MATTHEW 5:18 - Sümi Tiqhelimi Bible

¹⁸ Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

BAIBEL (BSI)

¹⁸ Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

Sumi Naga CL (Re-edited) Bible (BSI)

¹⁸ Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

MATTHEW 5:18 Iomraidhean Croise

MATTHEW 10:15

Kuchou no I no nongu vilo pìní, küghakütha tsalà lo mishiphu tipau ye Sodom ngò Gomorrah nguno alau ghimeqhi nani.

MATTHEW 10:23

Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

MATTHEW 10:42

I no kuchou no nongu vilo pìní, timi khuu no I khopemi gholo akitilau shi aghí namu pa ye I khopemi kepi azü kumko ajikhu lakhi likhimu pesü tsüní keno, panoqo ye khilemu panow qesaxu pühamo nani.”

MATTHEW 11:11

Kuchou no I no nongu vilo pìní, totimi no punú kemiqo dolo khunomu John Baptiz kishiu nguno akijeu kühae; ikeghi kungugha kükaphu lo khuu no aghulou keno pa ye John nguno akijeu ke.

MATTHEW 13:17

Kuchou no I no nongu vilo pìní, tungkupumi eno amikuchomi timi kutomo no nongu no kiu ithulu ani keno ti ithulu nishi che kemu ithumlave, eno nongu no kiu chilu ani keno chilu nishi che kemu chimlave ke.

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 17:20

Pa no ishi khochile, “Kughengu nongu ye aküpülü ighono mikhe anike. Kuchou no I no nongu vilo pìní, nongu no aghane thi pahi likhimu aküpülü aghí aye, nongu no naghuto hipau vilo, ‘Hile no hulau ithawuve lo,’ ipi kelo tipau no ithawuve nani. O ghenguno kiumu shikümlapu küha nani.

MATTHEW 18:18

“Kuchou no I no nongu vilo pìní, nongu no ayeghi lo kiu-kiumu khave aye kungugha lo ghí khave nani eno nongu no ayeghi lo kiu-kiumu kuqhove aye kungugha lo ghí kuqhove nani.

MATTHEW 18:3

Eno pa no pi: “Kuchou no I no nongu vilo piani, nongu no kilive püzü itimi lakhi toivemo ke thaqhülo, nongu ye khilemu kungugha kükaphu lo ilo müla nani.

MATTHEW 19:23

Tisheno Jisü no pa khopemiqo vilo pi, “Kuchou no I no nongu vilo pìní, kiními lakhi no kungugha kükaphu lo ilolu nikeu hu ye kushokütsüe.

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

MATTHEW 21:21

Jisü no khochile, “Kuchou no I no nongu vilo pìní, tsalá nongu no lipimo no aküpülü aghí aye, nongu no mububo shou kiu shive keno tilikhi kumo, ikemu nongu no naghuto hipau vilo, ‘wuvelo, O pesü azüghi lo vesüve lo,’ ipi aye tishive nani.

MATTHEW 21:31

“Hi pama dolo khikhiu no apù no pulo akeu shilu kea?” “Atüghiu noe,” ipi panongu no khochile. Jisü no panongu vilo pi, “I no kuchou no nongu vilo pìní, zame küqhami eno kütüqhamiqo no nongu züu no Alhou kükaphu qholo ilo auvae.

MATTHEW 23:36

Kuchou no I no nongu vilo pìní, hipaqo kümtsü tiqheli hipau shou ikughi nanie.

MATTHEW 24:2

Jisü no iniju, “Nongu ye hipaqo kümtsü ithulu anima? I no kuchou no nongu vilo pìní, hilehi atu lakhimu lakhi shou bepe ngomove nani, eno atu kümtsü tuleqhive nani.”

MATTHEW 24:47

Kuchou no I no nongu vilo pìní, pa no aqeu pelo paw küakini kümtsü shou ampeu shipe nike picheve nani.

MATTHEW 25:12

“Ikemu pa no khochile, ‘Kuchou no I no nongu vilo piani, ni ye nongu mthae.’

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

MATTHEW 25:45

“Pa no khochile nani, ‘Kuchou no I no nongu vilo pìní, nongu no akitilau hipaqo lau kiu mülàmove keno, tiye I lau mülàmo keu ke.’

MATTHEW 5:26

Kuchou no I no O vilo pìní, O shou asǜ chu keu pisa ashekhau tsükhave moke kutólo, no ye ipeghi müla nani.

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:2

“Tighenguno nongu no kughou aveküsami kuphuni keno, nongu ye kühaküghamiqo no synagog eno alaghilaqo lo ighamuku kütami pelo panongu gihu peniye asheshu keu toi shi kevilo. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 8:10

Kughou Jisü no hi chilu keno pa ye akichiqhive eno pa pape chekemiqo vilo pi, “Kuchou no I no nongu vilo pìní, ni ye Israel lo aküpülü kuloghi hitoi kemi lakhimu phu müla aphie.

Mark 10:15

Kuchou no I no nongu vilo piani, timi khuu no itimi lakhi toive püzü Alhou kükaphu ikhilumo nike no khilemu Alhou kükaphu lo ilo müla nani.”

Mark 10:29

Jisü no khochile, “Kuchou no I no nongu vilo piani, khuu no ni eno atsakiviu ghenguno aki qhive momu athiküzümi, achelimi, apù-aza momu atianuli momu aki-aluqo pheveni keno

Mark 11:23

Kuchou no I no nongu vilo pìní, tsalá khuala no pano mlo lo lipimo no panongu no kiu pive keno tishi nani kepi pülü püzü naghuto hipau vilo, ‘Wulo, O likhi O pesü azüghi lo vesüve lo,’ ipi aye panoqo ghenguno tishive tsü nani.

Mark 12:43

Jisü no pa khopemiqo ku no ishi pi, “Kuchou no I no nongu vilo pìní, athokhau achimeu hipau no kütamiqo kümtsü nguno alau akiníbohu lo süvae.

Mark 13:30

Kuchou no I no nongu vilo pìní, hipaqo kümtsü mütsümishei shikupumo ke thaqhülo hipau tiqheli ye kühave keu shimo nani.

Mark 14:18

Panongu no aghulhu lipa lo chu akelo, Jisü no pi, “Kuchou no I no nongu vilo pìní, nongu lakhi no I pesü thechu shive nanie.”

Mark 14:25

Kuchou no I no nongu vilo pìní, Alhou kükaphu lo akithé shi atsaizü shomo ke tsalà kutólo ni ye atsaithi lono atsaizü akiniù sholumae.”

Mark 14:30

Jisü no khochile, “Kuchou no I no O vilo pìní, ‘Ishí, tiye itiji awudu no ghuthu kini igha mphi züu, O likhi no ye ghuthu küthü I milive nani.’ ”

Mark 14:9

Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”

Mark 3:28

Kuchou no I no nongu vilo pìní, timi no axiné shikeu eno pipütha keu jeli kümtsü kipimí qhivetsülu nani,

Mark 6:11

Eno khile-khilemu nongu sasümo momu nongu tsa inimo aye, tipau-a qhivelo eno panongu lachile akeu thopi michi shi nongu pukhu müzá lo ayeghimukhu kukhuqhivelo.”

Mark 8:12

Jisü no amloghuju thuthu shè püzü ishi pi, “Kushiye tiqheli hipau ye amichipu kümlà khu acheni kea? Kuchou no I no nongu vilo pìní, amichipu kümlà kiumu tiqheli hipau tsüní chemoe.”

Mark 9:1

Eno Jisü no panongu vilo pi, “Kuchou no I no nongu vilo pìní, hilehi I gholo puthugho akemi dolo khami ye Alhou kükaphu aküka kumto lono ighi keu ithulu mphi züu ye akithí michemo nani.”

Mark 9:41

Kuchou no I no nongu vilo piani, nongu no Messiah papemi shi aghí keu vechewo timi khuu no azü ajikhu lakhi likhimu nongu piyéni keno panongu ye khilemu panow qesaxu pühamo nani.

Luke 11:51

tiye Abel ghiqhi keu jì lono wo Zechariah khuu akümlá-khache ngò akimthe-a küma dolo no ghiqhive keu jìw bemakho ye hipau tiqheli no pù nani. Iyei, I no nongu vilo piani, hipau tiqheli no tipaqo kümtsü bemakho pù nani.

Luke 12:37

Aqemi khunoqo no ampeu no ighi kelo jukuto ngokhe aghí keu phuluni keno tipaqo kümghae. Kuchou no I no nongu vilo pìní, pa no lojí nikeu phimini pepu no panoqo pelo aghulhu lipa lo iqave püzü pa no ighino panoqo lojí nani.

Luke 13:35

Julo, O ki ye kümsá shivae. Kughengu I no nongu vilo pìní, nongu no, ‘Ampeu je lono khuu cheni keno pa kümgha tsülo,’ ipi moke kutólo nongu ye ni ithulu kithemae.”

Luke 16:17

Moses yeza lo atsathi aghulou eno choküsü akeu ayeza yèpüa keu aghuloumu ikhive nikeu ye kungugha eno ayeghi hauve keu no akümláu ke.

Luke 18:17

Kuchou no I no nongu vilo piani, timi khuu no itimi lakhi toi Alhou kükaphu ikhilumoni keno khilemu Alhou kükaphu lo ilo müla nani.”

Luke 18:29

Jisü no pi, “Kuchou no I no nongu vilo piani, khuno no Alhou kükaphu ghenguno aki qhive momu anipu, athiküzüu, achepu, apù-aza momu atianuli qhiveni keno

Luke 23:43

Jisü no pa khochile, “Kuchou no I no O vilo pìní, no ye ishí no I gholo alokughuno-a lo aniae.”

Luke 4:24

Jisü no kibe ghi pi, “Kuchou no I no nongu vilo pìní, tungkupumi khiumu pano punugha lo ikhilu chemoe.

John 1:51

Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

John 10:1

“Phariseemiqo! Kuchou no I no nongu vilo pìní, khukhumu ambe khagho lono ambe khaküthabo lo ilomo püzü alaghi kütau lono milisü iloghini keno, pa ye küpkami eno süxakulumi lakhi ke.

John 10:7

Tighenguno Jisü no itaghi pi, “Kuchou no I no nongu vilo pìní, ni ye ambeqow khagho ke.

John 12:24

Kuchou no I no nongu vilo pìní, athì lothi lakhi ye ayeghi lo ikiqi ilo no thivemo ke thaqhülo tiye athi likhi athoshi acheni. Ikemu tsalá tipau no thive aye, tino athi kutomo pithí cheni.

John 13:16

Kuchou no I no nongu vilo pìní, aqemi lakhi ye pa mpeu nguno akijeu kumoe, momu aghinikishiu lakhi ye pa puwu keu nguno akijeu kumoe.

John 13:38

Ikelo Jisü no khochile, “No ye kuchou no O küxü pesü I ghenguno tsüve nani keshea? Kuchou no I no O vilo pìní, awudu no igha mphi züu, no ye ghuthu küthü I milive nani!

John 14:12

Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

John 16:20

Kuchou no I no nongu vilo pìní, ayeghiqha no alovishe akelo nongu ye qanimlo nani. Nongu ye amlokighishi shi nani, ikemu nongu mlokighishi ye alokiqipu shive nani.

John 16:23

Tipau tsalà lo nongu ye I vilo kiumu injumove nani. Kuchou no I no nongu vilo pìní, nongu no I je lono kiu-kiumu khu aye I pù no nongu tsü nani.

John 21:18

Kuchou no I no nongu vilo pìní, kughou nongu no alhothe shiche keno nongu ye nongu kutoshi tiphimini pepu no nongu no wu nishi keu-a lo wuche; ikemu kughou nongu no kitemi shiveni keno nongu ye nongu u chhope ngo püzü kütami no nongu ghili kutotsü nani eno nongu no wuni shimo keu-a lo sawu nani.”

John 3:11

Kuchou no I no O vilo pìní, ningu ye nino ithi akeu pi cheni, eno ningu ye kiu ithulu keno tipau thopi shi cheni, ike tishi keghi nongu timiqo ye ningu shepe ikhilu chemoe.

John 3:3

Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

John 6:26

Jisü no khochile, “Kuchou no I no nongu vilo pìní, nongu ye I no amichipu kümlàqo shikeu ithulu keu ghenguno kumo püzü nongu no asho chu no nongu kive pichhilu keu ghenguno I phu chenie.

John 6:32

Jisü no panongu vilo pi, “Kuchou no I no nongu vilo pìní, kungugha lono asho tsü keu ye Moses no kumo ke, ikemu I pù no kungugha lono kuchou sho pesü nongu tsü cheni.

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:53

Jisü no panongu vilo pi, “Kuchou no I no nongu vilo pìní, Timi Nu shi chumo eno pa jì yemo ke thaqhülo nongu ye lhokta küxü ithumla nani.

John 8:34

Jisü no khochile, “Kuchou no I no nongu vilo pìní, axiné shi chekemiqo kümtsü axiné qüaxemi ke.

John 8:51

Kuchou no I no nongu vilo pìní, khukhumu I tsa gholu keu ye khilemu akithí ithulumo nanie.”

John 8:58

Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

1 Peter 1:25

ikemu Ampeu tsa ye pühavemo no pülhapuju ache nani.” Eno nongu lau kütsüve keu ye atsakiviu hipau ke.

Piyeküsü 20:11

Tile no miyetsüghoi keu küká lakhü kijè lakhi eno tipau shou timi lakhi iqa akeu I no ithulu. Ikelo ayeghi eno kungughaqo no pa lau no pove, eno tipaqo ithulu kithemove.