MATTHEW 5:10 - Sümi Tiqhelimi Bible

¹⁰ Achipiumikucho ghenguno pishi-puju ache kemi kümghae, kughengu kungugha kükaphu ye panoqow ke.

BAIBEL (BSI)

¹⁰ ‘Achipiu-mikucho shikeu ghenguno kutamino ghimeqhikemi kumghae, kughengu Kungugha yehkipeye panoqo wuke!

Sumi Naga CL (Re-edited) Bible (BSI)

¹⁰ “Achipiu mikucho ghenguno khuno ghimeni keno akümghapue, kughengu kungugha yekipe ye panow ke.

MATTHEW 5:10 Iomraidhean Croise

MATTHEW 10:23

Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

MATTHEW 19:14

Ikelo Jisü no pi, “Itimiqo pelo I lau ighi pelo, eno panongu lakha kevilo, kughengu kungugha kükaphu ye hitoi kemiqow ke.”

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

MATTHEW 5:3

“Aghungu lo athokha shi ani ipi ithi kemi kümghae, kughengu kungugha kükaphu ye panonguw ke.

Mark 10:14

Kughou Jisü no ti ithulu keno, pa ye aghaideve. Pa no panongu vilo pi, “Itimiqo pelo I lau ighi pelo eno panongu lakha kevilo, kughengu Alhou kükaphu ye hitoi kemiqow ke.

Mark 10:30

hipau küxü lono ghuthu aqhe küghüsü ithulu nani: tiye aki, athiküzümi, achelimi, azá noqo, atianuli eno aki-aluqo, tipau gholo pishi-pujuqhi keu ngò ighi nikeu ghuloki lo lhokta küxü ghí ithulu nani.

Luke 21:12

“Hipaqo kiumu shimphi lono panongu no nongu küghaluve püzü pishi-puju nani. Panongu no nongu kügha pesü Synagog tsakükügha-a lo tsüve no akughuki lo sǘve nani, eno I je ghenguno nongu sasü kükami ngò anghqo zülo sawu nani.

Luke 22:29

Eno I pù no akükaphu I tsü keu toi I no akükaphu nongu tsü anie,

Luke 6:20

Jisü no pa khopemiqo ju no pi: “Nongu khunoqo no athokhami keno akümghae; kughengu Alhou kükaphu ye nonguw ke!

Luke 6:22

Kughou Timi Nu ghenguno timi no nongu mithi, nongu leve, nongu thaigha eno küsakügha kepi nongu jeku nike no, nongu kümghae.

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

Apostolmi 5:40

Pa tsa no timi kümtsü mlo pütsaqhiluve. Panongu no apostolmiqo kusü chile eno akighí no panoqo heqhi pe. Tisheno panongu vilo Jisü je lono pi kevilo pi azah tsü no phe puwuve.

Apostolmi 8:1

Eno Saul ye timiqo no Stephen pìthíve keu lo puloküqha tsüe. Tipau ghuloki lo Jerusalem lo akukuho shou shishe pishi-puju keu kijè lakhi ipeghive, eno tile apostolmiqo thono küpülümi kütamiqo ye Judea ngò Samaria qha kümtsü lo apanagha khave.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

FILIPIAMI 1:28

Kiu lonomu nongu lachile akemiqo pelo nongu shikümsave pe kevilo. Hiye panongu kütsave nikeu michipu ke, ikemu nongu ye Alhou no xaluve nani.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

James 5:11

Nongu no ithi akeu toi, ningu ye khunoqo no tsükhoi shi no aghime puqhelu keno tipaqo ye akümghau kepi kihi cheni. Nongu no Job’w tsükhoi keu ghili chiluvea eno Ampeu no ashekha lo kiu shive keno nongu no ithuluvea. Ampeu ye kimiyeqhiyi keu eno kimiyekini no chhitoi ke.

1 John 3:12

Cain toi shi kevilo, pa ye küsaküghau laumi lakhi shi no pa thiküzüu ghiqhive ke. Eno pa ye kushiye pa thiküzüu ghiqhive kea? Kughengu pa likhi pa kümlà no küsakügha ke eno pa thiküzüu kümlà ye amikucho ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.