MATTHEW 6:2 - Sümi Tiqhelimi Bible

² “Tighenguno nongu no kughou aveküsami kuphuni keno, nongu ye kühaküghamiqo no synagog eno alaghilaqo lo ighamuku kütami pelo panongu gihu peniye asheshu keu toi shi kevilo. Kuchou no I no nongu vilo pìní, panongu ye pano sala qesaxu kuchopu ithuluvae.

BAIBEL (BSI)

² “Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

Sumi Naga CL (Re-edited) Bible (BSI)

² “Ikehu, kughou nono aveküsami kuphuni keno, khilemu o fuko küigha ghi shikevilo, ti ye keghilishi kemi no timi pelo sheqhe peniye sinagog eno alaghila lono tishi cheni. Kuchou no I no nongu vilo piani, panongu ye pano jume ithulu khavae.

MATTHEW 6:2 Iomraidhean Croise

MATTHEW 15:7

Nongu kühaküghaqo! Isaiah no tungkuptsa lono nongu ghili pi kelo pa ye achipi shi pie:

MATTHEW 16:3

eno inaqhe ye, ‘Ishí ye pasapagha tsalà shini cheni, kughengu atsütsǘ ye huchuhuyi eno züchiyi ani,’ ishi pi cheni. Nongu ye atsütsǘ lo ipeghi akeu ghili kíshi pìní keno ithi anie, ikemu nongu ye ado ghuloki michipu ghiliqo ye pilu chemoe.

MATTHEW 22:18

Ikemu Jisü ye panongu müqü lhoküsa ithi akehu ishi pi, “Nongu kühaküghaqo, nongu ye kushiye I kitime niye pükapütsa ani kea?

MATTHEW 23:5

“Panongu no shikeu kümtsü kütami pelo ithulu pe nikeu ghenguno shi cheni: Panongu no aumlo lo Kuchoyesü tsa bohu khapu chekeu kijè shikithe cheni eno panongu phishe lo tshüpu chekeu kushuwa shikithe cheni;

MATTHEW 23:6

aghulhu-a lo panongu ye agigihu-a mine cheni, eno synagog lo akhoto lakhüqo lo iqanishi cheni;

MATTHEW 24:51

Ampeu no pa qeu aleqhi shi ghithave nani eno pa pesü kühaküghamiqo gholo qhive nani, eno tilehi ahu tsüghü-bubushi qa anani.”

MATTHEW 5:18

Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:3

Ikemu kughou nongu no aveküsamiqo kuphuni keno, O u ajeu no kiu tsü ani keno O u piyiu pelo ithi pe kevilo,

MATTHEW 6:5

“Eno kughou nongu no akighini shini keno kühaküghamiqo toi shi kevilo, kughengu panongu ye synagogqo lo puthugho no akighini shinishi cheni eno kütami pelo ithulu peniye alaghila chekuqo lono akighini shi cheni. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 7:5

No ye kühaküghamie, atüghishi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

Mark 12:39

Eno panongu ye synagog lo ghí kümtsü nguno akhotou lakhüqo lo iqanishi cheni, eno aghulhu-a lo ghí akhoto-a phu cheni.

Mark 7:6

Jisü no khochile, “Isaiah no tungkuptsa lono nongu kühaküghaqo ghili pi kelo pa ye achipi shi pie; Tiye ishi yèpüani: “ ‘Timi hipaqo ye pano kichí lo ye I gihu cheni, ikemu panongu mlo ye I lau no putosü pe anie.

Luke 11:41

Ikemu nongu khu-ajikhu lo kiu ani keno kumlhomi lau tsükinimi shilo, eno O ghenguno thowkha mitheluve nanie.

Luke 11:43

“Nongu Phariseemiqo ye ahaküsapue, kughengu nongu no Synagogqo lo alakhü akhotouqo eno alhikishi-a lo agigihupu petha kimiye cheni.

Luke 12:33

Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Luke 12:56

Kühaküghaqo! Nongu ye atsütsǘ eno ayeghi zümlhü ipeghi akeu ghili kíshi pìní keno ithi anie. Tishiaye nongu ye kíshi no hipau do ghuloki ghili pebide nikeu mthave kea?

Luke 13:15

Ampeu no pa khochile, “Nongu kühaküghaqo! Nongu lakhi-khi no Sabbath tsalà lo nongu mishitsü momu khurha ki lono kuqho sawo azü pìye cheni ke kumo keshea?

Luke 20:46

“Ayeza kükütsümiqo jukuto alo. Panongu ye chijeboboi-phi kushuwa usü iqho-iqi nishi cheni eno alhikishi-a lo panongu gihu ghi petha tsüpe nishi cheni. Eno panongu ye synagog lo ghí kümtsü nguno akhotou lakhüqo lo iqanishi cheni, eno aghulhu-a lo ghí akhoto-a phu cheni.

Luke 6:24

“Ikemu nongu khunoqo no kiními keno ahaküsapue, kughengu nongu ye alokughuno ithuluve ake.

Luke 6:42

No ye kíshi no O likhi O nhethi lo asülu akeu jukutomo püzü O thiküzüu vilo, ‘O nhethi lo amihi akeu I no ikhipheve tsüní,’ ipi luni kea? No ye kühaküghamie, atüghishi O likhi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

John 13:29

Kughengu Judas no pisa jukütsü che kehu, khami no kümsü keu no Jisü ye pa vilo tiqhitini lo kiu avehupu shi nani momu kiuala pesü kumlhomiqo tsü nike qhü lo piani küghashive ke.

John 5:41

“Ni ye timiqo lau no shekiqhe ikhilu chemoe,

John 5:44

Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

Apostolmi 10:4

Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Apostolmi 24:17

“Ampe hami thikhau ni ye Jerusalem lo ighi, tiye niw timiqo no aghò tsü keu pesü kumlhomiqo tsü eno akümlaghoqo mülá niye ighike.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 13:3

I no pighi akeu kümtsü pesü athokhamiqo lau tsüve aghiluvi eno I phimpi pesü pitive peniye ikhiphe pesü tsüve keu lo qheza aghiluvi, ikemu kikimiye küha kelo ni ye kiumu alá shimlae.

Galatiami 2:10

Panongu no qhüiniju keu no ningu ye tamo no athokhamiqo ghenguno inikhu moayesa ipi, tiye I no alhokuthu shinishi chekeu thime ke.

Ephesiami 4:28

Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

1 Thes. 2:6

Ningu ye Khristo’w apostolmi ke ghenguno nongu lau no kiu avehupu shi ani keno khulu kepu kükagha anie, ikemu ningu ye timi lau no momu nongu lau ke kumo no khuu lau nomu akishé lu niye phu amoe.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

Philemon 1:7

Ow kikimiye no alokiqi kijè I tsü eno I shikumto luvae, kughengu athiküzüu, nono Ampeu’w timiqo mlo ghüthipüxüve tsü ake.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.