MATTHEW 5:9 - Sümi Tiqhelimi Bible

⁹ Timi dolo külashi tsü chekemiqo kümghae, kughengu panongu ye Alhou nuliqo ipi ku nani.

BAIBEL (BSI)

⁹ “Timi dolo alashitsukemi kumghae, kughengu panonguye Alhou nuliqo ipi ku nani!

Sumi Naga CL (Re-edited) Bible (BSI)

⁹ “Külakishimi kümghapue, kughengu panongu ye Alhou tianuli ipi ku nani.

MATTHEW 5:9 Iomraidhean Croise

MATTHEW 5:45

tishianguno nongu ye Apù kungugha lo akeu nuli shilu nani ke. Pa no paw khetsünhe pelo küsaküghami ngò akivimi shou yèpuku pe cheni, eno tsütsüghu pesü amikuchomi ngò amikucho kumomi lau puwu tsü cheni.

MATTHEW 5:48

Kupukülai kemi shilo, kughengu nongu Papù kungugha lo akeu ye kupukülai ke.”

Luke 20:36

eno panongu ye khilemu thimove nani; kughengu panongu ye kungumi toive nani. Panongu ye Alhou nuliqo ke, kughengu panongu ye xülethuve kemi nuliqo ke.

Luke 6:35

Ikemu O ghümiqo kimiye lo eno panongu lau akivi kümlà shilo, püná lo eno kiumu tsüchile pe nikeu laju kevilo. Tishianguno no ye ajume kijè anani eno no ye shishe Akiqheu Lhou nuli shilu nani; kughengu pa ye shikimthi küha kemi eno küsaküghami lau kimiyeqhiyi ke.

Apostolmi 7:26

Tishiwo thoghiu Moses no Israelmi kini kichighi aghí keu ithulu. Pa no pükapütsa no pama külakishi shive tsü niye ishi pi, ‘Timi ghí lai! Nokujo ye athiküzümi ke; nokujo ye kushiye lakhi no lakhi ghüza nishi ani kea?’

Rommi 12:18

Eno tolu ke thaqhülo O shelo timi kümtsü sasü külashi ghi xülo.

Rommi 8:14

Kughengu Alhou Ghungu no khunoqo sapheni keno panongu ye Alhou nuliqo ke.

Rommi 8:16

Aghungu ampiu no ningu ghungu gholo küqha no ningu ye Alhou nuliqo kepi thopi shitsü cheni.

Rommi 8:19

Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

1 Kor. 6:6

Ikemu tishini ke züqhulo, athiküzümi lakhi no lakhiu sasü atsa küküghaki lo wucheni—eno ti ghí pülümo kemiqo zülo wucheni.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Ephesiami 4:1

Tishiaye ni Paul, Ampeu ghenguno akughumi lakhi shi akeu no, nongu pelo nongu kulùve keu qhemi aküzüpushi xü penike nongu hakite ani.

FILIPIAMI 4:2

Ampeu lono akükümsü lakhi shilu penike I no Euodia vilo qhüiniju ani eno titoi Syntyche vilo ghí qhüiniju ani.

Kolosiami 3:13

Lakhi no lakhi lau küsüqhikulu shilo eno nongu khuala no kütami lau kumchhokumnu shikeu aghí aye lakhi no lakhi kipimí qhitsülo. Ampeu no nongu kipimí qhitsü ketoi nongu ghí lakhi no lakhi kipimí qhitsülo.

IBRIMI 12:14

Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.