ambeqo pighi chemoe. Ike kughou pa no tüngtügha chekeu ithuluni keno pa ye ambeqo likhi qhive no pove cheni. Tisheno tüngtügha no ambe lojiqo le no hapiyepighive tsü chenie.

Apostolmi 13:40

Tungkupumiqo no kiu pipüani keno nongu lau shikupuve pemo nike kutokupui lo:

Apostolmi 13:6

Panongu no züdo yeghiqha kümtsü lo kicheghüzü shive kethiu Paphos tolu. Tilehi Jewmi tuumi shi chekeu, eno kichileu tungkupuu Bar-Jesus ipikeu

Galatiami 2:4

Hipau vehu ye kichileu küpülümiqo khami no ningu no Khristo Jisü vechewo ghoshixü akeu pukuju shi niye ninguw kushoqhe akeu lo itshüiloghi no ningu pesü aqüaxemi shive nike ghenguno ipeghi ke.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

Ephesiami 5:6

Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni.

FILIPIAMI 3:2

Ti atsǜqo, küsakügha kümlà shi chekeqo, eno aphighüyiko ghamasa ipi chekemiqo jukuto lo.

Kolosiami 2:8

Khristo lau no ighi keu kumo aye, khuu pelo nomu abokümsa eno pishikiqhi phukutho khikhi timi kukhuaye eno hipau yeghi ghawu thime küká shou pükhübe keu vechewo ighi cheni keno tipaqo pelo nongu küghasüwuve pe kevilo.

2 Tim. 3:13

eno küsaküghami ngò timi ghili kishimiqo ye alomo keu lono alomokitheuve nani, eno kütami pishiqhive keu likhi kumo no pano likhi pano pishiqhive nani.

2 Tim. 4:3

Kughengu timiqo no akǜlü kuchou papemoveni keu do ighi nani. Tishini ke züqhulo, panongu no pano likhi pano ghapiqilu nikeu eno panongu kìní muthomüzai akeu no chilu nishi keu gholau no pipe nike ghenguno kükütsümi kutomo panongu sühomxa pe qhi nani.

2 Peter 3:17

Tighenguno, kimiye chekemi shompamiqo, nongu ye azüu no pikichivea ke ghenguno, nongu likhi nongu khekuto lo tishianguno ayeza hekibidemiw shikipimi pelo nongu müsü sasü wuve pemo eno nonguw mutotoi keu-a lono ikiqive pemo niye ke.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Piyeküsü 16:13

Tisheno I no mithekumo ghungu küthü achuyí kimihi shikeu ithulu; tipaqo ye tüghaküsa ngò tüghashi eno kichileu tungkupumi kichí lono ipeghi.

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.