MATTHEW 6:1 - Sümi Tiqhelimi Bible

¹ “O chipiumikucho kümlà ithulu peniye timi zülo pephe-piye keu shimo nike kutokupui alo. Tsalá nongu no tishiaye, Apù kungugha lo akeu lau no asaxu ithumla nani.

BAIBEL (BSI)

¹ “Timi pelo ithulupe niye nowu achineyehlo shichekeu kikimiye kumla timi zulo shipe piye kevilo. Kughengu nonguno tishiaye nongu paPuh kungughalo akeu launo nongu jume kuhave nani.

Sumi Naga CL (Re-edited) Bible (BSI)

¹ “Mthamini nongu ye timi pelo ithulu peniye aküpülü khuaye nongu no papelu chekeu pesü aqha zülono shipiyelu nosake tsükhüi lo, nongu no tishi aye kungugha lo nongu Papu launo ajume ithulumae.

MATTHEW 6:1 Iomraidhean Croise

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 16:6

Ikelo Jisü no panoqo vilo pi, “Kutokupui lo, Phariseemi ngò Sadduceemiqo’w kühakügha lichhe lono nongu likhi nongu jukuto alo.”

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

MATTHEW 23:5

“Panongu no shikeu kümtsü kütami pelo ithulu pe nikeu ghenguno shi cheni: Panongu no aumlo lo Kuchoyesü tsa bohu khapu chekeu kijè shikithe cheni eno panongu phishe lo tshüpu chekeu kushuwa shikithe cheni;

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

MATTHEW 5:16

Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

MATTHEW 5:46

Nongu no nongu kimiye chekemi likhi kimiye aye no ye kiu saxu ithulu nani kea? Zame küqhamiqo thotsü tishi cheni ke kumo keshea?

MATTHEW 5:48

Kupukülai kemi shilo, kughengu nongu Papù kungugha lo akeu ye kupukülai ke.”

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:9

“Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo,

Mark 8:15

Jisü no panongu pikichive ghi pi, “Kutokupui lo, Phariseemi’w kholaqhi eno ti Herod’w kühakügha lichhe lono nongu likhi nongu jukuto alo.”

Luke 11:35

Tishiaye O lolo aküvü akeu hu àküzǘ kumo kemo keno jukuto lo!

Luke 12:1

Tishi akelo, timi qhethonhe shou kumqoluve, ikehu panongu lakhi no lakhi neda wuve, ikelo Jisü no atüghishi pa khopemiqo vilo ishi pi: “Nongu ye Phariseemi’w kühakügha lichhe lono nongu likhi nongu jukuto alo.

Luke 12:15

Tisheno pa no panongu vilo pi, “Jukuto lo! Alakimine jeli kümtsü lono O likhi O jukuto lo; aküakini nibonilei pighi auve keu no aküxü kumo ke.”

Luke 16:15

Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

John 12:43

kughengu panongu ye Alhou no sheqhe keu nguno alau timi no sheqhe keu kimiye cheni ke.

John 5:44

Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

Apostolmi 3:12

Kughou Peter no hi ithulu keno pa no panongu vilo pi: “Aküsàmi Israelmiqo, kushiye hino nongu kichiqhive pe ani kea? Kushiye nongu ye ni küká momu ni mikucho lono timi hipau pelo alachelu pe ake toi qheghüi ningu ju ani kea?

Galatiami 6:12

Khunoqo no timi lhoaye vechewo timi kütami pulou shinishi cheni keno panongu ye nongu pelo tsümomo aphighüyiko ghave peniye pükapütsa anie. Panongu no hipau shi akeu ye Khristo’w kros ghenguno pishi-puju keu lono müxüve nikeu ghengu likhi no ke.

IBRIMI 11:26

Khristo je ghenguno timi no pa peithapüsa keu lo Egypt yeghi lo akinikhuki kümtsü nguno amekushou kepi kihiluve, kughengu pa ye paw qesaxu huqhe ake.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

2 John 1:8

Nongu ye ningu no mülasüpüa keu hu pühavemo no qesaxu kuchopu ithulu kepu shi jukuto lo.