MATTHEW 5:22 - Sümi Tiqhelimi Bible

²² Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

BAIBEL (BSI)

²² Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

Sumi Naga CL (Re-edited) Bible (BSI)

²² Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

MATTHEW 5:22 Iomraidhean Croise

MATTHEW 10:17

Nolikhi nongu khekuto alo; nongu pesü no-a lo mijetsümiqo u lo sǘve no synagogqo lono nongu heqhi nani.

MATTHEW 10:28

Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

MATTHEW 12:24

Ikemu kughou Phariseemiqo no hipau chilu keno, panongu no pi, “Timi hipau ye Beelzebul kükapuu tüghaküsaqo küká vechewo tüghaküsaqo haphe anie.”

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 18:21

Tile Peter no Jisü lau ighino iniju, “Ampeu, I thiküzüu momu I chepu no I shou axiné shive kelo niye ghuthu khijehi akipimí qhivetsü kepu kea? Ghuthu tsünì kutólo keshea?”

MATTHEW 18:35

“Nongu no nongu mlo lono nongu thiküzümi momu achelimi kipimí qhive tsümo aye, I pù kungugha lo akeu ghí hitoi nongu lakhi-khi peitha nani.”

MATTHEW 23:15

“Nongu ayeza kükütsümi ngò Phariseemiqo ghenguno ahaküsapue! Nongu kühaküghaqo! Nongu no timi lakhi mlo pebide pe no Jewmi chineye lo sǘ niye azüghi kathasü ayeghiqha kuchopu kicheghüzü shi wucheni, eno kughou tishiluve nike no, nongu no pa pesü nongu toi ghuthu kini qhemi amiyizü lomi lakhi shive pe cheni.

MATTHEW 23:33

“Nongu apighiqo! Nongu pighizü tiqo! Amiyizü lo kiléqhi sǘve keu lono nongu ye kíshi pokajolu nani kea?

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

MATTHEW 26:59

Ikelo, achinetomiqo eno Jewmi Hoho lo akemiqo kümtsü no Jisü pìthíve niye akimiki shepe phuju ae.

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

MATTHEW 5:34

Ikemu I no nongu vilo pìní, khilemu kungugha jeku no tushoqhi kevilo, kughengu tiye Alhou küká lakhü ke;

MATTHEW 5:44

Ikemu I no nongu vilo piani, O ghümi kimiye lo eno khunoqo no nongu pishi-puju cheni keno panongu ghenguno inikhu tsülo,

Mark 14:55

Ikelo achinetomiqo eno Jewmi hoho lo akemiqo kümtsü no Jisü pìthíve niye akipimí shepe phuju ae, ikemu panongu ye lakhimu phumlae.

Mark 15:1

Inaqhe itheno achinetomiqo gholo kichimi, ayeza kükütsümi eno Jewmi hoho lo akemiqo kümtsü küqha no aküküpütsa shie. Tisheno panongu no Jisü tshü pesü wu no Pilate lau phesüve tsü.

Luke 12:5

Ikemu khuu msà kepu keno I no nongu pìyeni: Khuu nongu phimpi pìthíve kethiu ghí amiyizü lo vesüve kulupu kükagha ani keno pa msà lo. Iyei, I no nongu vilo piani, pa msà lo.

Luke 22:66

Kughou inaqhe vüipeghi keno Jewmi ampemi kichimiqo; achinetomi eno ayeza kükütsümiqo kinikujo aqoshi kusho, eno Jisü panongu zülo saipeghi.

John 11:47

Ikelo achinetomi eno Phariseemiqo no Jewmi Hoho kukütsü püzü no aküküpütsa shi. Panongu no ishi iniju, “Ningu ye kíshiveni kea? Timi hipau no hilehi amichipu kümlà kutomo shi anie.

John 15:25

Ikemu hiye panongu Yeza lo ishi yèpüa keu shikupu nikeu ghenguno ke: ‘Panongu no ajeku küha no I mithi ke.’

John 7:20

Aqokitikhi no khochile, “No ye tüghaküsa no tsüghape anie. Khuu no O pìthíve niye pükapütsa ani kea?”

John 8:48

Jewmiqo no pa khochile, “No ye Samariami eno tüghaküsa no tsüghape akemi kepi ningu no pikeu ye achipi ke kumo keshea?”

Apostolmi 17:18

Ikelo Epicureami kükütsü pape kemi eno Stoic phukuthomi khami no pa sasü kighe thuve. Khami no ishi pi, “Tsathipa hipau ye kiu pi niye shiju ani kea?” Kütami khami no ishi pi, “Pa ye inami lhou ghili pi aghí kepu toi anie.” Panongu no hitoi pikeu ye Paul no Jisü tsakiviu eno xülekuthu ghili pikeu ghenguno ke.

Apostolmi 22:30

Jewmi ye kughengu no Paul nguku ani keno zatsüu ye mütsüqhei phupheju nishive. Ikehu tishiwo thoghiu pa no Paul kuqhopheve no achinetou ngò Jewmi Hoho lo kihiküsümi kümtsü kumqo penike azah tsüve. Tisheno pa no Paul sasü ighino panongu zülo puthugho pe.

Apostolmi 23:1

Paul no anhesüküqümo no Jewmi Hoho lo akemi ju no pi, “I thiküzümiqo, ni ye I kükümsü kiumu pünamo no ishí kutólo Alhou lau I kümlapù shikupuluvae.”

Apostolmi 24:20

Momu hile ngo akemi no I no Jewmi Hoho zülo puthugho kelo panongu ye I no ayeza heküxá kümlà kiu shipe püaghi keu ithulu keno piju pelo,

Apostolmi 4:15

Ike panongu no pama pelo Jewmi Hoho zülo no ipeve penike azah tsüve, eno tisheno panongu dolo no küptsae.

Apostolmi 5:21

Panongu vilo pikeu toi, atsala vüipeghi kethiu panongu no achineki lo ilo no timiqo kütsü thuve. Kughou achinetou eno pa gholo kutubo kichemi no ighi keno panongu no Jewmi Hoho kukütsü kumqo püzü Israel lo sakiphemi eno kichimi kümtsü hekütsü no akughuki lo apostolmiqo sasü ighi penike puwu.

Apostolmi 5:27

Apostolmiqo sasü ighino achinetomiqo shou atou pelo kideküdai iniju peniye Jewmi Hoho zülo puthugho pe.

Apostolmi 6:12

Panongu no timiqo, kichimiqo eno ayeza kükütsümiqo xukuthove. Panongu no Stephen küghaluve no Jewmi Hoho zülo sasü ighi.

Apostolmi 6:15

Jewmi Hoho ki lo iqa akemi kümtsü agi süküqümo no Stephen gi lo jupuku, eno panongu no kungumi gi toi pa gi ithulue.

Apostolmi 7:37

“Moses hipau ye Israelmiqo vilo, ‘Alhou no nongu ghenguno tungkupu I toi keu lakhi nonguw timiqo dolo no ipeghi pe nani’ ipikeu ke.

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

1 Kor. 6:10

küpkami na alakiminemi na shokümzümi na kütami pipütha chekemi na pishiqhi chekemi namu Alhou kükaphu ighí mülae.

1 Kor. 6:6

Ikemu tishini ke züqhulo, athiküzümi lakhi no lakhiu sasü atsa küküghaki lo wucheni—eno ti ghí pülümo kemiqo zülo wucheni.

1 Thes. 4:6

Eno hipau vehu lo khumu athiküzümi momu achelimi lakhi shou alhoküsa shikepu kumo momu alikhi alá ghenguno adokivi lu kepu kumoe. Ningu no azüu no nongu vilo pive eno pikichive keu toi, hitoi keu xiné shikemi kümtsü Ampeu no ghimeqhi nani.

Titus 3:2

khiumu pipütha pemo nikeu, külakishi eno kümsükulumi shi apeni keu eno alhokuthu lo kümtsü lau akümtsha shi apenike ghutú alo.

IBRIMI 12:25

Nongu ye khuu no atsa pi cheni keno pa milimo nike jukuto lo. Kughou ayeghi lo khuu no panongu pikichi keno pa milive keu lo ghí pokajo mülave aye, ningu ye kíshi no khuu kungugha lono ningu pikichi cheni keno pa lau no tsüghüsü wuve no polu nani kea?

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

James 2:20

O nikhanigha timio, no ye akümlà sümo keu küpülü ye avehu küha ipikeu thopitsa avehupu shi ani keshea?

James 3:6

Amili ghí ami lakhi ke, amili ye aphimpi dolo küsakügha yeghiqha lakhi ke. Amili no aphimpi kuchopu shikuchubeve cheni ke, timi lakhi küxü kupuju lo ami sǘvetsü cheni, eno amili ghí amiyizü mi no pitive cheni ke.

1 Peter 2:23

Kughou panongu no panonguw thogha keu pesü pa shou puku keno, pa ye mjochilemoe; kughou pa no ime akeno, pa ye khumu kichiqhi keu shimoe. Tishini ke züqhulo pa ye pa likhi pa pesü khuu no achipi shi küghathabe cheni keno pa pichebevetsüe.

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

1 John 2:9

Khukhumu aküvü lo ani kepi pükha püzü athiküzümi momu achelimi lakhi mithi aye àküzǘ lo aphie.

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

1 John 5:16

Tsalá nongu no athiküzümi momu achelimi khuala no akithipu lo sawuvemo kepu xiné shive keu ithulu aye, nongu ye akighini shi moayesa eno Alhou no aküxü panongu tsü nani. Ni ye axiné khipaqo no akithipu lo sawuve chemo keno tipaqo pi anike. Akithipu lo sawuve chekeu xiné lakhi ani. Ni ye nongu vilo tipau ghenguno akighini shilo pi anike kumoe.

Jude 1:9

Ikemu kungumi gholo atou Michael kutólo kughou pa no Moses sükumo ghenguno tüghami sasü kütsala akeno, pa ye tüghami no pipütha ke ghenguno pa likhi pa kiléqhi nikeu akumto shimoe ikemu, “Ampeu no O lomipi nani!” ipi ke.

Piyeküsü 20:14

Tipathiu akithí ngò Hades pama ye pesü ami yizükucho lo vesüve. Ami yizükucho hipau ye akithí akiniù ke.