MATTHEW 6:9 - Sümi Tiqhelimi Bible

⁹ “Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo,

BAIBEL (BSI)

⁹ Tishiaye hitoi inikhulo; O niPuh kungughalo kuau, Oje akimtheshi pelu pelo,

Sumi Naga CL (Re-edited) Bible (BSI)

⁹ Tishiaye hitoi inikhu lo: “O ni Pu kungugha lo küau, O je akimthe shilo,

MATTHEW 6:9 Iomraidhean Croise

MATTHEW 10:29

Tüghashoqhe kini ye pisa lakhi lono je cheni ke kumo keshea? Ikemu nongu Papù no pulotsümo kelo ye panongu lakhimu ayeghi lo ikiqive pe chemoe.

MATTHEW 23:9

Eno ayeghi lo khuu vilomu ‘Apù,’ ipi ku kevilo, kughengu nongu ye ‘Apù’ lakhi ani eno pa ye kungugha lo anike.

MATTHEW 26:29

I no nongu vilo piani, ni ye hinguno hilau ye atsala tipau tomo ke kutólo, I pù kükaphu lono nongu gholo akithé shi sho nikeu kumo aye, atsaithi hipau lono atsaizü sholumae.”

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

MATTHEW 5:16

Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

MATTHEW 5:48

Kupukülai kemi shilo, kughengu nongu Papù kungugha lo akeu ye kupukülai ke.”

MATTHEW 6:14

Kughengu timi kütami no nongu lau axiné shive kelo, nongu no panongu kipimí qhivetsü aye, nongu Papù kungugha lo küau ghí nongu kipimí qhivetsü nani.

MATTHEW 6:6

Ikemu kughou nongu no akighini shini keno, nongu chebo lo ilo no ahukikha khavelo eno nongu Papù khuu ithulu chemo keno pa vilo inikhulo. Tishiaye nongu Papù khuu nongu no tuqhou no kiu mülà acheni keno ithulu akeu hu no qesaxu nongu tsü nani.

MATTHEW 7:11

Tishiaye nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau aghokivi pesü pa vilo khukemiqo tsü nani kea?

Luke 15:18

Ni ye ithu no I pù lau idewoni eno pa vilo ishi pìní: I pù, ni ye Alhou eno O gizülo axiné shivae.

Luke 15:21

“Anu hu no pa vilo pi, ‘I pù, ni ye Alhou eno O gizülo axiné shivae. Ni ye O nu ipi kuküzü kumovae.’

Luke 2:14

“Kungugha akiqheu lo Alhou lau ajuküvü shilo! eno ayeghi lo pa lokiqi akemi shou aloino keu apelo.”

John 20:17

Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Rommi 8:15

Alhou no pa Ghungu nongu tsü keu ye nongu pesü aqüaxemi shive no nongu pelo itaghi msà kithe ghi xüpe niye tsümoe; ikemu nongu no Aghungu ithulu keu vechewo Alhou no saputhuluve keu anukishimi shitsüe, eno Aghungu küká lono ningu no, “Abba, Apùo!” ipi ighamuku cheni.

Galatiami 1:1

Ni Paul, apostolmi lakhi—timi lau no momu timi vechewo no puwu keu kumoe, ikemu Jisü Khristo khuu Apù Alhou no akithí lono Jisü xüputhu keno, pa no puwu ke—

Galatiami 4:6

Kughengu nongu ye pa nuliqo kehu, nongu pelo, “Abba, Apùo,” ipi ku penike ghenguno Alhou no ningu mlo lo pa Nu Ghungu puwu ke.

1 Tim. 6:16

Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

1 Peter 1:17

Kughengu nongu no Apù khuu agi jumo no timi lakhi-khi shou xatha chekeu ku keu ghenguno, nongu no hilehi ake dolo inamiqo toi agigihu sükümsa lono xülo.

Piyeküsü 4:11

“Ningu Mpeu eno Alhou, no ye ajuküvü ngò agigihu eno aküka ithulu küzü ke, kughengu nono thowkha kümtsü lhoqhi ke, eno O pulou lono panongu lhophe kehu panongu ye xü anike.”

Piyeküsü 5:12

Panongu no ighamuku ghi ishi piae: “Ghiqhive keu Ambeti ye aküka, aküakini, alokütsü, akumto agigihu, ajuküvü eno akishé ithulu küzüpu ke!”